شاركي في النقاش

سجلي الدخول لإضافة تعليق.

التعليقات

2,131
  1. @mmyzat

    كوكر ازاى تقولى كده انتى لو مش فاكرة انتى اول واحدة من المجموعة اللى دخلت الملف بتاعى انتى اول واحدة كتبت وفضفضتت انتىاول واحدة ربنا كرمها فى الحقن المجهرى انتى الامل الالدافع للبهجة لكل واحدة عاوزة تعمل حقن مجهرى انتى انسانة مهمة جدا فى الملف وبعدين احنا مقدرين ظروفك ويعنى انتى شايفنى بدخل اوى فى الملف دا انا يدوب عابر سبيل لكن عملرى ما فكرت انى مش ليه لازمة او انى مش بضيف جديد لكن لو انتى مش واخدة بالك انى سبب نجاح الملف انه فيه بصيص امل وانه فيه ناس ربنا كرمهم فيه وده مش متوفر بعض الملفات التانية فلما تيجى تقولى انك مش حاسة انك بتفيدينا اقولك انى حكايتك ووكرم ربنا ليكى ده لوحده كفاية انه يبعث الامل فى اى واحدة محتاجة تسمع خبر حلو يصبرها على مشوار العلاج


    انا اول مرة حاحكى انى سبب انى حبيت المنتدى انى لقيت واحدة فى نفس حالتى وابتديت ارسلها على الخاص وكانت الله يكرمها بترد على بس اللى كان مخلينى متفائلة انها كانت حامل يعنى كانت بتدينى قوة دفع انى استمر فى العلاج وعلى فكرة انا ما استمرتش انى ارسلها يعنى كانت من غير ما اعرفها قوة ليه تفتكرى بقة انتى ووحبك لينا وحبنا ليكى والعشرة كل ده مش حيكون عامل محفز للبنات

    دا انا بحلم اننا نتقابل واولادنا يحبو بعض ويدخلو الجامعة مع بعض احلى حاجة الحب فى الله والمشاركة المعنويةمش مهم احنا بنعمل ايه المهم اننا مع بعض يا رب اكون اقنعتك ولو مش اقتنعتى يبقى غصبن عنك حتفضلى معانا احنا بقة لصقة المانى
  2. @fatm_alzhraaa912

    اية دا انا دخلت ملف غلط ولا اية
    اية الزفت والهباب الى احنا بقينا فية دة بجد الملف بقى يقرف
    يعنى عندنا ناس داخلة على عملية وبدل ما نوقف جنبهم ونرفع من روحهم المعنوية لا كل واحد بيفكر فى نفسة ومش مهم حد تانى بحد مش عارفة لية الملف بقى مقرف وميشجعش ان الواحد يدخلة اصلا وفعلا شيمو عندها حق احنا خلاص مش هنمسك فى حد الى عايز يستنى يستنى والى شايف ان مصلحتة مش معانا يبقى مصلحتة اهم والباقى ينفلق
  3. @mikomiko

    صباح الخير.
    ازيك يا شيمو, عاملة ايه؟
    كوكي: ايه الكلام الوحش اللي انتي بتقوليه ده؟ ازاي تقولي ان وجودك زي عدمه, احنا حنا اخوات. طب حقولك حاجة, انا كان عندي ضعف تبويض و اخدت تنشيط و حقنة تفجيرية و الحمد لله ربنا اكرمني و حملت و ما اعرفش اي حاجة عن التكيس و لا بطانة الرحم و لا الحقن المجهري يبقي امشي؟ لا انا هنا اتعلقت بيكم و الحمد لله ربنا اكرمني ببنوتي علي ايدكم فانتم خالتها سواء اللي كان موجود وقت ماكنت بستشيركم او اخواتنا الجدد, كلكم خالات بنتي, ممكن مش بقدر ادخل كل يوم بس علي الاقل اول ما بلاقي وقت فاضي بدخل اطمن عليكم. فكري تاني.
    نادية و رورو: ازيكم.
    ازيك يا اوكسي.
    ماما: الف مبروك علي ال 2.5 كيلو.

تابعي تجارب أخرى من هذا القسم.