السلام عليكم ورحمة الله وبركاته
انا ابني عمره تقريبا 4 سنوات
يقولي كلام سيئ كنت امسك ايده بالقوة واخليه في غرفة لوحدة واقوله اذا تأدبت تعال
ويجي يقولي اسف ويرجع يعيد الكلام نفسه بعد فترة ولااااااااااااا كانه في شي
ومرات اصرخ عليه واقوله مابكلمه مرة ثانية اذا يضربني او يقولي كلام ماهو كويس بنفس الوقت يقول خلاص اخر مرة ومرات لا مايتهم والمشكلة يقولي ويكون احيانا قدام صاحباتي او اهلي واشعر بالاحرااااااااااااااااااااج
كيف اتعامل معاه ؟؟؟
والله تعبت احس انه في صراع داخلي مااعرف وش الاسلوب اللي استخدمه معاه وايش المفروض اسوي
شاركي في النقاش
سجلي الدخول لإضافة تعليق.
التعليقات
11- قبل كل شي عزيزتي أنصحج بقراءه هالموضوع ...
http://forum.hawaaworld.com/showthread.php?t=2235741
ثانيا بخصوص مشكلة ولدج ترى طولي بالج والظاهر انه ابنك عنيد وانتي بايدك تزيدي عناده ..
خلك صاااااااااااااارمه في عقابك معه .. بقولج على أسلوب عقاب فعال جدا لمثل هالشخصيات >> نفس ولدي سابقا
حطي كونر المشاغبين ( نوتي كورنير ) .. ركن في الغرفه خاص له اذا شاغب أو غلط عليج أو على أي حد ...
في البدايه خليه يوقف دقيقتين وشوفي لو تأثر أو لا من غير ما تكلميه ولا تطالعي صوبه أبداااااااااا
ولو حسيتي انه الدقيقتين مب كافيه خليهم خمس دقايق أو عشر دقايق .. والله انا مره وصلت فيني خليت ولدي نص ساعه او ساعه ما اذكر .. بس تاااب من بعدهااا ☺
حاولي تمسكي أعصابج اذا قل أدبه عليج .. أدري مرات الواحد غصب عنه يثور بس مب مشكله استغفري كل ما غلط عليج و وقفيه من غير ما تكلميه وبعد ما يعدي الوقت روحي له وكلميه بهدوء وخلي عينج في عينه مبااااااااشره و خليه يحس بغلطته ويعتذر ويبوس راسج وقوليله ما تتحرك من مكانك لين أقولك اني سامحتك علشان يتعود ما يتحرك الا بعد ما تسامحيه ...
وبخصوص الكلام الحين هو صار يفهم ولازم تفهمينه انه الكلام هذا عيب وانه صار ريال وعيب يقول هالكلام واللي شاطرين ما يقولون جذيه و اذا يبا يصير نفس بابا كبير وشاطر و حلو لازم يكون مؤدب وما يقول كلام عيب واذا سمع حد يقول هالكلام لازم يقولهم عيب لا تقولون هالكلام لانه كبير ولازم ينصح اللي يغلط ... صدقيني مع التكرار بيفهم وبيركز أكثر بكلامج بس أهم شي انج تقعدين معاه وتكلمينه عينج بعينه و بتركيز منه مب انتي تتكلمين وهو يلعب برجله مثلا لاااااا جي ما ينفع ...
وابتعدي عن الصرااااااخ .. أنا مثلج عصبيه ويمكن هالشي انعكس على تصرفات عيالنا .. لكني قررت والحمدالله أحاول كثر ما أقدر اني أتمالك أعصابي علشان ولدي ما يعاندني .. والحمدالله يوم أكون معاه ما في أحسن منه بس أخليه مكان وأروح عنه أرجع أشوفه مسوي عمايل سودا خخخخخخ
الله يهديهم ويصلح حالهم يا رب ... - اختي لاتتضايقين اخوه عندي
نفس طريقة ولدك والله العظيم مانفع معاه لاضرب ولا عقاب تدرين ايش نفع معاه
الدعاءءءء كلما قالي شئ اقول الله يصلحك ويهديك وكانت امي تقول تشوفين والله بيتغير
وكمان صرت اذا روق احكي له حكايات عن اولاد يسبون امهم ويضربونها وصارت امهم مريضه ولا صارت تقدر تأكلهم وتغسلهم وتلعبهم وصرت اخلي اخوانه يقولون احنا نحب ماما ولا نقولها كلام وسخ ولا نضربها
يعني اشتغلت ع العواطف والحمد لله نجحت بنسبة 80% الى الآن
اهم حاجه لااااااتيأسين الموضوع يبغى له صبر - انت اهدئي وروقي هو رح يهدأ
بس بسالك من فين تعلم الكلام السيئ؟؟
مع مين بيختلط ابنك
هذا شئ مهم جدا - والله العظيم انا ولدي نفس ولدك الله يهديهم مالهم الا الدعاء
- انا ابني سنه و9 شهور اذا عصب يطق
ما ادري اشلون تعلم الطق اول كان يطق نفسه الحين يطق الي حوله
شي غريب
مواضيع مشابهة
تابعي تجارب أخرى من هذا القسم.