شاركي في النقاش

سجلي الدخول لإضافة تعليق.

التعليقات

67
  1. @hal_doaa

    ياقلبي عليك مالك الا انك تكلمي خطيبك يحولك المهر على حساب بالبنك انا وحدة من صاحبتي سوت نفس لشيء او انك تخليه ينزل معاك

    السوق ويدفع واحرجيه عند الكاونترعلشان يدفع غصب او تروح اختك وتقوله يا ابوي انا بحاجة مهري كله لازم اشتري وبكرة اهل زوجي بيشوفوا

    جهازي قليل ويقولوا عنك اخذت المهر وهالشيء عيب بوجهك الشياب يخافوا من كلام الناس عنهم وحاولي اذا كنتي معصبة تجلسي

    بغرفتك وتمسكي اعصابك علشان ماتصيري عاقة بابوك انا حاسة فيك وربي معاك انتي واختك ويسهل امورك
  2. @anfas_1

    يا اختي نصيحة لوجه الله ابوك ان اخذ المهر كلة فداه وحلاله والله لو تفدينة ان تقولي افدية باموال الدنيا
    وكمان حبيبتي نسيتي شي مهم وهو الدعاء ثم الدعاء ثم الدعاء تشتكين لنا وما اشتكيتي لربك
    ياغالية لا تنافخين على ابوك هذا باب من ابواب الجنة اتحملي واصبري والله راح يفرج لك بس لا تفكرين تفكير غلط ولا تنافخين على ابوك عشان فلوس
    وترا حاسين فيك وباحتياجاتك كعروس والبركة من الله اطلبي يبارك لك لو اعطاك خمسة الاف ولا يهمك ربك ييسرها

    يا اختي مو مجال القصص اكتبها لك بس الله يرزقنا بر والدينا وييسر امرك
  3. @rnym_38

    بقولك قصه حقيقه صايره لبنت خالتي وهي عايشه بقريه ..
    انخطبت وابوها اخذ مهرها واعطاها فقط 5 الالاف ..
    وش تكفى فستان الايجار 2500 والقاعه من 10 الالاف وفوق والطقاقه اقل شي 6 او 7 الالاف ومصوره وشريط زفه ..
    ومن غير الذهب ومن غير الملابس عطور مكياج فساتين ملابس بيت وغيره ..
    وكنت اقولها لاتسكتين اوقفي بوجهه وهي شخصية جدا قويه ..لكن مع ابوها ماتقدر تقول هذا ابوي ..ولااقدر ارفع صوتي عليه ومن هالحكي<< باره فيه .. وكنت انقهر منها وبعدين صرت اغبطهاعلى برها لابوها ..
    وازيدك من الشعر بيت ..اخذ فلوسها عشان يتزوج فيها ..هذا القهر بعينه ..
    الان وصلنا للنتيجه ...
    وقبل مااقولك النتيجه ...زوجها ماكانت تعلمه بشي ابد ابد ..
    اعطتني مبلغ بسيط وانا زدت عليه اشياء وجبت لها ملابس النوم والقمصان ..وبعض الاشياء الحلوه باسعار معقوله وكلا يساله من وين ؟؟
    جاءها قميص ليلة الدخله هدية من زوجة عمها ..شريط زفه شعر باسمها واسم زوجها هدية من بنت عمتها ..من غير هدايا الذهب طبعا ..وهي شرت فقط طقمين ذهب ..
    وجاءتها مجموعات عطور وبودي شوب ونكتار ..واشياء كثيره ..جمعتها من هنا وهنا ..وزوجها ماشاء الله اغلب الزواج هو اللي تكلف فيه ..
    والحين متزوجه وعندهم بيبي وماشاء الله تبارك الله ..مبسوطه معها زوجها ولاهو مقصر معها بشي وعايشه ببيت ملك..
    فانا اقول اصبري وادعي الله انه يسخره لك ولاتقولين لخطيبك شي ..
    ابدا لانها بتطيح على راسك وبيقعد يذلك طوول العمر ..على ابوك بخيل.. واستغلالي ومن هالكلام ..
    انتي الان تقدرين ..ترتبين امورك مستعينه بالله اولا..
    الفلوس اللي بيعطيك اياها ..اقتصدي فيها واذا تبين اعلمك كيف ارسليلي علىالخاآآص اذا كنت من الرياض ..والله يوفقك ويسخر لك القلووب

تابعي تجارب أخرى من هذا القسم.