يارب ترزق كل محرومه وتعوضها خير اللهم امين

هلا حبيباتي

تقريبا كل رواد القسم يعرفوني

بقولكم قصتي من البدايه

بديت رحلت علاجي بالكلوميد والابر التفجيريه لمده 4 شهور تقريبا والشهر الرابع من العلاج ما خذيت ابر تفجيريه وحده من زميلاتي نصحتني بكذا

وفعلا ربي كتب وحللت بالبيت وطلع خط واضح وخط خفيف يابنات وربي من الفرحه قمت ادور بالبيت وارجف ( استغفر الله ياربي )
ورحت ويا السواق وحللت دم وطلع حمل

رجعت البيت وجهزت شموع على شكل قلب وحطيت صندوق هدايا صغير داخلها ورقه مكتوب عليها سوف يتم اسلام الهديه بعد 9 شهور
انا حااامل
وجهزت عشا ووصل بو الشباب
عباله سهره عاديه كنوع من التغير
عقب العشا
رحت يم الغرفه اللي جهزت بها المفاجاءه وولعت الشموع وناديته وللان مو فاااهم شنو السالفه بالضبط ضحك وفتح الصندوق
يوم فتح انا قمت اصيح طالع بالكرت وبكا وسجد بمكانه والحمدلله كنا طايرين من الفرحه

بعدها خذيت من الدوام اسبوع راحه

ورديت الدوام والامور طيبه بعد شهرين بالضبط وتحديدا بدوامي خرجت من حصتي حسيت بافرازات رحت الله يكرمكم يم دورة المياه
وما اشوف الا مويه ودم وربي يابنات ضميت رجولي مابيه يطيح وقمت اصيح
ودقيت على زوجي وجا خذاني للمستشفى وفي الطريق كله بكا واستغفار
رحت لدكتورتي وعملت سونار وقالت كيس الحمل باااقي فيه طبعا فرحت وتغيرت ملامحي 180 درجه
بس قالت لازم عمل تحليل نسبة هرمون الحمل
ورحت سويته نفس اليوم وسويته بعدها بيومين وللاسف النسبه نزلت
ورحت للدكتوره قالتلي الله يعوضك خير لازم توقفين المثبت
ولازم تنظيف
بس تصدقون يابنات ربي نزل على صبر وهونها

ياليت كل من تقرا قصتي تدعيلي بالحمل الثاااااااااااااااااااااااااااابت في القريب العاجل
بس في سوال محيرني الكلويد يسبب اجهاااض في بعض الحلات
لاني سويت بحث وقريت اكثر من موضع يقولون فيه كذا
اللي عندها خبر اكيد ياليت تفيدنا فيه
والله يرزق كل محرومه

24 تعليق 1,654 مشاهدة

شاركي في النقاش

سجلي الدخول لإضافة تعليق.

التعليقات

24
  1. الله يعوضكم خير ويرزقكم الذريه الصالحه في القريب العاجل
    يارب امين

    اللهم لا تذر اختي رشة عود فردآ وانت خير الوارثين
    يارب يارب يارب
    ويرزقنا ويرزق كل محروم
  2. @rsh_aaod

    صاحبة الموضوع
    فديتج الامل المفقود

    الله يثلج قلبك مثل ما اثلجتي قلبي بدعوتك

    الله يزقنا اجمعين
  3. @roh_sltanha

    يارب ترزقنا الذرية الصالحه
    انا متزوجه لي ثمان سنين ولاحملت ابد 0000
    بس عند الله خير كثير ****لله

تابعي تجارب أخرى من هذا القسم.