شاركي في النقاش

سجلي الدخول لإضافة تعليق.

التعليقات

2,131
  1. متفائله جدا خليكي متفائله واتوكلي على الله وان شاء الله تحملي والحمل يكمل وتجيبي عفريت صغير يجننك هههههههههههههههههه
  2. @ashtkt_alyk

    السلام عليكم و رحمة الله و بركاته

    نوفى...
    أيوه كده نورينا بكلامك اللى زي السكر يا نجفة قلبى.....بجد بافرح اوي لما بتكونى مبسوطة...و عقبال يا رب ما نفرح بيكى كلنا يا حبيبتى....وربنا يجازيكى خير يا حبى على دعئك لروقة صديقك....بس بلاش تنفخى فيه اوي كده لاحسن احنا من غير حاجة مبنعرفش نكلمه.....

    أوكسى...
    ربنا يخليكى يا قمراية.....أنتى طبعا عندك حق....انا فعلا حاولت اعمل كده و ده كان فى فترة التنشيط لانى اتهريت حقن...وكنت باحسسه انها مش مأساة و انها مش بتوجعنى.....لكن تقولى إيه متهيألى مفيش طفل يقدر يحب الحقن...ربنا ما يحوجنا ليها أبدا....وعموما خليها مصلحة لانه فاكر انه أخدها بسبب القئ اللى بيتعمد يعمله فى المدرسة.....وربنا ييسر كل ما أفكره بيها يقولى خلاص هابطل....دعواتك يا أوكسى ربنا يهديه

    رورو...
    تعالى طمنينا عليكى و على سيف حبيبى...يا رب يكون احسن دلوقتى....


  3. @ashtkt_alyk

    متفائلة...
    طبعا أولا و اخيرا كلنا بنرمى تكالنا على الله.....بس ربنا طلب مننا نسعى...و انتى كده عملتى الخطوات المطلوبة من فقد للوزن و انتظام على الدوا ...ومش فاضل الا التنشيط و بعدها نقول مبروك....متخافيش و توكلى على اللى لا يغفل ولا ينام...وهو مش هيخذلك ابدا...وبلاش تؤجلى....مش يمكن الشهر اللى انتى مش عايزة تنشطى فيه ده يكون هو اللى مكتوبلك تحملى فيه...

    سمية...
    ربنا يكرمك يا قلبى و التحاليل تطلع تمام...طبعا كلنا بندعيلك امورك تبقى تمام علشان تدخلى على العملية بروقان...لكن يا حبيبتى مش هأوصيكى ....لو لاقدر الله طلع فى التحاليل حاجة محتاجة تتظبط....اوعى تبدأي العملية الا لما تظبطيها...وده مراعاة لوقتك و جهدك و صحتك و فلوسك...وربنا يكتبلك الخير...

    وداع...
    متهيالى مها مش حامل....لأانها دخلت من كام يوم و حد سألها و قالت انها مش حامل....ومعتقدش ان مها من النوع ده..عموما نستنى لما تدخل و توضحلنا...احنا بنتمنى الخير للكل...

    أم التوأمان...
    حبيبتى ممكن تملىا لسي فى بتاعنا علشان نعرفك اكتر...ويا ريت تقوليلنا ايه خطواتك الحالية علشان نتابع معاكى...
    وربنا يجازيكى كل خير انك طمنتينا على أم إياد....يا رب يصلحلها الأحوال و يفرج كربها و يطمن قلبها و يطمنا عليها ...
  4. @ashtkt_alyk

    متمنية الخير....
    متتخيليش يا حبيبتى أنا سعيدة بيكى أد إيه...و أكيد كل اخواتنا هنا كمان...أهلا بيكى فعلا فى وسط أخواتك....
    بجد انتى مثال للانسانة اللى بتستفيد من تجربتها و تجارب غيرها و متضيعش وقت قبل المشى فى السكة الصح....ربنا يوفقك يا حبيبتى و يقويكى و يكون وشنا عليكى و تفرحى بأحلى بيبيهات...

    بجد شدي حيلك فى ا لخطوات...وخدي السيدوفاج بالتدريج لحد ما توصلى للجرعة القصوي اللى كلنا بناخدها و هى قرصين 850 او 3 اقراص 500
    و حاولى بقدر الإمكان توصلى للوزن ا لمثالى و متضعفيش.....و حطى فى دماغك ان كل كيلو بتنزليه بيقربك من حلمك....ولما توصلى للوزن حاولى تحافظى عليه شوية فى المده بتاعة التنشيط وا ن شاء الله متطوليش فيه و نفرح بيكى كلنا....

تابعي تجارب أخرى من هذا القسم.