شاركي في النقاش

سجلي الدخول لإضافة تعليق.

التعليقات

2,131
  1. @ashtkt_alyk

    تويتى...
    كويس انك ظهرتى و طمنتينا عليكى يا قمراية....الحمد لله ان ا لسحب عدي على خير....و ان شاء الله يا قلبى كل بويضاتك تتلقح و تبقى اجنه درجة اولى و تثبت و متسيبكيش الا بعد 9 شهور كاملين بامر الله...

    متقلقيش يا توتا انتى بتسعى بكل طاقتك و انتى كمان انسانة جميلة اوي....اكيد ربنا هيفرح قلبك و يقر عينك.....متفكريش فى اي احتمالات وحشة دلوقتى خالص و سيبيها على ربنا....وان شاء الله هنباركلك كلنا قريب
  2. @dodaaa_1

    totta_55
    السلام عليكم ورحمة الله وبركاته انا جييييييييييييييييييت معلش اتأخرت عليكو بس غصب عني والله ، شكرا لكل اللي سأل عليا والله انا من غيركو ولا حاجة بحبكو اوي اوي في الله انا الحمد لله عملت السحب النهاردة وعلي فكرة يا ريمو السحب بيتاخد بن…
    ازيك يا توتا
    ان شاء الله ربنا يتمم علي خير المرة دي
    المهم انتي تبقي كويسة نفسيا وصحيا
  3. @ashtkt_alyk

    سمية....
    يا خبر....لو اعرف ان سؤالى هيفرحك كده كنت مش بس أسأل عليكى كل يوم يا حبيبتى..لأ ده انا اسأل عليكى كل ساعة....
    و طبعا عندك حق...كل واحد فينا بيفرح أكيد لما يلاقى حد مهتم بيه و بيسأل عليه.....بس الحمد لله بقينا متاقلمين دلوقتى مع موضوع ان الوقت مش بيسمح لكل واحدة بذكر كل الاسامى فى كل مرة لاننا ما شاء الله بقينا كتير اوي...ربنا يبارك فى الصحبة ديه و يجعلها دايما صحبة خير وي بعد عننا الشيطان و كل حاجة وحشة و يفرح قلوب كل الموجودين...

    نيجى للمهم....اولا ربنا يباركلك يا حبيبتى على وقفتك مع اخت جوزك....و عقبال ما هى تردهالك يوم ولادتك بأمر الله....

    و ثانيا...الحمد لله ان الورم خارج الرحم.....و انا كنت قلتلك قبل كده بس شكلك مش أخدتى بالك....انا كمان عندي ورم ليفى فى الجدار الخارجى للرحم....و طالما مش عامل اعراض (أهمها حدوث نزيف بعيد عننا كلنا طبعا) ...وطالما برده تجويف الرحم و بعيد عن عنق الرحم...يبقى الافضل منشغلش بالنا بيه دلوقتى....وده الكلام اللى قالهولى الدكتور و فعلا الحمد لله حصل حمل فى وجوده....وقالى كمان انه هيكبر مع الحمل.....و غالبية الدكاترة مش بيفضلوا التدخل الجراحى و لا التعامل معاه الا لما يعلن عن نفسه بشدة و ده بيكون بعد وقت طويييييييييييل جدا....لكن انا معنديش فكرة التعامل معاه بيكون ازاي....المهم خلينا فى دلوقتى....طالما مش مؤثر يبىق اعملى نفسك مش شايفاه و ان شاء الله ربنا يكرمك...

    و اخيرا يا ريت تطمنينا بتعملى ايه دلوقتى...هل عملتى التحاليل و لا هتبدأي العملية ول ا ايه خطواتك الجاية...
  4. اشتقت اليك
    ماما... ازيك يا حبيبى...معلش انشغلت و قمت قبل ما اكمل السلامات.....انا شفت البروتوكول الجديد اللىا نتى حاطاه ...بس معرفش عنه حاجة يا ماما....علشان كده مش علقت...عموما يا قمراية...انتى فعلا ماشاء الله بتدوري الموضوع من جميع النواحى و إحنا ا…
    انا والله مصدقاكوا وعارفه مانا ياما وهمت نفسي وفي الاخر كانت بتجيني الدوره بطلت اوهم نفسي بحاجه
    انتوا عندكوا حق بس غصبن عن الواحد بيقعد يفكر من القلق اللي فيه
    المهم دا انا كده رحمه :D
    طب سؤال علمي بقه الواحده المفروض تحلل بعد الابره التفجيريه بكام يوم ؟ اسمع من ناس 10 و من ناس 15 و هل ينفع التحليل المنزلي ؟!
  5. @ashtkt_alyk

    وداع...
    ازيك يا حبيبتى....
    و ربنا يخليكى و يجازيكى خير على سؤالك عنى....
    انا الحمد لله بخير و الشد خف شوية ...و فعلا الدكتور قالى ده غالبا نقص كالسيوم....وكمان كان بيجيلى فى انس و كنت باخد ليه فعلا دوا مكوناته كالسيوم و ماغنسيوم....بس ان شاء الله من الزيارة الجاية هيكتبلى الكالسيوم وا لفيتامينات.....

    و أيوه كده ارجعى استرجعى معلوماتك فى الصيدلة و خليكى الخبير الكيميائى بتاع الملف.....

    و صحيح انا مش زعلانة و مقصدتش انك تقصدي حاجة وحشة بكلامك.....ربنا ما يجيب زعل بين اي حد فينا....بس حبيت اوضح علشان محدش يفتكر ان فيه حاجة لا سمح الله من ناحيتى او من ناحية طمطم.....ديه حبيبة قلبى...

    و أخيرا متقلقيش يا وداع...ان شاء الله الالتهابات مش هتكون شديدة و مش هتأثر على حدوث حمل....لان متهيالى فيه حوامل كتير بتجيلهم التهابات و بتتعالج....و انا كمان عندي اكتر من صديقة حملوا و هم بيتعالجوا من التهابات شديدة.....

    توكلى على الله وبامر الله هيفرح قلبك....(على فكرة انا فى كل مرة تنشيط كنت باخد حقنتين كوريومون كل واحدة 5000...و ديه الجرعة الثابتة لاطباء كتير...يعنى متخافيش منهم...و ان شاء الله يبقى فيهم كل الخير)

تابعي تجارب أخرى من هذا القسم.