شاركي في النقاش

سجلي الدخول لإضافة تعليق.

التعليقات

2,131
  1. السلام عليكم ورحمة الله وبركاته
    اخواتى فى الله00انا مش حقدر اوصف لكم سعادتى باهتمامكم بالرد عليا و متشكرة لكل اخت قدمت لى النصيحة او الدعاء وعايزة ائولكم انكم فعلا كلكم جمال اوىىىىىىىىى والملف ماشاء الله لاقوة الا بالله بيخلى الواحد حاسس ان الدنيا لسة فيها ناس طيبة بتحب بعضها من غير هدف غير الحب فى الله وابتغاء وجهه الكريم0000نيفو حبيبتى 00الحمد لله انك اطمنتى على فكرة انا ماقراتش المشاركة اللىكنتى كاتبة فيها ان الدكتور طمنك الا امبارح 00وفرحتلك جدا وكونى واثقة ان ربنا مش حيسيبك ابدا وان شاء الله يحقق لك كل احلامك00ومتشكرة جدا على اهتمامك وكلامك اللى كله امل وتفاؤل وبيوضح اد اية انت انسانة جميلة تستاهل كل خير00على فكرة انا اسمى مها00
    ريمو00شكرا ياقمر على اهتمامك00عزيزة المنال00نادا 00اوكسى00ميكوميكو00الغالية00اشتقت اليك الجميلة 00سمية00 د0وداع00توتا00ماما00هدى ونور00اوشى00جزاكم الله كل خير وربنا يحقق لكل واحدة ما تتمنى وياريت اذا كنت نسيت حد يسامحنى بما انى لسة جديدة00
    اما بالنسبة لاشعة الصبغة انا عملتها 3مرات و الحمل اللى حصل كان بعد تانى مرة على طول وساعتها الدكتور ئالى انها ممكن تكون من اسباب الحمل مع العلم انى عملتها بعد الاجهاض و الحمد لله فى كل مرة كانت بتبئى كويسة ومافيهاش اى مشاكل00لكن المنظار ماعملتوش خالص 00وتحليل زوجى الحمد لله سليم00اما بصراحة موضوع التحاليل دا ملخبطنى شوية لان انا شايفة انكم تقريبا بتعملوه على طول انا ما عملتوش غير مرة واحدة بس لما اكتشفت منه ومن السونار موضوع التكيس و بعد كدة كل الدكاترة اللى رحت لهم ما كانوش بيطلبوه وكانوا بيعتمدوا على السونار سواء فى الكشف او متابعة التبويض00هو دا صح ولا غلط ولا انا حالتى حالة خاصة مش عارفة00المهم انا الحمدلله من كام يوم كدة رجعت اخد السيدوفاج لانى كنت مبطلاه من زمان لانه كان تعبنى لكن الحمد لله دلوئتى بدات اخده بالتدريج علشان ما اتعبش منه وكمان نصيحة لكل اخت بتاخده وبيتعبها تاخده بعد الاكل مباشرة لان دا بيخفف شوية من تعبه وربنا سبحانه وتعالى يجعله بفايدة ويجعل التعب والالم اللى بنشوفه فى ميزان حسناتنا00وكمان قللت اكلى فى انتظار انى ابدأريجيم باذن الله00وعلى فكرة انا عملت ريجيم قبل كده وكنت بخس جامد وارجع ابطل اتخن تانى 00بس ان شاء الله المرة دى ربنا ييسر واعمل زى ما قلتولى واخدها خطوة خطوة لانى بصراحة انا عمرى ما اتبعت الخطوات صح لان ماحدش بين لى الكلام دا00 يعنى كانوا بيئولوا خسى وهم بيدونى التنشيط والسيدوفاج يعنى مائالوش خسى وخدى السيدوفاج وبعدين تعالى نعمل تنشيط00وطبعا لما كنت باخد التنشيط واكيد انتم عارفين المعاناة الجسدية والنفسية اللى بتصاحبه دا غير الامل والانتظار وفجأة كل حاجة تتحطم لدرجة انى بئيت اكره اروح للدكاترة و قلت لنفسى ان ربنا سبحانه وتعالى زى ما رزقنى قبل كدة قادر انه يرزقنى00وبرغم انى عارفة ان ربنا امرنا بالاخذ بالاسباب بس فعلا كان غصب عنى 0
  2. @mama1983_1

    متمنيه الجنه الحمد لله دلوقتي بقى عندك اخوات تتحكلهم وتفضفضيلهم ويشجعوكي انا عارفه اد ايه الم النشطات والالم الي اكثر منها الم الانتظار وبعده مافيش حمل لكن لازم نصبر ومع بعض صدقيني الصبر حيبقى اسهل ولما تشوفي ناس شجاعه زي توتا الي عملت 6 عمليات حقن ولسه جوها امل واشتقت الي صبرت على السيدوفاج والرجيم والتنشيط 6شهور وراء بعض وربنا كرمها حتحسي بالامل جواكي هنا في ملفنا كلنا اخوات بنتعلم من بعض معنى الشجاعه والتحمل والصبر وان شاء الله ربنا حيكرمنا كلنا بس احنا نثق ونتوكل صح
    طيب دلوقتي انتي تشدي حيلك كده وتخسي لحد ما توصلي الوزن المناسب لطولك بعد كده تبدي خطه تنشيط لمده 6 شهور ممكن تاخدي بينهم راحه وان شاء الله تحملي قريب
  3. @am_altoaman_2009

    السلام عليكم
    كالعاده محدش عبرني و لا سئل عني
    >>>>>>>>>>> مقهوره بس مش اوي :)
    وحشتوني وحشتوني وحشتوني
    النت كان خربان اتصلح
    مين دعا لي و افتكرني و له جايزه ؟
  4. اشتقت اليك
    ازيكم يا بنات...صباح الورد والفل و الياسمين.... أوكسى... صباحك قشطة يا قمر.....بجد اسمحيلى أحييكى ...و كمان على نشاطك الصباحى الجميل اللى بقى فعلا يدي للملف طعم حلو اوي..ربنا يوفقك و يكرمك ويرزقك من حيث لا تحتسبى يا حبيبة قلبى......و باش…
    شوشو يا حبيبتى بصراحك مش قد كلامك اللى بينقط عسل ... يارب يهون عليكى حملك ويوعدك بساعة ولادة سهلة اللهم آمين .... الف سلامة على انوس شفاه الله وعافاه وياريت تتكلمى معاه بخصوص الحقن ... انها دواء ولازم ياخده علشان يخف ولما تكونى حتاخدى ابرة فيتامين ولا حاجة تعرفيه انك بتاخديها وانتى مش خايفة علشان انتى شجاعة وعارفة مصلحة نفسك ... خلى الفوبيا اللى عند الولد تروح بقى
  5. ام التؤامان 2009
    السلام عليكم كالعاده محدش عبرني و لا سئل عني >>>>>>>>>>> مقهوره بس مش اوي :) وحشتوني وحشتوني وحشتوني النت كان خربان اتصلح مين دعا لي و افتكرني و له جايزه ؟
    مساء الخير يا ام التؤمان ... عاملة ايه يا حبيبتى ... على فكرة فيه ناس كثير سألت عليكى بس يظهر انك مقرأتيش الى فات بضمير ... اخبارك ايه بقى :39:

تابعي تجارب أخرى من هذا القسم.