شاركي في النقاش

سجلي الدخول لإضافة تعليق.

التعليقات

15

  1. @anth_mn_alhor

    اكثري من قول اللهم يامفهم سليمان فهم ابنى..اللهم يامعلم ابراهيم علم ابنى سبحانك لاعلم لنا الا ماعلمتنا انك انت العليم الحكيم,,))
    والله يفتحه على قلبها

  3. @bthyn_2

    عزيزتي أول شي أحب أقولج طوووووووولي بالج ولا تقولين حفظه بطيء أو ما يقدر علشان ما توصلي هالمعلومه له و يصير فعلا ما يقدر !!

    بقولج على نقطه مهمه يمكن انتي غفلتي عنها ...

    اختيار الوقت المنـــــــــــاسب للحفظ والمكان المناسب والجو المناسب ؟؟؟

    هل فعلا تختارين وقت يناسب الحفظ ؟؟ أفضل أوقات الحفظ الصباح ... عند كل الناس مب بس الاطفال ...

    الجسم يكون مرتاح و الطفل يكون نشيط وعنده قابليه لكل شي الصبح .. بس أهم شي يكون ما في شي عنده يشغله ويلهيه عن الحفظ ..
    لازم يكون تركيزه كله في السوره و صدقيني من غير ما تقوليله احفظ بتلاقيه حفظ ...
    أنا اتبع هالطرق والحمدالله لا اله الا الله ولدي الله يحفظه يحفظ بهالطرق ...

    أول شي أشغل له السور القصيره اللي أبغيه يحفظها قبل النوم ... يعني وهو قاعد على سريره مسترخي و القرآن شغال بصوت هادي وبصوت القارئ الشيخ أحمد العجمي لانه ما شاء الله تبارك الرحمن صوته محبب للأطفال عن تجربه ( جربت أكثر من صوت لأكثر من قارئ وشفت انه ولدي مال لهالصوت أكثر من غيره ) ..
    الصبح أول ما يقوم أقعد معاه ونقرا قرآن أنا اقرا فقره فقره مب كلمة كلمه وهو يعيد بعدي وطبعا صعب انه في البدايه يلقط كل الجمله بس مب مشكله عيدي الجمله اشوي اشوي وبيركز معاج أكثر .. وكل ما خلصتوا قولي له برااااافو بارك الله فيك صرت ريال تعرف تقول قرآن و بكره بتكبر وبتصير نفس بابا تروح المسجد وتصلي مع الرياييل الكبار ☺☺ ومن هالكلمات التشجيعيه ..
    وبعد ثلاث أيام بالكثير من تكرار سوره وحده فقط خليه يقولها لوحده .. بس ركزي معي على نقطه مهمه ..
    وانتوا قاعدين طول اليوم بأي جو كان اقعدي بينج وبين نفسج بحيث انه يسمعج ( لكن خلي نفسج مشغوله في شي ثاني ) واقري السوره وعيدي فيها وصدقيني هالشي بيلفت نظره انه القرآن ماله وقت محدد وانه شي مسلي وجميل .. بس رتلي له السوره بصوت جميل علشان تجذبينه مب كأنج مدرس يلقن وفقط ...

    و امدحيه جدام أبوه وقولي ما شاء الله ولدنا صار ريال ويعرف يقرا قرآن وخليه يسمع السوره لأبوه ..
    هالشي بيعطيه دافع انه يستمر و يواصل ويتمنى حفظ المزيد ..

    والله يحفظ ولدج و ولدي وعيال المسلمين أجمعين ... ويجعلهم من حفظة كتاب الله الكريم ...

  4. @nor_hya

    بثـينة
    عزيزتي أول شي أحب أقولج طوووووووولي بالج ولا تقولين حفظه بطيء أو ما يقدر علشان ما توصلي هالمعلومه له و يصير فعلا ما يقدر !! بقولج على نقطه مهمه يمكن انتي غفلتي عنها ... اختيار الوقت المنـــــــــــاسب للحفظ والمكان المناسب والجو المنا…
    طريقة ممتازة ..

    وجربي بابا سلام ( اللي على شكل لابتوب) ..

    والله يكون بعونك ..

  5. @gman1429

    بثـينة
    عزيزتي أول شي أحب أقولج طوووووووولي بالج ولا تقولين حفظه بطيء أو ما يقدر علشان ما توصلي هالمعلومه له و يصير فعلا ما يقدر !! بقولج على نقطه مهمه يمكن انتي غفلتي عنها ... اختيار الوقت المنـــــــــــاسب للحفظ والمكان المناسب والجو المنا…
    ماشاء الله عليك:27:

تابعي تجارب أخرى من هذا القسم.