شاركي في النقاش

سجلي الدخول لإضافة تعليق.

التعليقات

18
  1. @fo1kh

    انا اشوف انا مانخلي عيالنا يظلمون او ينظلمون
    يعني ياخذ حقه بنفسه من دون زياده
    وفي نفس الوقت نعلمه ان العفو والصفح افضل وانه اذا عفى عن اللي يضربه بياخذ حسنات ووو
    بس مانمنعهم ياخذون حقهم عشان مايطلعون ضعيفين شخصيه
    ان هو عفى من نفسه فهذا حلو وان لا فهو ماسوى غلط

    هذا رايي ..
  2. فهموهم انهم يضربون اللي يضربهم
    بصراحه ولدي ضراب من الطراز الاول والمسكين ياكلها بس الحمدلله يدافع عن نفسه
  3. @naam_la

    ياربيه نربي تربية زينه .. والغير يخربها

    انا اشوف عند خوالي ولدي عمره سنه وشهرين هاديء وبريء وولد عمه مفتري اكبر منه بخمس شهور وامه ما تسوي شي اذا جاء ولدها عند ولدي يدفعه وانا انحمس من دااخلي . لكن ما اصبر اذا تعدى الحدود .. واللي يزعل يزعل
  4. @the_white_mare

    موضوع ضرب الأولاد يرفع الضغط خاصة اذا الأم كان قلبها ميت وما عندها احساس

    أولا هذا أحسن شي سواه زوجك.. وأنا لو مكانك كان سويت نفس الشي والي يزعل يزعل

    ولدي عمره 3 سنوات وما يدافع عن نفسه وولد عمته ذبحه من الضرب والأم ما عليها

    مع اني ضربت الولد وأشجع ولدي انه يضربه بس ما في فايده ما يدافع عن نفسه ويستسلم بسرعه.. والله اني أبكي من القهر بس ما أدري وش الحل
  5. @mango_12

    والله من جد انتم تكبرون الموضوع يابنات هذولي بزارين
    بنغلط حنا يالكبار على بعض وهم بينسون
    والله احنا خمس بنات وكلنا متزوجات ولنا اطفال واخواننا ستهـ ومتزوجين ولهم اطفال ومجموع اطفقالنا
    يمكن 31 اذا اتجمعنا صحيح ازعاج ومشاكل بس اذا تهاوشوا تقوم وحده منا وتفرقهم وتقول عيب انتم اخوان وكذا
    واحيانا يقوم اخوي عليهم بالعقال خخخخخ يهجدهم بس ماحد يزعل ليه نتجمع عند امي ونتهاوش حنا وبزارينا
    وين رابط العائله
    انا معلمه ولدي اقول لاتضرب البنات لانهم مساكين وضعيفات واذا ضربك احد اضربه
    بس لو تلعبون سوا احسن
    فنحاول اذا تجعنا الاولاد الكبار يلعبون كوره والبنات الكبار يلعبون مدرسه مع اطفالنا الصغار
    ويمر الخميس وماحد يزعل
    ماقول ماعندنا حالات ضرب الا موجوده ولدي طارح بنت خالته من الدرج ومخيطينها خمس غرز بس عاقبته اننا مانروحلهم الخميس الجاي
    وولد اختي ضارب ولدي وقاص تي شيرته بس عاقبته اختي انه مايروح لعمانه الجمعه لانه متعلق فيهم وكيذا
    بعدين حلو انك تكسبين عيال اختك تطلبين لهم من البقاله مع عيالك تمسكينهم كلهم عيالك وعيال اختك وترسمين لهم تجيبين لهم حلويات
    يعني تكسبين الاطفال اسهل الف مره من انك تخسرين اختك وامك
    وتأكدي ان امك ماتحب عيالها اكثر منك
    وبعدين نبهي اختك
    لكن لاتكبرين السالفه بيكبرون ويتزوجون وحنا بحرب يالكبار
    :

    :
    طولت بس لان حروب الصغار في كل بيت
    فمانبيها تفرق الاسر

تابعي تجارب أخرى من هذا القسم.