شاركي في النقاش

سجلي الدخول لإضافة تعليق.

التعليقات

2,131
  1. Neevooo
    و انت كمان واحشاني كتير جدا خالص اااااااااااه يا اوكستي انا كمان عاوزة اكلها اكل ضحكتها تجنن و بدعي ربنا يرزقني بنوتة زيها و افضل اكل فيها ليل و نهار لحد ما اطهقها ههههههه بالنسبة لدكتور عادل لسة يا حبيبي هروح النهاردة بامر الله ادعيلي …
    نوفى حبيبى ليه الاكتئاب بس .... استهدى بالله ماانتى كنتى من شوية بتتكلمى على الزكيبة اللى مليانه حسنات ... بصى عليها والاكتئاب حيروح ... ربنا يارب يوفقك عند دكتور عادل يا نوفى ويقولك كلمتين يضيعوا الاكتئاب
    ويرزقك ببنوتة لذيذة زى البنوته اللى فى توقيعك بالظبط ... علشان آجى اهريها معاكى .... ربنا رزاق كريم وفرجه قريب ان شاء الله
  2. @boba_boba

    totta_55
    ادعولي يا بنات انا ما زلت نفسيتي مش تمام اوي، انا طبعا مش في ايدي حاجة وسايبة كل شئ لربنا بس مش قادرة امنع نفسي من التفكير ، والتفكير ده هوا المشكلة لأني كل ما افكر في الوضع اللي انا فيه والناس اللي حواليا والمحاولات الكتيير اللي عملتها ، …
    ياحبيبتى ياتوتا ربنا يكرمك من واسع كرمه يارب ويديكى حتى ترضى
    هونى على نفسك ياتوتا واعتبرى ده كله فى ميزان حسناتك يمكن مش هتقدرى تستوعبى ده دلوقتى بس اكيد ربنا شايلك عنده فوق ما انتى بتتمنى بكتير
  3. totta_55
    اوكسي انا سألت د حسام النهاردة علي نقل الأجنة في قناة فالوب مش عارفة هوا مكنش مركز ولا كان في ايه ، لقيته في الأول مش فاهم كلامي وبعدين لما قلتله اني قريت الموضوع ده علي النت وبيقولوا ان نسبة نجاحة اعله من نقلة في الرحم لقيته بيقولي لأ …
    توتا يا حبيبتى انا عوزاكى ترمى تكالك على ربنا طالما خدتى بالاسباب التجئى للمسبب وبلاش تفكير كثير ... انا ححكيلك عن قصة قرأتها فى منتدى عن واحدة عملت عملية تلقيح صناعى فى مركز كبير والنتيجة فشل العملية ... المهم الست دى غلبانة قوى ومعدش معاها فلوس تعيد التلقيح الصناعى فى نفس المستشفى ... المهم راحت لمستشفى حكومى وحكيت حكايتها ... الدكتور قالها جيا عندنا تعملى ايه ... احنا معندناش اى امكانيات فى المستشفى هنا ... المهم هى عيطت واترجيته كثير ... فقبل يعملها العملية وحقنلها السائل المنوى بدون تجهيز ولا غسيل وقال لها متعلقيش امل على النتيجة وبالرغم من كده طلعت حامل ...
    نطلع من القصة دى ان ربنا بيده مقاليد كل شىء سبحانه وتعالى لايعجزه شىء .... اهم حاجة ياتوتا الحاله النفسية ياحبيبتى ... ماتبوظيش الدنيا بيها ... اعدلى حالتك المزاجية بالتفكير الكتير فى ربنا ... ادعيه وتحرى اوقات الاجابة واكثرى من الاستغفار

    نيجى بقى للكلام العلمى .... انا حصلت على ايميل لدكتور اخصائى حقن اجنة وسألته عن اجنتى فقالى ان كان فيه جنين واحد بس جيد ودرجة اولى فى التلاته والباقى مكنوش كويسين
    وسألته عن دكتور كويس فى اسكندرية وقالى انه ميعرفش وحيسألى زمايله
    وسألته عن التقنية بتاعة نقل الاجنة فى قناة فالوب ولسة مردش
    فيه كمان تقنية محتاجة جهاز سونار حديث لتحديد الوقت الملائم فى الرحم لنقل الاجنة معرفش ان كانت فى مصر ولا لأ ... لسة حيرد عليا

تابعي تجارب أخرى من هذا القسم.