شاركي في النقاش

سجلي الدخول لإضافة تعليق.

التعليقات

2,131
  1. عزيزة المنال
    يخربيت القلق
    عزيزة حبيبتى يمكن انا مش كلمتك قبل كده ولا مرة لانك اشتركتى فى فترة غيابى لكن اسمحى لى اقوللك اهدى اررررررررجوكى ... دلوقتى لو فى حمل او لا قدر الله مش فى هتلاقى الحرارة مرتفعه لسبب طبيعى جدااااا ان حتى اعراض البيريود بيكون فيها ارتفاع بسيط فى درجه الحرارة انا بيصحلى كده مع كل بيريود بلاقى جسمى سخن شويه .. بالاضافة الى ان الجو كمان مخلى الواحد جسمة سخن يعنى هتلاقى مية سبب للحرارة فهمتى ..
    بطلى قلقق وتفكير بقه والحرارة ملهاش دعوة بالحمل خصوصا انك لسه معاد تحليلك ولو حامل هتلاقى الخبر اليقين هيبان بس الصبر وان شاء الله تطلعى حامل وونفرح بحملك ياجميل
    ويابنات عندى طلب ليكم كلكم لو سمحتم .. دلوقتى احنا مثقفين بالدرجة الكافية اللى تخلينا نتخلى عن التفكير فى مسألة اعراض الحمل والكلام ده صح ولا ايه ... لو سمحتم نرتقى شوية بأفكارنا ومعلوماتنا احنا موضوعنا دلوقتى بقى موضوع ثرى جدا وده يخلينى اقول لكم مسألة الاعراض دى مسأله تخريييييييييييف وانا قولت لكم قبل كده ان اعراض الحمل زى البيريود تماااااااااام بالظبط ومحدش فينا يعتمد على الاعراض فى تشخيص نفسه حامل ولا لا ونترك الموضوع لمعاد التحليل يابناتيت علشان منوترش نفسنا اكتر من اللازم وكمان لان الاعراض دى لو ركزنا فيها هتحيرنا اكتر ما هتدلنا وهتشوشنا .. اتفقنا .. ياريت بقه نقفل سوا باب اعراض الحمل من عدمة دى
  2. ريمو انا كنت عاوزة آخد رأيك فى المعلومات اللى جبتها عن دكتور عماد
    اولا بيستخدم فى التنشيط جونال اف ومونيجون ( نفس الادوية اللى بيستعملها دكتور حسام )
    ثانيا بيدى جرعة التنشيط مرة واحدة فى اليوم ( المفروض مرتين فى اليوم وسألت توتا قالتلى حتسألى حسام )
    بيتابع اول مرة سونار بعد 5 ايام ( نفس الكلام عند حسام )
    بعد كده بيدى جرعة التنشيط لمدة 5 ايام اخرى ويطلب من المريضة تيجى تعمل سونار فى اليوم ده وهو حاطط فى دماغه ان البويضات حتكون كويسة وفى امل تاخد المريضة ابرة التفجير فى اليوم ده ( كل الدكاترة بتعمل سونار يوم آه ويوم لأ بعد اول 5 ايام )
    واخيرا ناس كتير بتشكر فى الدكتور ده بس انا متوجسة خيفة من اسلوبه الغريب ده
    انا لحد دلوقت مسمعتش عن حد تانى كويس وسمعته مسمعة زى الدكتور ده عندنا وعايزةيكون فى بدايل تانية
    ام اياد قالت على دكتور تانى اسمه محمد هميسه بس مش لاقيه حد فى النت تابع معاه وهى ملهاش تجربة شخصية معاه
    انا دلوقت مافيش قدامى غير عماد خليفة بس نفسى حد يطمنى على الاسلوب اللى متبعه لكى يطمئن قلبى
  3. أعمل ايه يا رمال الواحد من القلق دماغه هتنفجر
    فغصبن عنه بيفكر في الحاجات دي ولو انه عارف ان كله كلام فاضي والفيصل هو التحليل
    يارب اكرمنا بالذريه الصالحه
  4. @mama1983_1

    ريموا انا مش قلتلك قبل كده ان انا وجوزي اختلفنا انا عاوزة اكمل على طول وهو بعد 5 شهور واتفقنا على البريود الي بعد العمليه الي انا منتظرها دلوقتي والبيريود الي بعدها راحه وثالث بريود تكون العمليه انا استخرت وربنا يسهل

تابعي تجارب أخرى من هذا القسم.