السلام عليكم ورحمة الله وبركاته
هالموقف حصل معي بمحل ابو ريالين
كنت داخلة واشري بعض الاشياء ولفت انتباهي اشرطة ديفيدي منسوخة وقعدت اقلبهم واتفرج << نويت اخذهم لان الاصليه كل شوي وولدي كاسر واحد ب50 وب70 ريال
المهم وماادري الا اسمع واحد يتكلم يقول وشن ذولي يسوي نفسه برئ ومارديت ويسأل الهندي وقال اشرطة ديفيدي
المهم بعد ماخلصت منهن مشيت بأكمل باقي اغراضي وماادري الا الرجال وراي مره ثانية يقول لو سمحتي<< انا هنا سويت نفسي مااسمع.
مادريت الا قرب اكثر وبديت اتنافض مع ان المحل في غيري بس كبير وقال ممكن تختارين لي من هالاشكال !!!
انا هنا التفت قلت بأشوف وش القصة اللي جاء ببالي انه يبين اختار شي لزوجته او بنته مع انه ماله حق يسألن خير ان شاء الله!
ولما شفت وش يقصد وانا الى الحين مو مستوعبة الوضع واثره يأشر على طقم فناجيل قهوة!!
قلت نعم!! قال ابيك تختارين لنا منهن على ذوقك بنهديهن الطلاب !!
طيب وش دخلن انا!! << قلت بنفسي
المهم سفهته ومشيت الجهة الثانية وثواني رحت احاسب سد نفسي والله لو يشوفه رجلي كان يذبحه مع انه الحمدلله واثق بي
واحاسب واشيك على الكيس وش تتوقعن صار!! لقيت رقمه جوا الكيس
واطلعه واشققه واحطه على طاولة المحاسبة واطلع
وش هالعقليات!! الى الحين فيه هالحركات!!
واللي قاهرن ان الرجال شكله مب صغير ابد ابد باين كبير
ومااستبعد يكون متزوج الله يهديه بس ويسخره لزوجته ان كان متزوج
او يزوجه بنت الحلال اللي تصونه
وبس هذا موقفي
انا صراحه نزلت الموضوع لاني منصدمة من هالموقف معقوله فيه هالحركات الى الحين!!
تحياتي للجميع :hhheart: والله يعين على الهجوم من البعض :icon29:
شاركي في النقاش
سجلي الدخول لإضافة تعليق.
التعليقات
92مواضيع مشابهة
تابعي تجارب أخرى من هذا القسم.