السلام عليكم ورحمة الله وبركاته
بسومه الله يقويكي انا طبعت الجدول حق الأسبوع بس ماقدرت اسوي منو ولا شي
كنت ناوية امسك غرفة الصغار لأني ماعندي غرفة العاب غيرها
بس للأسف ماقدرت اسوي شي
البارح كان نومي مقطع وموش ولا بد فاليوم نايمة طول النهار وقمت طبخت رز هندي ومرة الحمد لله عجب كل اللي في البيت وكمان ماما كانت عندي وعجبها
وبدات ارتب في غرفتي واذاكر للصغار في نفس الوقت
قام زوجي جا العصر وقاللي يالله قومي نقضي
خرجت من قبل المغرب ورحنا كذا مشوار وفي الاخر قضينا من المستهلك زحمة موت
ورجعت تعبانه علآخر اتعشينا سندويتشات جبنة ولبنه وعصير وشلت الأشياء اللي تخرب في التلاجة والفريزر
ودحين بدي اقوم انام ان شاء الله وبكرا بإذن الله راح اشن هجوم على البيت
الجانب الديني
صليت الفروض بس والأذكار
الجانب الجمالي
النظافة الشخصية كاملة
وقبل مااخرج دهنت رجلي بكريم جليسوليد ولبست شراب وجزمة رياضة اكرمكم الله عشان اضرب عصفورين بحجر
تصبحو على خير
وفي امان الله
همم عالية (7) في ضيافة وقيادة الأخت بسماتـ ( شاركونا )
متابعة النقاش، صفحة 20