اسبوع العطاء لنصبح اقوياء لقرة عين زوجها

ياللا نروح الاول اي فندق من فنادق القاهرة عشان ترتاحوا شوي

دة الشيراتون

ودة الكونراد

ودة سيتي ستارز



ياللا اتفضلوا ارتاحوا

نمنا شوية ننزل بقي طبعا اول حاجة اي سائح بيحب يشوفها هي الاهرامات وهي من عجائب الدنيا السبع وفعلا اللي يبص عليها يحس انه بياخد عبرة رهيبة ان كل شبئ الي زوال لما بشوف الاثار المصرية او اي اثار عموما بحس ان احنا كمان حييجي علينا يوم ونبقي تاريخ
مش عارفة اوصف شعوري بالظبط لما بشوفها بس اللي بييجي علي لساني كلمة سبحان الله انه رغم كل ما وصلوا اليه من حضارة ماقدروش يحموا نفسهم من الموت وكلنا طبعا عارفين قصة فرعون موسي واللي ححطلكم صورته للعظة

الاهرامات عبارة عن مقابر بناها الملوك القدامي واحتفظوا فيها بكل كنوزهم لاعتقادهم ان هناك حياه بعد الممات فكانوا بيدفنوا معاهم كل محتويات بيوتهم حتي الاكل والشرب

دي صور الاهرامات من الخارج







ودة الهرم من الداخل الممرات اللي بتؤدي الي غرف المقبرة






ودي غرفة فيها مقبرة طبعا مفتوحة واخرجت منها المومياء لتوضع في المتحف المصري اللي حنروحه بعد شويه



والمومياء عبارة عن الجثة بيحنطوها بطريقة معينة عشان يحفظوها اعتقادا منهم بالبعث فياعيني لما الروح ترجع تلاقي جسدها لسة موجود!!!!!
الحمد لله الذي من علينا بنعمة الاسلام

طبعا اللي بيروح الاهرامات مابينساش يركب الجمل ولا الحصان

بعد كدة نطلع علي المتحف المصري

حصلي الظهر وبعدين اوديكم المتحف وحتشوفوا في المتحف المومياء وخصوصا جثة فرعون!!

المتحف المصري
دة من الخارج


ودة من الداخل
طبعا المتحف كبير جدا فمش حعرف احط كل الصور بس اللي مهتم ممكن يبحث في جوجل عن المتحف المصري بالقاهرة




ودة شكل التابوت اللي بيحطوا فيه الجثة عادة لو مواطن عادي بيعملوا التابوت من الخشب لكن لو ملك او من اسرة الملوك بيبقي التابوت من الذهب الخالص وبيبقي علي هيئة تمثال للشخص نفسه

ودة شكله وهو مفتوح




ودي رسومات فرعونية




ودي صورة مومياء فرعون للعظة بعد استخراجها من البحر وتحنيطها
وعرفوا انها جثة فرعون موسى بالذات لان عند تحليلها وجدوا فيها نسبة كبيييرة من الملح وكسور ناتجة عن ضغط مياه مما يفيد موته غرقا
وكانت الجثة دي سبب في اسلام عالم اثريات فرنسي لما حللها ووجد التطابق بين التحليل ورواية القران رغم انها اكتشفت بعد نزول القران بفترة كبيرة
نصيحة لضعاف القلوب لا تنظروا
انا كنت ححط كتير صور مومياء بس لقيت شكلهم يخوف قلت بلاش كفاية فرعون

نيجي الان للقرية الفرعونية
تري زهقنا من الفراعنة وسنينهم
المهم دي اخر حاجة تخص الفراعنة

هي مكان عملوه لتشعري كانك وسط الحياة الفرعونية




ياللا اتفضلوا







دة نموذج لبيوت الفراعنة ( طبعا عامة الشعب مش الملوك )


ودة الراجل اللي بيحنط الجثث (حانوتي يعني )




ياللا نروح نتغدي ونرجع نكمل