اوكسي عادي ممكن تاخدي الحقن مفرقه وممكن مع بعض ما بتفرقش قوي في النتيجه في دكاتره بيقولوا احسن مع بعض عشان المريضه ما تنساش الجرعه ولا تروح عليها المواعيد
انا سألت د حسام النهاردة علي التنشيط ليه بناخده مرتين في اليوم مش مرة واحدة وخلاص ؟ قالي : علشان المنشط الواحد تأثيره في الجسم لمدة 16 ساعة تقريبا فالأحسن اننا ناخد منشط كل 12 ساعة علشان الجسم ميفصلش ( يعني ميعدش من غير منشط ) بس وفي الأخر دي مدارس وعلي ما اعتقد انها مش بتفرق اوي يعني .
بصي المقارنة اللي عملتيها علي دكتور بتاعك الجديد ، انا شايفة انه كويس وبالنسبة للمتابعة التبويض يمكن كل حالة علي حسب يعني مش شرط انه عمل كدة مع حد انه ده اسلوبة في متابعة التبويض ، مش يمكن لما البنت اللي بتقولي عليها رحتله اول مرة بعد خمس ايام لقة البويضات صغيرة اوي علشان كدة اداها خمس ايام كمان ويمكن بعدها تروحلو يوم اه ويوم لأ يعني اللي عايزة اقولة كل واحد استجابته للتنشيط مختلفة ومتابعة التبويض بتختلف بناءا عليه .
انتي اعملي استخارة وان شاء الله ربنا يوفقك يا رب وعلي فكرة انا كمان سمعت علي د محمد هميسة انه كويس برده من منتديات تانية
دوعة بصي انا مش عاجبني كلام الدكتورة بتاعتك دي انا حاسة انها مش فاهمة والله اعلم يعني انتي اللي بتقوليلها علي العلاج بتاع التكيس وهي بتوافق عليه ، ازاي الكلام ده ؟
بصي بقة انا رأئي زي ما اوكسي قالتلك ابعتي لدكتور عادل واستشيرية في الهرمونات بتاعتك وشوفي رأيه ايه وان شاء الله يجيب التايهه بدل ما تلفي كتيير بلا فايدة ربنا معاكي