شاركي في النقاش

سجلي الدخول لإضافة تعليق.

التعليقات

2,131
  1. @neevooo

    صاحبة الموضوع
    صباح الفل عليكي يا ميكو
    ازي زئزوئة ؟
    عاملة ايه في الحر دة ؟
    تلاقيها قاهدة بتهوي جوة
    و اول حجة هتعملها اما تيجي بامر الله
    انها هتنزل فينا تلطيش من الحر
    ههههههه
  2. @hya_nnshr_alkhyr

    السلام عليكم يا بنات
    معلش سيف كان مريض جدا و انا كمان بدات أخد الدور علشان كده مش هقدر أقعد كتير

    نيفين حبيبى ...
    ألف مليون سلامه عليك يا قلبى ... بعد الشر عنك
    الحمد لله إن اللى فكرتى فيه وكنتى خايقه منه مطلعش صح
    و أنا قريت الأقتراحات اللى إقتراحوها البنات وكلها بتنطوى على وجهة نظر كويسه , بس أنا مياله أكتر إنك تنتظرى لما تخسى ..
    بعدين تعالى هنا يا أستاذه ممكن تشدى حيلك فى الخسسان شويه .. عايزين نفرح بيكى بقى يا نوفى

  3. @hya_nnshr_alkhyr

    شوفوا يا بنات أنا عارفه إنه مش من الحكمة إنى أتكلم دلوقتى ولكن أنا حابه أقول رأى فى النقاش اللى دار الصفحتين اللى فاتوا
    و أتمنى تقرأوه بتروى



    أى عضوه كانت أوهتكون هنا وأخذت أو هتأخذ قرار بالأنسحاب ممكن يكون لعدة أسباب
    و إسمحولى أقول رأى فى كل سبب على حده ..

    لو السبب إنها مش حاسه بإهتمامكم وحبكم زى الأول .. فمن حقها علينا إننا نلتف حواليها ونقولها بمنتهى البساطة ... قد إيه إحنا بنشتاق لها وبنحتاجلها وبنحبها ..
    و أكيد ساعتها هترجع عن قرارها ..... ونحاول نهتم بها شويه لأننا فعلا احيانا بننسى نرد على بعض بسبب الغفله وكثرة المشاركات ..


    ولو السبب إنها بقيت مشغوله ومش هتقدر تدى زى الأول ... يبقى نشكرها على كل اللى قدمته ونقولها ربنا معاكى ويقويكى و نأكدلها إن الكلمه منها ولو كل إسبوعين مره هتفرق معانا كتييييير و إننا هنقدر غيابها ومش هتكون حتى ملزمه إنها تقدم أى أعذار وده أكيد هيخفف العبئ النفسى و الشعور بالتقصير و بالتالى أكيد برضه هترجع عن قرارها


    ولو السبب إنها بقيت مشغوله لأنها بقيت حامل ...
    فده شئ طبيعى ومن حقها .... ومش معنى كده إنها مش بقيت تحبنا أو محتاجلنا .... لأ طبعا
    بس اللى ربنا بيكرمها بالحمل .. بتفرض عليها الحياه و الوضع الجديد أعباء و التزامات جديده وكتيره لأنها مش تجربه سهله .. ده مسئولية و أمانة .... فغصب عنها ممكن ماتقدرش تتواجد زى الأول وزى مابيقولوا ( صاحب بالين كداب )

    نيجى للسؤال المهم ..
    يعنى اللى حملت ده المفروض تنسى إصحابها اللى لسه موجودين هنا ؟؟؟؟؟؟
    طبعا لأ .. طيب إزاى !

    أنا لاحظت من خلال كلامكم إن أغلبكم على لينك مع بعضه سواء بالتليفون او الأيميل أو حتى العلاقة الشخصية المباشرة .. وده يأكد إن شرارة الصداقة الجميلة اللى ربطتكم مع بعض بدأت من الملف آآه ... ولكن مش بتنتهى عند حدوده

    فمن الطبيعى إن أى صديقة لحد فينا هنا مش قادرة تتواجد .. يبقى مش نضغط عليها وفى نفس الوقت هنفضل أصحاب بس بره حدود الملف ... لأنه مينفعش حد يدخل ويكلم أصاحبه بس ..
    أكيد اللى هتدخل هتكون ملزمه ترد على الجميع وتفند كل المشاكل و المشاركات
    علشا متجرحش حد أو حد يفتكر إنها بتتاجهله هو شخصيا

    يبقى الحل إيه ..؟
    الحل إن اللى مش قادر يتواجد نخليه براحته لأنه فى الواقع مش بيتخلى عن صداقتنا ..لأ .. هو بيتخلى فقط عن التزامه بملف ما فى منتدى ما .. علشان كده مش لازم ناخد الموضوع بمراره وحساسيه


    فى سؤال تانى ممكن تفكروا فيه ..
    طيب ما هو لما كل واحده تنشغل أو تحمل وتبقى مش قادرة تدخل .. كده بقى الملف يتقفل أحسن ؟؟؟؟؟؟؟؟

    برضه لأ طبعا ... لأن الملف ده ملف قيم جدا و هدفه نبيل واللى خلاها كده المعلومات الشامله المتكامله اللى إتثبتت فى الأول و إن بيرفرف فوقيه حب وتفاهم وتعاون بيتسلم من مجموعة لمجموعة ... وبكده هيفضل الملف ده شعله نور و أمل تنور طريق مئات البنات اللى كانوا موجودين و اللى موجودين حاليا و اللى لسه هيدخلوا كمان وكمان
    يعنى دائرة هتفضل موجوده ومتواصلة ... ومش لازم تنتهى بإنتهاء وجود شخص معين
    و أكيد هيجى ناس وتمشى ناس لأن ده سنه الحياه .... بس هيفضل كل اللى بيدخل هنا بيخرج من الملف ده بأجمل علاقات الصداقه حتى بعد مرور سنوات وسنوات

    و أخيرا أنا لم أقصد بأى من كلامى شخص معين ... ولكنى قلت رأى بمنتهى الموضوعيه .. لأنى لاحظت إن فكره إنسحاب حد من القدام بينظر لها نظره مش فى محلها .. بغض النظر عن الوقت اللى بيتم إختياره لأخذ القرار ده ..

    أنا عارفه إنى أعتبر جديده هنا و إن رأى ممكن ميلقيش إستحسان من أغلبيتكم ..... بس حسيت إن لازم أقول رأى إنصافا للحق

تابعي تجارب أخرى من هذا القسم.