
السلام عليكم ورحمه الله وبركاته
اهلين بنات رجعت لكم مرة ثانيه اكمل معكم رحله هوسي بالتنظيف والتنظيم واسمحولي على التاخير بس مشغوله بامتحانات بنتي ..
وفي البدايه كما تعودنا نذكر بروابط المواضيع السابقه للي ما تابع معنا الرحله ..
هوسي بالتنظيف والتنظيم (الجزء الاول المطبخ )
http://forum.hawaaworld.com/showthread.php?t=2229063
هوسي بالتنظيف والتنظيم (الجزء الثاني عالم بناتي )
http://forum.hawaaworld.com/showthread.php?t=2232355
واللي حاب يشوف مواعين مطبخي يتابع هالرابط ..
http://forum.hawaaworld.com/showthread.php?t=2193340
وقبل ما ابدأ بغيت اوضح انا بيتي دورين وخصصت ادوات تنظيف خاصه لكل طابق ..وكان معي شغالتين ..الاولى خاصه للغسيل والكوي والاهتمام بالبنات وعليها تنظيف الطابق الثاني ..والثانيه للطبخ وعليها تنظيف الطابق الاول ..والحوش مشترك بين الاثنتين ..وكل شغاله مسوؤله عن اغراضها للتنظيف ..
والحين خلونا نبدأ
الجزء الثالث (ادوات التنظيف )
بسم الله وماشاء الله
اولا: الفرش والمب

انا علقتهم بعلاق بالحوش الخلفي ..طالع شكلهم انظم شوي وسهل على تجفيفهم ...ومثل ما تشوفوا اللي على اليمين هذا لتنظيف ارضيات البيت بس القطعه الخاصه فيه مطلعتنها للغسيل ..
ثانيا : البكت او الزيل (ما اعرف ايش تسموهم )

حطيتهم بمكان جنب الغاز ,,ويمكن تستغربوا من عددهم بس انا مقسمتنهم ..الصفراء لارضيات البيت ..الزرقاء للحمامات ..الخضراء للمطبخ ..الحمراء للحوش ..
حطيت ارفف لاغراض الحوش ..وهذه الفرش اللي بالرف الاول لتنظيف الحوش ..
ثالثا :ادوات تنظيف الغرف والحمامات

انا حاطه اغراض التنظيف بسله خاصه ..وكل طابق له سله خاصه .. الطابق الاول حاطه سلته بدولاب المغسله اللي تخدم الصاله ..والطابق الثاني حاطه سلته بدولاب مغسله البانتري ..
والحين خلونا نشوف ايش داخل هالسله ..



