سفره خفيفه في استراحه... وش تقترحون علي؟؟؟

السلام عليكم ورحمة الله وبركاته

اتمنى اكون خفيفه عليكم

وعندي ثقه فيكم بأنكم بتساعدوني بإذن الله

السالفه ومافيها ياطويلات العمار:::
يوم الخميس الجاي بيستأجر زوجي واخوياه استرحه (عوائل) في الدمام وطبعا كل العوايل في الدمام وحنا الوحيدين اللي بنجيهم من الاحساء

طولت السالف وهي قصيره
بس ابي ابين لكم اني ادور على اشياء ممكن تتحمل الطريق يعنى حلى بارد ماينفع

ابي منكم افكار ممكن تخلي الطلعه احلى واحلى
يعني مثلا : وش ممكن اسوي في البيت واخذه معي؟؟؟
غير القهوه والشاي

افكر في معمول ام الذرابه ( جعلها تسلم )
خووووووووووووووش معمول
ناكله في يوم واحد من حلاته ماشاء الله تبارك الرحمن

افكر احطه بعلب بلاستيكيه مقاسها مناسب
وحده للحريم وحده للرجال

وافكر اسوي حلوى بحرينيه بعد لام الذرابه
رهيييييييييييييبه
بس ودي بعلب سفريه بغطاء ويكون مقاسها صغير بحيث تكون كل علبه تكفي شخص واحد
وين ممكن القى هالعلب؟؟؟

وابي منكم تساعدوني بأفكار ثانيه

الاستراحه بتكون من 6 المغرب الى 6 الصبح
واكيد العشاء من برا

13 تعليق 1,751 مشاهدة

شاركي في النقاش

سجلي الدخول لإضافة تعليق.

التعليقات

13
  1. @bnt_bllhmr

    ممكن تسوين فطائر وورق عنب وتاخذين صحون بلاستيك المقسمه اكيد تعرفينها وتحطين لكل واحد صحن وتحطين المعمول اللي بتسوين وتغلفينها وبكذا كل واحد بيكون له صحن وتتحمل المسافه الطويله وعليكم بالف عافيه وتتهنون يارب بجمعتكم
  2. صاحبة الموضوع
    بنت بللحمر
    ممكن تسوين فطائر وورق عنب وتاخذين صحون بلاستيك المقسمه اكيد تعرفينها وتحطين لكل واحد صحن وتحطين المعمول اللي بتسوين وتغلفينها وبكذا كل واحد بيكون له صحن وتتحمل المسافه الطويله وعليكم بالف عافيه وتتهنون يارب بجمعتكم
    يسلمو يالغاليه
  3. @aasl_sdr

    صلحي عيون المها ولا بسبوسه الاوريو مرررررررررررره روعه كل من ذاقها مايصدق انها شغل بيت ولا دونات فيه حلويات كثير تتحمل الحر وسوي معجنات زي ماقالو البنات

تابعي تجارب أخرى من هذا القسم.