شاركي في النقاش

سجلي الدخول لإضافة تعليق.

التعليقات

2,131
  1. @ashtkt_alyk

    ازيكم يا بنات....صباحكم فل وورد و ياسمين

    عزيزة....صدقيني وزي ما قالتلك ريمو ممكن تحصلك كل اعراض البريود و فى الآخر تطلعى حامل...ومش هينوبك الا وجع الدماغ...فكري بطريقة أظرف....كل ما تقلقى قولى انا خلاص عملت كل اللى عليا وربنا عالم و مطلع و الامر دلوقتى بين إيدين ربنا...وهو احن علينا من نفسنا...هل هيعمل فينا حاجة تضرنا؟؟..وقومى صلى ركعتين لله....و انتظري ميعاد تحليلك فى هدوء....بجد لازم تحاولى و اشغلى نفسك فى أي حاجة.....وربنا يوفقك

    أوكسى...
    صباح القشطة يا جميل....ربنا يعينك يا قلبى على الحيرة ديه....بس متهيألى ده وقت التفكير فى الخطةا لبديلة اللى قلتلك عليها قبل كده....

    ريمو...
    منورة يا قلبى....من زمان مشفتكيش هنا الصبح....

    توتا...
    ليه يا حبيبتى الضعف ده....متفكريش كده أبدا يا توتى...انا عارفة ان ليكى حق تقلقى و تتضايقى...لكن برده احنا واخدين عليكى و انتى صبورة و هادية ما شاء الله عليكى.....انتى يا حبيبتى بتسعى بكل ما فى وسعك...وأكيد آخرة السعى ده خير بأمر الله يا قلبى....ربنا يصلحلك الحال و يريح بالك و يفرح قلبك بأمر الله

    أم أنس...
    أنتى فين...وحشتينى اوي...

    نوفى...
    يلا يا كسلانة طمنينى عليكى بسرعة قبل الهسهس ما يشتغل....
  2. @mama1983_1

    اوكسي بصي مش عاوزاكي تزعلي مني بس انا لو مكانك كنت كملت مع المدينه انا برفض بشده التنطيط بين الدكاتره تفكري انا مش زعلانه من د حسام طبعا زعلانه جدا حد يدي مريضه سن ياس مبكر كل المثبطات ده انا مش حاسبه العمليتين الي فاتوا وبعتبرهم ماحصلوش وابدء اعد من العمليه الي جايه بس السبب الي مخليني لازقه في جنين المعمل الكويس والدكتور المطلع على الحديث دول اهم حاجه وبعدين انا قريت ان اول عمليه انابيب بتعمليها مع دكتور معين نادرا ما تنجح ليه لانها زي الفحص المعملي الدكتور بيتعلم عن جسمك حاجات مهمه ازاي بتستجيبي للمنشطات وامته احسن حجم للحقنه التفجيريه وايه نوعيه الاجنه بتاعتك حاجات كثيره بتضيع على الواحد لما ينطط بين الدكاتره سامحيني يا اوكسي انا عارفه ان ده حاجه خاصه بيكي بس انا بحس اني زي اختك وواجب عليا انصحك عشان بعد كده ما احسش بالذنب اني ما اديتش واجب الاخوه والحب في الله
    اهم حاجه استخيري ربنا عشان ما تحتريش
  3. طيب..... انا ححاول اطلع نفسي من مود التفكير الكتير ده وادخل في الNothing box بتاعي
    وادعي ربنا كتير زي ما قولتي يا شوشو و ربنا العاطي الوهاب ...
  4. @ashtkt_alyk

    ماما...
    ربنا يهيئلك اللى فيه الخير و يكرمك من واسع فضله...

    بوبا..
    نورتى يا بوب....والله طلتك وحشتنا....بس بصراحة حاولى تتناقشى مع جوزك بالراحة و تفهميه علىا لطبيعة ايه الأعباء اللى وراكى و تخليه يحسبها معاكى واحدة واحدة و يقتنع ان فعلا معندكيش وقت دلوقتى.....و فهميه انك مش هتلغى ...انتى بس هتؤجلى شوية لانك جاية من أجازة قصيرة وأكيد سعيتى تعملى فيها حاجات كتير...وانك محتاجة تظبطى امور شغلك و تنظفى بيتك لانك متقبليش حد يزورك و بيتك لسه مش متوضب....ولازم بعد كل ده يعزرك....و لازم تعوديه يقدر ظروفك...لان الازواج ساعات كتير بيفتكروا انهم متجوزين المرأة الحديدية...ومش بيبقوا عايزين اي تأخير من ناحيتها فى طلباتهم او اي حاجة تخص أسرته....انا طبعا مش باقومك عليه..انا باقولك ارضيه لكن من غير ما تدوسى اوي على نفسك ...علشان يبقى أساس بينكم بعد كده

    دانة...
    من ساعة ما قلتلك على اللى فى نفسى و اتى اختفييتى و فى الاخر جيتى رميتى كلمتين و جريتى....ينفع كده.....يلا تعالى صالحينى علشان انتى وحشتينى خالص....وقوليلى فورا خسيتى اد ايه فى الفترة ديه.....

  5. @ashtkt_alyk

    الله ينور عليكى يا وزة.....عين العقل يا حبيبتى....
    و ربنا مش هيضيع تعبك ان شاء الله و هنفرح بيكى كلنا

تابعي تجارب أخرى من هذا القسم.