بنات تكفون ساعدوني و الله جاني أرق من كثر التفكير
أنا مخطوبه لولد خالي و زواجنا في العطله المهم قبل أسبوعين عزمنا خالي عنده في بيت ورحت و ليتني مارحت
بنت خالي قالت :تعالي معي غرفه أمي نسولف على راحتنا و رحت معها بعد ما تأكدت أن مافيه أحد في الدور الثاني و فجأه دخل أخوها <مو خطيبي >واحد ثاني و طلع على طول و الله يابنات كأن أحد أعطاني كفوووف و قلت لبنت خالي يله نطلع بصراحه ما كان له داعي أننا نجي هنا المفروض أنطق عند أمي و ما شاء الله بيتهم كله شباب المهم نزلنا و جلسنا في غرفه مع البنات
تخيلو
الاخ المحترم دخل مره ثانيه عند البنات و طالع فينا بكل قوه عين و قال أنا آسف و صك الباب بشويش أنا سكتت لكن أختي مرره عصبت و قالت :وش القله الادب هذه ؟؟ هو سمعها من وراء الباب و قال :من الحلوه اللي معصبها ؟؟ و أخواته جالسين يضحكون و احنا مرره أنقهرنا مرره ما فيه احترام عاد أنا قلت :أجلس عند أمي من البدايه أحسن لي و رحت و جلست و أتخيل في كل لحظه أنه راح يدخل سبب لي رعب و ربي <<على فكره هو كبير عمره في 30
و في وقت العشاء رحت أغسل يدي و ألقاه قدامي و أحط رجلي و الله ياينات بكل قوه عين :قال انتبهي لا تنكسري <<يقهرررررررررر
و الله قمه الوقاحه و عرفت من أختي الكبيره <<متزوجه من العائله الكريمه أن أفراد العائله كلهم كذا بس هذا الولد زياده عليهم و أنها تمشي دائما بعايه و غطايه و أغلب الاوقات يدخلون صدفه أتوقع حفظوا شكل أختي اذا جاءت عندهم بصراحه عمري ما تخليت أن في الناس كذا
و الله يابنات الولد هذا مسبب لي رعب لدرجه أكره اسمه و خطيبي حس بكذا لان مره أخوه اتصل و هو عندنا و يقول وجهك تغير و مره قالها بصريح العباره <<أحس أنك تكرهيني فلان <أخوه >و أنا رديت هو أنا أعرفه لين أكره أو أحبه انسان عادي للعلم عمري ما تكلمت في أحد من أهله لا بالخير و لابالشر لان علاقتي مرره سطحيه فيهم
بصراحه ما توقعت العائله كذا تكفوون صبايا لو وحده في موقفي شو تعمل ؟؟؟
لاني قاعده أتخيل وضعي بعدين بيكون زي وضع أختي <وشلون راح تتصرفون في هذا الموقف و الله ما أتخيل أشوفه مره ثانيه
ناس عندهم عادي يدخلون و يخرجون و عيونهم زائغه وشلون راح تتعاملون معهم ؟؟؟
معليش طولت عليكم بس وش أسوي و الله أن حالتي حاله و من التفكير و أحس أني مو مرتبه كلامي بس اعذروني و الله مشوش تفكيري
شاركي في النقاش
سجلي الدخول لإضافة تعليق.
التعليقات
9مواضيع مشابهة
تابعي تجارب أخرى من هذا القسم.