شاركي في النقاش

سجلي الدخول لإضافة تعليق.

التعليقات

2,131
  1. @hya_nnshr_alkhyr

    إزيكم يا كتاكيت .. طبعا كلكم نايمين فى سابع نومه :time:
    علشان كده انا هوطى صوتى و أنا بتكلم ...










    ماما ..
    ياااااااااااااااااارب
    ياارب يا مغيث يا مجيب تطلعى حامل هذا الشهر فى حمل سليم معافى يقر عينك وفؤادك




    عزيزه اللذيذة ...
    بالتوفيق بإذن الله و إن شاء الله نفرح بيكى إنتى وماما ووداع و( هدى ) وكل اللى بينشط الشهر ده



    هدى ...
    ربنا يطمنا عليكى بس ماينفعش يا هدى تسيبى الموضوع كده .. لازم تتابعيه كويس يا هدى و ان شاء الله يكون حمل سليم وزى الفل



    دوعه ...
    ربنا يكرمك على كلامك اللى زى العسل .. ويارب البويضات تكبر وتقلبظ وتبقى زى الفل ويحصل الحمل إن شاء الله
    وبمناسبة تقلبظ ... مره واحد من الدكاتره النص لبه اللى رحتلهم بيقولى إيه
    إبقى خدى الكلوميد وتعاليلى على اليوم ال 14 أو 15
    فقولتله .. ليه مش المفروض أجى على اليوم 10 علشان أتابع ..!
    قالى .. لأ خلينا نصبر علشان البويضة تكبر كده وتبقى حلوه و ...... مقلبظه !
    ولما خرجت إكتشفت إن أنا المريضة الوحيده اللى كنت حاجزه عنده ... شفتى الهبل




    رمال حبيبتى ...
    ربنا ييسرلك كل أحوالك و أمورك ويحفظلك انوس من كل شر ويشفى والدتك ياااارب
    وبعدين أنا مش عايزاكى تروحى تقرى حاجة تانى لحسن كل أما تقولى أنا رايحة أقرا اللى فات و أرجع تغيبى تانى ... يأما بلاش التوك توك اللى بتركبيه ده وخدى تاكسى




    مشمشه ...
    الملف نور بوجودك يا حبيبتى .... وعقبال ما ترجعى تتواجدى زى زمان مع البنات
    وياااارب يحفظلك جنينك ويجى للدنيا بالسلامه يااارب




    نيفووووووووو ..
    وحشتينى قوى قوى .. ويارب يكون دكتور عادل طمنك ولازم تطمنينا الصبح هو قالك إيه
    و البنوته اللى فى توقعيك عايزه تتقرقش بجد ... ربنا يعطيكى طفل قمر كده يااارب يا نيفوو



    أودى ..
    ربنا يكرمك فى التنشيط يا قلبى وتروحى وترجعى من عند ماما بالسلامه



    سااااره ..
    بعد الشر عليكى يا حبيبتى و إحنا كلنا فاكرينك يا ساره متقوليش كده تانى يا حبيبتى بس عقبال ما بنرغى مع الموجودين مش بنلحق نسأل على الغايبين .. وحاولى ماتغيبيش علينا كتير


    سميه ...
    بعد الشر عليكى يا سومه .. ومتخفيش بإذن الله هتطلع حاجه بسيطة ربنا يشفيكى ويعافيكى من كل شر



    طمطم ..
    ربنا يعوضك ويخلف عليكى بالخير كله يا حبيبتى ... وموضوع الماء مظبووووووووط جدا ... ربنا يجازيكى خير على وضعك للرابط ده ... عارفه ياطمطوم إن أساس الخليه أصلا أغلبه ماء , علشان كده لما مش بنشرب مياه كتير جلدنا بيفقد بريقه ويجعد لأن الخلايا بتتكسر بس بشكل بطئ وغير مرئى


    أوكسى ..
    ربنا يكرمك مع الدكتور الجديد و ينور بصيرتك يااارب ... ومبروك الأشراف يا جميله




    توتا ..
    إحنا حاسين بكى جداااااا يا حبيبتى .. بس ربنا بيختبرك وبإذن الله فى نهايه الأختبار هتفرحى وكمان هتنولى رضا ربنا
    ربنا معاكى ويقويكى وتكون أخر محاوله قبل الحمل بإذن واحد احد




    شوشو ياروحى ..
    ربنا يكرمك وتجيبى النونو بالسلامه ويحفظلك أنس يااارب
    ومعاكى حق فى كلامك ربنا دائما بيعملنا الصالح بس إحنا مش بنكون فاهمين وقتها

    عارفه يا شوشو ...
    مره من المرات وفى شهر من الشهور اللى دعت فيها ربنى يكرمنى بالحمل
    وفى الوقت اللى نزلت فيه البيريود ... وفى نفس اللحظه اللى عرفت إن الشهر ده خلاص ... ونط فى دماغى إنى دعيت بس ربنا لم يريد
    فوجئت بزوجى مخضوض على سيف و عمال ينادى عليا بخوف شديد ..... وجريت عليهم ..علشان أكتشف إن سيف فرط حبات سبحه أخذها من الدرج وحاول يبلع الحبات ده .... تخيلى شعورى و إحساسى وقتها
    حسيت أد إيه ربنا كبيررر و رحيم و قد إيه الأنسان صغير ... و أيقنت إن ربنا ممكن يكون إستجاب لدعائى .. و لكن صرف به شر عن إبنى قره عينى بدل ما يوهبنى إبن جديد .. يا حبيبى يااااااا الله







    دانه و نادو وميكو وأم مريم وميزو و أوشى و أوشه و شيمو ... سلامى ليكم كلكم يا حبيباتى
  2. totta_55
    ادعولي يا بنات انا ما زلت نفسيتي مش تمام اوي، انا طبعا مش في ايدي حاجة وسايبة كل شئ لربنا بس مش قادرة امنع نفسي من التفكير ، والتفكير ده هوا المشكلة لأني كل ما افكر في الوضع اللي انا فيه والناس اللي حواليا والمحاولات الكتيير اللي عملتها ، …
    ياحبيبتى يا توتا ياريت كان التفكير الزيادة ده ولا القلق والتعب النفسى هيفيد بشئ .. مش عارفه اقوللك بطلى تفكير كتير بس على الاقل بالراحة على نفسك شويه .. مهما تعملى مش هناخد غير نصيبنا مهما كان .. ومش معنى المحاولات الكتير اللى حصلت ومنجحتش ان فيكى حاجه غلط زى ما بتقولى .. سبحان الله ربنا لسه ما قالش للش كن فيكن .. يعنى كل اللى بيتعمل اجتهاد واخذ بالاسباب منك .. مش معنى ده انه فرض على ربنا والعياذ بالله انه يرزقنا طالما سعينا .. لا .. احنا هنسعى وهنفضل نتوسل لربنا عز وجل وهو ينعم علينا بالنعمه فى اى وقت شاء .. ولازم نبقى عارفين ان الوقت اللى ربنا هيكتب علينا الحمل فيه هو الوقت المناسب لينا وهو الاصلح والخير لينا بس احنا اللى علمنا ناقص بالغيب ومش عارفين الخير فين ...
    هونى على نفسك ياتوت واحتسبى كلللللللللللل الم فى ميزان حسناتك انتى مش بتطلعى من العملية خسرانه حاجه والله بالعكس انتى بتكسبى كتيييييييييييير اوى .. بس احتسبى وتصدقى كتير جدا ومهما كانت النتايج بتاعه المحاولة دى هنحمد ربنا علشان ده الخير لينا زى ما قولت لك .. وسبحان الله وارد جدا انك تحملى طبيعى من غير اى اسباب يعنى العمليه مش بالضرورة تكون السبب فى حملك ياحبيبتى .. رببنا يربط على قلبك ويثبتك كده لحد ما تخلصى العملية على خير يارب ياحبيبة قلبى

تابعي تجارب أخرى من هذا القسم.