الكل يكرهني؟؟؟
بسم الله الرحمن الرحيم اخواتي العزيزات عندي مشكله بحاول اختصارها واتمنى منكم مساعدتي باقصى سرعة..انا انسانة هادئة تقرياً اللي على قلبي على لساني عشان جذيه امي تقول لي انت ما تحفظين اسرارج. تزوجت الولد البكر وبعدين تزوج الثاني وبعدين الثالث زوجاتهم اخوات..طبعاً الكل يقول خذوهم لانهم زينين والباقي الله يستر عليه(انا طبعاً) وبدات مشكلاتي مع الاخوات وامتدت المشاكل لناس كثيرة من العائلة حتى وصلت بيني وبين امي والسبب بدأ لما جارتهم مدحتني وانا عندي 2 بيبي وقالت شكلي انا الاصغر شكلي انا العروس..اما بالدوام فعندي وحدة حسبي الله عليها ونعم الوكيل كانت من الصديقات المقربات لي عمرها ما يقارب ال 36 وما فوق بناتها كبري المهم بين يوم وليلة صارت تكرهني ادخل المكتب تطلع تذم ماكياجي مع انه بشهادة جميع المدرسات روووعه واللي يمدحني تسبه وتزعل منه لدرجة انها عزلتني عنها وقت الفطور وقالت اني اتكلم عن اسرار بيوت بعض الموظفات المقربات لي وهذا والله ما صاااار بدأ الكل يقول صارت هوشه بيننا مع ان والله العظيم ان انا لحد الحين ما دخلت معاها باي حوار انما شفت هالمعامله وانحشت لمكتبي اتجنبها ..الدوام بعد اسبوعين ما ادري اسلم عليها ولا شسوي معاها الله يهديها كرهت الدوام كله فيني...