موضوع للنقاش .. ليه ترفضين زوجك يتزوج عليك/ عذراً غاليتي الموضوع نوقش مراراً

يتزوج لا والف لا
وان صار لا سمح الله بيت اهلي طوالي وش يجلسني معه يا يكون لي وحدي او بلاها هالزيجه
انا واحدة اغاااااااااااااااااااااااااااااار موووووووووووووت قلبي يحترق لو شفت عينه جات على واحدة بالغلط ما ابيه يشوف احد
نهائيآ

خخخخخ حسيت كأني ابي احبسه في البيت واحطه بين اربع جدران خخخخخ

أنا ما رفضت ... هو اللي رافض ... :hahaha:

***********

وانا أختك بقول لك الاشياء اللي تخلّي الحرمة ترفض ان زوجها يجيب لها ضرررّه من اللي حولي ومن اللي أقراه هنا في الاسريه :

1 ) وحده عادي زوجها يتزوج عليها لأن حياتهم كئيبه ويغلب عليها الروتين وهي عارفه انه خلاص مابينهم هذيك المشاعر ولا حب... لكن البرستيج ما يسمح ان الناس يتكلمون عليها .... يعني عادي يتزوج بس خايفه من شماتة الناس ...

2) وحده تعبت وشقت بتعبها وفلوسها وساعدته وماخلّت ولا بقّت ( وكأن أحد غاصبها ) هذي تحس انه خاينها اذا تزوّج عليها ...

3 ) وحده حياتها الجنسية ممتازة ومستمتعه مع زوجها ... فتستقرف ان زوجها يتزوج عليها .. ماتتحمله وتقلب كبدها بس اذا تخّيلت مجرد تخّيل انه يتزوج عليها ...

4 ) وحده شرّانيه وحقودة وماتبي زوجها يتزوّج عليها بس نكاية فيه مب حب فيه :hahaha: < يا كثرهم

5 ) وحده راعية واجب حبّوبه مدلّعه زوجها ودايم كاااشخه وجايبه له العيال والبيت مرتّب وكل شي تمااااااام التمام
هذي تستغرب من مجرد فكرة ان زوجها يتمنى ياخذ غيرها

6 ) وحده صبرت على حاله المايل وعلى فقره ... و يوم اغتنى و زانت حاله ... يبي
يكافيء نفسه بزوجه جديده ...

7 ) يؤ ... نسيت أهم سبب .. اللي هو الغيرة .. < ما يحتاج أعلّق بسم الله الرحمن الرحيم
__________

طيب شرايك نقلب السؤال لأننا ملّينا من سؤالك هذا و يصير :

وش اللي يخلّيك توافقين ان زوجك يتزوّج عليك ...؟؟ :06:

السلام عليكم ورحمة الله وبركاته
راح اتكلم بعقل وواقعيه انا بصراحه كنت في يوم من الايام زوجة ثانيه والله العلي العظيم اني كنت اوصيه على العدل وكنت اقول اولادك وكنت اوصيه عليهم بس هيه حسبي الله عليها ونعم الوكيل عليها وعلى انها واخواتها و****لله اشوف فيها يوم اسود وكل وحده زيها بعد يارب
فاقولكم في البدايه خيرته هيه بيني وبينها فاختارني طبعا وهيه غارت وانقهرت رغم على فكره ماتزوج من فراغ يعني مااظيته بعيشته وكانت تسببله مشاكل كثير حتى في فراشه ماتلبيه تخيلو يعني مسكين تزوج من قهر
بس يالله
المهم الرجال مو ملك احد ليش ربي شرع انه يتزوج 4 الا لحكمه انه عيونه زايغه وماتكفيه مره وحده
والله يتزوج علي ولا يروح في الحرام
الحين وينا عن زمن الرسول والصحابيات الرسول اتزوج اكثر من وحده والصحابيات لاسحرو ولا خربو بيوت بعض
والوحده ماتثق انه ماتطلق في يوم من لايام وماتدري في يوم من لاايام ايش بيصير فلاتقول الرجال ملكي ومااحد ياخذه الرجال ملك نفسه افهمو وماله ثقه
فالله يطمن قلب كل وحده على نفسها وزوجها ويقر عينهم ببعض
بس اتمنى من كل زوجة اولى توخر من حقدها وغيرتها وماتصير تشتغل بالازرق علشان رجال