دلع خطيبي بليز شوفوا لي حل الله لايهينكم

السلام عليكم
بصراحه مو عارفه كيف ابد موضوعي
المهم خطيبي انسان مررره رومانسي لدرجه ما كنت اتخيلها
وانا جدا رومانسيه بس ما اجي شي عنده وهو دايم يدلعني بكلامه وبكل حاجه
ولا اعرف كيف ارد عليه احس نفسي بزره عنده هو يقول الكلام الزين وانا عندي غير هالخد اللي يحمر من الخجل مو عارفه وش اصلح معه
اخاف من كثر ما اجحده بسكوتي بعدين يمل ولا يقول لي كلام حلوو
وربي اخاف من اليوم هذا
ماودي يصير ودي اعطيه علي جوه بس مقدر من جد احس مدري كيف يالليت احد يساعدني
بليز لاتطنشوني

9 تعليق 8,375 مشاهدة

شاركي في النقاش

سجلي الدخول لإضافة تعليق.

التعليقات

9
  1. @am_adm_1

    حبيبتي الخجل مطلوب للبنات وجميل جدا والمفروض هو يقدر ها الشيء انك خجوله
    وبعد الزواج ان شاء الله تقدري تعبري مثل ما بدك

    وان شاء الله البنات ما يقصروا
  2. @am_altofy

    عادي حبيبتي ..الرجال عموما يحبون الحياوية واصلا مع الوقت بتتعودين تقولين له كلام حلو يعني لا تستعجاين..
    بس سؤال انتي كم لك متملكة؟؟
  3. @mkhlsh_lzogha

    مع انى مع الخجل وانصح به وهو اسهل الطرق والحلول لك بنت ان تسكت خجل بدلا ان تقول

    كلام فيما بعد تندم ربما عليه

    المهم غاليتى لابد ان تبينين ان كلامه هو ما اسكتك وانه فعلا لا يشق له غبار فى التعبير عن حبه لكى وهذا ما حببكى فيه اكثر واكثر

    لا تسكتى غاليتى دون ان يعرف مالذى يسكتك

    وان كنتى تتكلمى بالهاتف اهم لان بالهاتف لا يري التعبير بالخجل او غيره

    غاليتى لن انصحك بالكلام الذى لا تستطعين به ولكن لا تسكتى حتى لا يظن انك متجاهله احاسيسه

    اشرحي له انكى تموتين خجلا من حديثه لدرجه تخرسك عن الكلام

    واذا ما عرفتى كيف توصلين له الكلام

    اخبرينى وانا اعطيكى الكلام المناسب


    الذى يفرحه وتستطيعين انتى ان تقولينه

    وسلامتك
  4. @frnsyh

    صاحبة الموضوع
    ياهلا والله بام ادم
    فرحني ردك ياعسل وربي يجزيك خير

    فرحه قلبه ربي يسلمك على مرورك ورايك
    وصار لي متملكه 7 شهور

    مخلصه لزوجها
    يعطيك الف عافيه على الكلام اللي ولا احلى
    انا دايم اكلمه بالتلفون وحتى بالتلفون تلقيني الف وادور على الكلمه اذا بغيت اقولها

    يالليت ما تبخلين علي يعني وش اقدر اقول له انا ماعندي غير كلمتين اللي هي وحشتني واشتقت لك غيرهم ما اعرف اقول حتى هو دايم يقول ليه ما تقولين لي كلام حلو
    واذا قلت هالكلمتين يقول ابيهم من قلبك مو بس لاني قلت لك احكي تحكين
    والله مو عارفه شوري علي الله يجزيك الجنه
  5. @rose_candle

    الخجل حلو ...

    كبداية ارسلي له مسيجات تعبر عن مشاعرك ..

    يعني تكوني انتي الي كاتبتها ..

    وشوي شوي بتتعودي عليه ..

    وابدأي تقوليله الكلام الحلو عن طريق التليفون و بالتدريج ..

    والله يوفقك و يديمها عليك ...

تابعي تجارب أخرى من هذا القسم.