ياليت كل وحده تعطينا أسم المستشفى الي ولدت فيه >> يوجد موضوع مثبت

وش أقولكم يبنات
أنا والله تبهذلت بهذلة في اليمامة :icon36:

دخلت عندهم صبح السبت لأني أخذت من العاشر 20 يوم ولا ولدت إلا يوم الثلاثاء

والبيبي مارضى يطلع وكنت بكر وخايفة

ويدخلون علي دكاترة يكشفون علي ويعطوني تحاميل وأنا رفضت أبغى حرمة
وبعد يومين من الزن عليهم جتني دكتورة باكستانية تنفخ علي وضربتني علشاني ماأقدر أتحرك بسرعة زي ماتبي من شدة ألام الطلق :(
وكنت من شدة الطلق أستفرغ
يعني من أكل شي ثمن تجيني طلقة على طول يطلع
وقعدت على هاذي الحال يومين وطلقي كل خمس دقايق
والرحم ماإنفتح إلا 1ونص

وتاركيني على هذي الحالة بدون مغذي ولا مسكن ويوم إني :لمت زوجي وقلت تراي خلالالالاص أبموت مافيني حيل لي يومين ماأكل ولا أنام

وجاء للمستشفى وقال إني أبشتكي عليكم
على طول ركبولي مغذي وعطوني حبوب تخفف الإستفراغ وقدرت أكل شوي تمر وأنا أتنافض من الطلق والحمد لله تقويت شوي ومن بكرة الفجر ولدت

والخياطة سلفتها سالفه :( :44:

إذا كان في أحد يقراء يقول لي علشان أكتبها لكم

أم الشفاء الله لايجزاهم خير هالقمامه أقصد اليمامه ألحين بكر ويسوون فيك كذا حسبي الله عليهم عقدوك ياعمري تراني انتظر قصة الخياطه لاتطولين علينا.والحمد لله على سلامتك

ياحياتي يام الشفا حسبي الله عليهم مايخفون ربهم هالقمامة على قولة ام لجووووونة
بانتظار قصة خياطتك ياقمر

شكرا خواتي أم لجووونه و رشروشة الامورة

وبعد ماولدت جابوا لي ولدي كان لونة أزرق وأظافرة بنفسجية من كثر الطلق الصناعي اللي عطوني

ولازم يكشفون على الخياط من بكرة علشان يكتبون لي خروج
جت لي دكتورة مصرية وأنا توقعت إنها بتناظر من بره بس أثرها دست علي (دخلت أصابعها) أنا بغيت أطير من الوجع بعدها كتبت لي خروج

بعد يومين من الخروج إرتفعت عندي الحرارة و جاني وجع شدشد في الخياط وسألت أمي عن الألم وهل بعد الولادة ينزل من الوحدة مويات قالت أمي لا ورحت على طول للمستشفى
أثر كان اللي ينزل مني البول وأنا مأحس لأن فيني إلتهاب شديد في البول وصديد في الخياط ومفتوحة عندي غرزتين :44:

وعطوني مضادات ومضاد بالوريد على أمل أن الجرح ينخاط لكن مضى 35 يوم من نفاسي والجرح إنخاط وهو مفتوح :(
يعني صار لي فتحتين :44:

وقعدت أصيح وشلون أروح لبيتي وأنا كذا :06:
وسألت الدكتورة وقالت لازم نجرحك من جديد علشان الجرح ينخاط
وشالت الجلد المتشوة وخاطتني من جديد 14 غرزة
وصار لي نفاس ثاني بس الخياط الثاني بغيت أموت من الألم الي جاني قعدت 3 أيام أصيح بفراشي مثل الطفلة :icon36:
ولا رحت لبيتي إلا بعد شهر

والله يابنات إني تعقدت من الحمل والولادة والحين إذا شفت وحدة حامل ماأقدر أشوفها من الخوف وأحيانا أصيح من شدة رحمتي لها
وأحيانا أقول كلام الله لايواخذني علية :( وتقعد أمي تهاوشني عليه :44: وهو والله غصب عني من اللي شفتة

يارب سهل على جميع المسلمات الولادة ويارب تخفف مابي من الخوف علشان ماأقطع نسلي :06: :( :06:

السلام عليكم .أرجوا من ادرة المنتدى الموقرة تثبيت الموضوع لأنه مهم جدا جدا جدا .وصرحة أفدنا كثيرا .ومانبغى نقعد نقلب بالصفحات كل شوي ندور عليه .