شاركي في النقاش

سجلي الدخول لإضافة تعليق.

التعليقات

2,131
  1. @boba_boba

    Neevooo
    يا حبيبتي ربنا يسلمك من كل شر يااااااااااااااارب بس على فكرة دكتور عادل مش قالي كلمة كانسر المرة دي نهااااااااااااااااااااااائي انا اللي فهمة دة كويس و عارفة ان النزيف المتكرر دة مؤشر مش كويس فاهماني ؟ انما دكتور عادل بجد ربنا يباركله كااا…
    نيفو

    اولا انا اسفة من هنا للسنة الجاية لانى مكنتش معاكى وقت ماكنتى محتاجة كل الناس جنبك
    وعلى فكرة انا متضايقة من نفسى قوى والله انى مكنتش موجودة معاكى الايام اللى فاتت بس والله غصب عنى لان جوزى كان تعبان جدا حتى الشغل مش كنت بروحه ومكنش فيه ولا لحظة ادخل النت

    انا بس طالبة انك تسامحينى

    تعالى بقى نتكلم مع بعض شوية
    بقى نيفو اللى بتنصح الكل فى وقت شدتهم وبتبقى معاهم تعمل فى نفسها كده
    مين قالك انه لاقدر الله كانسر؟؟؟؟؟؟
    اتنين دكاترة زى مابتقولى؟ طيب اذا كان كل واحدة بيجيلها نزيف يبقى لاقدر الله عندها كانسر فنصف ستات البلد بقى يبقى لاقدر الله تعبانين بالمرض ده
    شوفى يانيفو النزيف له اسباب كتيرة جدا جدا جدا
    يعنى الالياف بالرحم بتعمل نزيف واللحمية بتعمل نزيف وسمك البطانة حتى بدون سبب بيعمل نزيف

    وانا اعرف ناس كتير كان عندهم لحمية بالرحم وحواجز كمان وعملوها بمنظار وانتهت المشكلة خالص
    واظن يعنى دكتور عادل لو كان شايف الموضوع خطير قوى كده كان دخلك بعد الشر منظار على طول وعمل لك كحت لبطانة الرحم مش كده ولا ايه
    وبعدين موضوع الكانسر ده لاقدر الله انتى اللى الشيطان صورهولك وعشان كده بتقولى انك مكنتيش عارفة تركزى فى كلام دكتور عادل لان الشيطان كان عمال يلف ويدور ويلعب فى دماغك بالافكار الوحشة دى
    وهو يعنى اى حد عنده لحمية رحمية بيجيله كانسر مش يمكن بفضل ربنا انتى مناعة جسمك ممتازة بالنسبة للحاجة دى

    يانيفو امتى هنفضل نقول ونعيد ان ربنا رحمته وسعت كل شئ
    يابنتى سيبيها على الله انا والله اول ماشفت مشاركة الهدى والنور انك تعبانة اتجننت وفضلت اقلب فى الملف يمين وشمال لغاية مالقيت مشاركتك دى
    انا هدور معاكى على الموضوع ده على النت وانتى من ناحية تانية حاولى تتصلى بدكتور عادل وتتكلمى معاه براحة وتساليه على كل حاجة جواكى وارجعى طمنينى بالله عليكى
  2. @boba_boba

    اشتقت اليك
    ماما.... صباحك منجا يا جميل.....ربنا يوفقك يا قلبى فى الامتحانات و فى كل حاجة بتسعى فيها....ويهديكى للتخصص اللى يريحك التعامل فيه..و عقبال يا رب ما أشوف اسمك كده فى كل الجرايد وتبقى اشطر دكتورة.... شيمو... غطسانة فين ...تعالى طمنينا عليك…
    شوشو

    صباح الورد عليكى ياسكر
    اليومين اللى فاتو ياستى كانوا من اصعب الايام والله حصلت فيهم احداث بالمستريح قوى تحصل فى شهر
    انا كلمتكم يوم الخميس اخر حاجة وكان عندى عزومة ويادوب العزومة خلصت من هنا والناس نزلت من عندنا وجوزى مسكته رعشة ودوخة جامدة جدا وجاتله زغللة فظيعة ومبقتش عارفة اعمل ايه واخدته ورحنا اقرب مستشفى جنب البيت ولقوا ان الضغط عالى جدا وهو اصلا من النوع اللى بيتوهم على نفسه قوى ومجرد انه سمع بموضوع الضغط ده وبدا يتعب اكتر وعلى اخر الليل كده بقى كويس ورجعنا البيت وخلاص مفيش حاجة .
    وكان عندى عزومة يوم الجمعة قولتله نعتذر للناس ونلغيها قال لا انا كويس وعلى بكرة هكون احسن ان شاء الله وفعلا الناس جت واتبسطت بس هو مكانش طبيعى 100% وانا كنت ملاحظة عليه حتى اخوه كان عندنا فى العزومة ولاحظ كده واخدناه تانى ورحنا المستشفى لقينا الضغط مرتفع برضه واضطروا يحطوه تحت الملاحظة وادوله ادوية تنزل الضغط بسرعة وطلبوا منه بعد كده راحة تامة فى البيت لان ده ممكن يكون بسبب اجهاد او شئ
    ومن يومها وانا قاعدة معاه فى البيت منزلتش الشغل غير انهاردة لانه هو كمان صمم ينزل عشان شغله مش يتعطل والحمد لله بقى احسن شوية
  3. @shymolata

    توتا ان شاء الله ربنا يكرمك ويفرحنا بيكى وبحملك
    بوبا حمد الله عالسلامة والف سلامة لجوزك ربنا يعافيه
    اوشى خلى بالك على نفسك وياريت لو تعرفى حاجه عن زينب طمنينا او ابعتيلى رقمها عالخاص
    اوكسى الحمد لله على كل حال بس انا متأثرة لان فاطمة مادخلتش من اخر مرة وكمان نيفو
    اشتقت ربنا يباركلك يارب على كل اللى بتعمليه
    ماما ان شاء الله الدكتور ده يبقى وشه حلو عليكم وحلو التخصص بتاع الاجنة
    هدى ونور فعلا انا كنت افتكرتك جديدة ومكنتش اعرف انك الهدى والنور بتاعتنا
    عزيزة ووداع حاولو تشغلو نفسكم الايام دى باى حاجه علشان ماتفكروش كتير وان شاء الله ربنا يكرمكم
    دانة شدى حيلك واستحملى الجلوكوفاج بس ياريت تاخديه وسط الأكل ده بيخفف اعراضه كتير انا باخده من اكتر من سنتين اول كام شهر كان فظييع دلوقت لو مخدتاوش يوم احس انى تعبانه تصدقى بقى
    مسلمة وام مريم ودودو ام جوجو وام انس فينكم تعالو بقى ولا زهقتو مننا
  4. @shymolata

    MIKOMIKO
    صباح الخير يا احلي بنات. حبوب منع الحمل تحضيريه للحقن المجهري لا يوجد احد الي بيأخدوا اللوكرين او ليبرون او ديبيتكال حقن تحضيريه لاطفال الانابيب لايوجد احد التنشيط بالكلوميد زينب ابراهيم الي بياخدوا الحقن المنشطه لا احد الي عمل تلقي…
    ومها ادهم حملت
    كمان فيه بنات كانت حامل لكن ربنا مقدرش ولا بلاش نكتبهم علشان النفسية ولا انتو شايفين ايه؟

تابعي تجارب أخرى من هذا القسم.