&&تجربتي مع اختبار الايلتس IELTS && *_*//قديم

الله يوفقك ياااااااااااارب وتجيبي الدرجه اللي تتمنيها ويسهل على كل مسلم ومسلمة دراستهم ومشكووووووووورة موضوعك ماشاءالله متكااااامل ومفيد

بسم الله الرحمن الرحيم
من زمان اشوف مواضيع زي كذا في منتديات مختلفة , ناس يتحدثون عن تجاربهم مع الايلتس وكيف عدوا فيه,,
وانا كل ما أشوفها اقول يارب متى اصير مع هذا الركب وارتاح من هم الايلتس ,,,

بعد اذن صاحبة الموضوع ودي اسدح تجربتي هنا ,,



اتيت استراليا انا وعائلتي في فبراير 2009 وبدات دراسه اللغة طبعا انا جيت ما عندي الا كلمات بسيطة في اللغة النجليزية من ايام الثانوية يعني اول ما وصلت حسيت كاني جاية من كوكب ثاني ما قد سمع انجليزي ...

المهم وبديت في الجد من يوم وصلت يعني ماكنت اطلع مع البنات في الويكند او اروح جمعات بس من البيت للمعهد واذا طلعت انا واسرتي في الويكند مرة ..
حجزت اول ما وصلت اختبارين لانهم قالوا لي لازم تحجزين من بدري لانه ممكن تنحجز الاماكن بسرعة المهم بعدها اكتشفت اني حامل والاختبار الاول بيكون قبل ولادتي باسبوعين ,والثاني بعد ولادتي بشهرين ,,قلت كويس علشان اختبر اول مرة قبل ما اولد والثانيه بعد ما اولد واشوف مستواي واعرف ايش اللي لازم اركز عليه,,,
ودخلت قبل الاختبار ايلتس بربريشن لمدة 10 اسابيع المهم قدر ربي اني اولد قبل اختباري بايام والحمد لله على ذلك
طبعا اجلت الاختبار لشهر يعني اختبرت بعد شهر من الولادة وكان في شهر اكتوبر وجبت فيه 5
والاختبار الثاني في نوفمبر وجبت فيه الحمد لله 5.5
وبعده نقلت على مدينة ثانيه وحجزت اختبار على نهاية يناير والحمد لله حسيت اني حليت تمام
((هذا الاختبار باتكلم عنه لانه ثابت في مخيلتي وراح تعرفون ليش))
كان اللسننق مرة سهل وكل الكلمات كانت واضحة
وبرضه الريدنق كان لابأس به القطعتين الخيرة كانت نوعا ما واضحة
والرايتنق كان واضح TASK 1 كان جدول و TASK 2 كمان كان واضح
بس محسوبتكم تكره حاجة اسمها TASK 2
والسبيكنغ كان حلو بس كان اللي يختبر رجل فكنت شويه متوترة لانه اول مرة يختبرني رجل في المرتين اللي راحت كانوا حريم
طبعا على اساس حلي توقعت اني باجيب 6 بالراحة قلت ان شاء الله اللسننق والسبيكنق يرفعوني لاني كنت واثقة منهم
المهم رحت استلم النتيجة وكلي ثقة اني بالقى 6






انصدمت لما شفتها :06::06:
5.5

كانت نفس درجتي الي قبل
انقهرت بس الحمد لله ما قدر الله من شيئ الا وفيه الخير وتذكرت كلمة وحدة لقيتها يوم الاختبار قالت لي "ادركت ان ما فاتني ليس من رزقي فصبرت " سبحان الله هذا الكلمة من يوم سمعتها ما قدرت انساها وارددها طول الوقت


المهم رجعت حجزت واحد والحمد لله لقيت على طول في نهاية فبراير وضغطت نفسي شويه في الكتابة كنت اكتب واجبات اضافية TASK 2
واعطيها للمدرس يصححها والحمد لله حسيت اني استفدت كثير من الكتابة باستمرار
المهم نجي للزبدة نتيجتي طلعت قبل امس الجمعة





























ربي لك الحمد والشكر جبت 6 واخيرا بعد جهد اللي يشوف حالتي قبل ما تطلع النتيجة وبعدما طلعت يقول هذي منتظرة نتيجة الجامعة الحمد لله


المهم اللي ابغى اقوله من واقع تجربتي (((الله سعيدة وانا اكتب هذي العبارة بعد ما ارتحت من شبح الايلتس:09: :09:يقال لك صارت عندي خبرة )))

انه الايلتس ممارسة ممارسة ممارسة زي ما قالت الاخت ام اللوس
لانه كله تكنيك اضافة الى ذلك تقدرين تأثرين في تقييم اللي بيصحح لك ورقتك الرايتنق او يختبرك سبيكنق عن طريق الانطباع اللي ياخذه عنك
في الرايتنق:
مثلا انا في الاختبار الاخير جبت 5.5 في الرايتنق مع اني كتبت اقل من 250 في TASK 2 ولكن كانت افكاري واضحة لما جاوبت على السؤال والسبب الحمد لله الاسبوع اللي قبل الاختبار درست في المعهد عن نفس الموضوع كان عباره عن تاثير العولمة والتكنولوجيا على العالم سلبيا وايجابيا وطبعا كتبت واجب اضافي من عندي عليها وسبحان الله جاء الاختبار بنفس الموضوع بس الوقت ما كفاني الا كنت كتبت الي براسي كله فالحمد لله كانت اجابتي على السوال صحيحة بس الكلمات اقل من العدد المطلوب ومعروف انه اذا كتبت اقل من المطلوب ما تاخذ اكثر من 5 بس اذا كانت الافكار واضحة ومترابطة راح تاثر في المصحح ويرفع درجتك
في السبيكنق :
*حاولي تعطين اللي يختبرك انطباع ايجابي عنك يعني اظهري انك واثقة من نفسك ولاتبينين انك متوترة او خايفة
*خليك مبتسمة وبشوشة ومرتاحة
*اذا صرت في الجزء الثاني من السبيكنق اللي فيه تتكلمين لمدة دقيقتين اذا قدرت في النهاية تعلقين عالموضوع تقولين شيئ طريف(بس مو لازم) له علاقة به علشان يحس اللي يختبرك بثقتك وانك متمكنة
*لاتتوترين اذا غلطت كملي عادي
*اذا كان عندك حصيلة من الكلمات المعقدة انتبهي في استخدامها لازم تكون في المكان المناسب والا استعيضي عنها بكلمات سهلة وبسيطة
*اشكري اللي يختبرك في النهاية على فرصة التحدث معه وبرضوه لاتنسي البشاشة
ترى يابنات الانطباع اهم حاجة لانه على اساسه يميل حكم المصحح على رفع وانقاص الدرجة




ودمتم بخير والله يوفق الجميع لنيل ما يريديون ...........

معليش اختي ..

انا ان شاء الله اذا الله اراد بطلع البعثة لتكميل الماستر

انا تخصصي الجامعي لغة انجليزية ولغتي مو مرة بس اعرف اقرا وافهم اما اني اتكلم لا ..

فهل تتوقعين اني بمشي في الاختبار ذا ؟؟

وهل هو شرط قبل دخول الجامعة ..

الله يوفقك يارب

ام االوس بشري كم جبتي؟؟



انا اختبرتة مرتين وجبت 5


تحطيم والله وانا ابغى 5ونص واذا جبت 6 عادي المهم 5ونص



فية اختبار الاسبوع الجاي بس ماجهزت بصراحة بس ابغى اخذة اصلا ماسجلت للحين وماادري اذا اقدر اخذة ولا لا







هالاختباااااااار اسهل من التوفل بمليون مرة في نظري

صراحة التوفل انا جربته ماكان صعب لهدرجة..هو بس تتدربين على التوقيت..جبت فيه 550 من اول مرة..ولله الحمد ولعلم مادخلت معهد ولادورات ولاخرابيط اللهم كتاب حملته من النت وقريته شوي ومشت الحال...
نصيحة لاتروعون بعض..مع العلم فيه جامعات كثير ماتقبل الاا التوفل لانه هو الافضل والاجدر من الايلتس..لانه اسهل
الله يسهلكم اجمعين...صاحبة الموضوع اشصار علا نتايجك