ظاهرة العنف مع الأطفال .. مالحل في وجهة نظركم ؟؟

صار نادرا تلاقين وحدة ماتضرب عيالها

واذا نصحتيها قالت خل يطلع رجااااااااال

هذا احنا تربينا كذا وماشاء الله علينا

لاتصيرين مثالية

شيء يبط الكبد

وكله كوم والمدرسين كوم ثاني

ولدي يقول الاستاد يجيب معه خيزان اوسلك عشان يطق العيال فيه

واحد من البزارين مايحل الواجب وكل يوم ينطق هذا بدل مايشوفون وش سبب ضعفه

يمكن المسكين ماعنده احد يهتم فيه او ابوه وامه منفصلين او .. او ..

الطق ماجاب نتيجة طول السنة حسبي الله ونعم الوكيل مايدري انها امانه يسئل عنها يوم القيامة

يقال مربين اجيال

وعنف من النوع الثاني ماذكرتيه وانا اشوفه اكثر تأثير بالأطفال

وهو تحقير الأطفال وسبهم والتقليل ومن شأنهم او مقارنتهم بغيرهم سواء قدام الناس او لأ

او استحقار اعمالهم وقدراتهم وتجاهل طلباتهم وآرائهم

يخلي الطفل يصير مهزوز وشخصيته ضعيفة وماعنده طموح وتفكيرة محدود

المفروض يعامل زي ما يعامل الكبير لأنه له مشاعر زيه زي غيره

كثير امهات يسئلون اشلون نتغير

الحين الكتب متوفرة برامج االتلفزيون ماتنتهي بس يبغالنا شوي اهتمام وصبر

عندي كلام كثير ودي اقوله بس احس اني طولت عليكم

وش اسوي منبطة كبدي

جزاك الله الجنة على الموضوع القيم والمفيد

تفاحة سماوية

تهئ نهئ


انا اضرب ولدي


نفسي ابطل بس من خوفي عليه اضربه

لانه يجري ويبعد عني فالاماكن العامة واخاف يضيع

واحيان اذا شافني جالسة يجي يرمي علي الاغراض

ومايفيد فيه غير الضرب

تكفون شوفولي حل

نفسي اتعلم

مع اني مره حنونه بس يمكن لاني انضربت كثير

الله يرحمنا برحمته
سبحان الله تذكرت قصة الاعرابي الذي راى الرسول عليه الصلاة والسلام يقبل احد الاطفال فقال للرسول
ان لي تسعة من الابناء ما قبلت منهم احدا ابدا
فقال له صلوات الله وسلامه عليه( وما عساي افعل ان نزع الله الرحمة من قلبك)
فعلا انها الرحمة التي انتزعت من بعض القلوب اعاذنا الله من شرها
ويكفي قول حبيبنا ( من لايرحم لايرحم)
فكم من مهمومة وكم من مغمومة قد يكون سبب همها وغمها وتعسيرالرزق عليها هو قسوتها على من ولاها الله امرهم
سواء من البنين او الخدم

اعتذر عن الاطالة واشكر كاتبة الموضوع على الطرح الجميل والتذكير بهذا الامر الذي يغل عنه الكثير
جعله الله في ميزان حسناتك ونفع به وتقبلوا خالص تحياتي

اللهم ارزقني قلبا رحيما رقيقا خاشعا ولسانا ذاكرا ووفقني للعمل بما ترضى

الصراحة أول ما قريت هالجزء

كنت آبغى أقول..إحنا مانعرف هالطفل شو سوا وأمه قد إيش تحملته..لأن صار لي موقف مع ولدي الله يهديه..تحملته لآااااخر درجة لين خلاص..ضربته من القهر..وما سكت إلا لما رجع وإنتم بالكرامة
حتى جاء على بالي إني آقول...تبغوننا نبلغ حقوق الإنسان زي الأجانب..وياخذون الطفل من أهله ويرمونه في أي ملجاء أو أي أسرة غريبة
لكن لما قرأت هالجزء

قلت أستغفر الله...الله يهدينا ويطول بالنا عليهم
هم أمانة من الله..وفلذات أكبادنا
الله يهديهم ويصلحهم ويعيننا على تربيتهم تربية صالحة

يعطيك العافيه