السلام عليكم يابنات شلونكم وشلون البيبيات واحب ارد عن اسئله وااسئل بعض الاخوات
ذكرى ملاك : اول شي اشكرج حبيبتي على اهتمامج لموضوعي والرد عليه ربي يتمم عليج حملج ويجزيج خير واحب اسئلج سؤالين :
اولا : الاجهاضات ال3 اللي حصلت معاج هل كنتي رابطه
فيها ؟
ثانيا : احب اسئلج عن المسحه اللي يسونها لج كل شهر هل هي من برا يسونها لج او من داخل اقصد من قناة المهبل ؟
مروهاج : اسمحيلي حبيبتي ماشفت مشاركتج عن ولدج والحين برد عليج ولا يهمج .... وعن تكبير الخط والله حاطه في بالي وكل ما اكبر الخط رقم بعد تقولين صغير الظاهر الخلل من عيونج مو الخط :hahaha:
اولا : تهيئة حسون اثناء الحمل :
# خليه يتحسس بطنج ويحس بحركه البيبي وقولي له شوفها تبي تطلع تقول مشتاقه لاخوي حبيبي بوسها وتخلينه يبوس بطنج .
# حاولي تخففين العبء عنج قبل الولاده بان تخلينه يتعلم يروح الحمام بروحه وياكل بروحه ويلبس ملابسه بروحه ومدحيه على كل هذا .
# اذا عندكم اي مولود جديد بالعائله خليه يشوفه ويبوسه ويتلمسه حتى ياخذ فكره عن البيبي كيف بيكون شكله .
# انتي تقولين عمره خمس سنوات يعني مادخل روضه من قبل ؟ لان الروضه تمهد للولد للمدرسه وتعلمه الانضباط وعن التدريس جيبي له مدرسه لان صدقيني اهم شي السنوات الثلاث يتقوى بالعربي والاملاء وبعدين لما يعرف يقرا بروحه خليه يعتمد على نفسه لاتقولين انا بقدر ادرسه صدقيني المدرسه بتقويه احسن وعندها خبره بتدريسه .
# حاولي قبل اشهر من الولاده انج تنقلين سريره لغرفه غير قبل مايجي البيبي علشان مايحس ان البيبي هو اللي ابعده عنكم وتتولد عنده الغيره منه .
ثانيا : دورج انتي امه اذا جبتي البيبي البيت :
# اول ماتدخلين البيت تجيبين له هديه وقولي له هذي هدية البيبي لك .
# عطيه اهتمام اكثر من البيبي واذا دخل عليج ولدج وانتي ماسكه البيبي عطيه الشغاله تهتم فيه او حطيه على الكرسي او الارض واحضني ولدج ووضحي له انج تحبينه اكثر من البيبي لانه هو الكبير وتحبينه وايد والبيبي صغير وتحبينه شوي .
# خلي ولدج يساعدج بالاهتمام بالبيبي والتغيير له مثل البدله او يدهن جسمه بالكريم او البودره بس حاسبي يشوف اعضائها التناسليه قولي له عيب علشان يحس هو بمسؤؤلية البنت وانه مسؤؤل عنها وعلشان يشبع رغبته في اكتشافها لانه اذا منعتيه من الاقتراب منها ولمسها راح يكتشفها بعيد عن عينج ويمكن يأذيها .
# دايما قولي له انت اخوها الاكبير لازم تحافظ عليها وتحميها من كل شر .
# ولما تكونين معاه برا تشترون اغراض للبيبي دايما قولي له يالله نشتري اغراض لاختك لاتقولين بنتي حتى يحس انه جزء منها وبالانتماء لها .
# اي شي كنتي تسوينه له قبل سويه له في وجود البيبي حتى مايحس ان امه انشغلت عنه واهتمت بغيره ولاتحملينه اشياء ماجربها قبل ويحس بالعبىء الثقيل عليه مثل ماقلت لج اي شي تبين تعلمينه علميه قبل الولاده .
ثالثا: دور ابووه :
# طبعا لازم مايبين له ان الاهتمام فيه والدلع قل عن قبل ويهتم فيه اكثر من البيبي .
# اذا جاء البيت ابوه وجايب اغراض للبيبي لازم يجيب لولدج شي حتى مايغار منه .
واحب اطمنج حبيبتي الاولاد ترى مايفتكرون بالمشاعر مثل البنات لانهم وايد حساسات واحسن بعد ان ابوه يدلعه ويهتم فيه علشان ياخذه شوي عنج ووضحي لابوه انه لازم يلهيه عن البيبي ويتحمل هو مسؤؤليه حسون
بس صدقيني البنات غيييير فيهم مشاعر واحساس غير عن الاولاد بتاخذ قلبج وقلب ابوها راح فيها حسون :22:
Ϡॣ₡ ־ˉ ־¯−ـ‗_ أحلى تجـمع للحوامل الرابطات (ربط عنق الرحم) الـعآآشــر_‗ـ−¯־ ˉ־ Ϡॣ₡
متابعة النقاش، صفحة 6