شاركي في النقاش

سجلي الدخول لإضافة تعليق.

التعليقات

2,131
  1. اوكسي ازيك عمله ايه انا فرحت اوى لما كنتى بتقولى انا لو ينفع انزل القاهرة هروح اعمل العمليه فى ادم طب متفكرى ونكون مع بعض ونتقابل هناك ربنا يسهلك الخير يا جميل
  2. اشتقت اليك
    السلام عليكم ورحمة الله و بركاته.... نوفى... يا رب تكونى ماشية على الخطة تومام علشان نفرح بيكى قريب...ويا ريت يا قمر تطمنينا على مها ...لأانى قلقت جامد عليها ... ريمو... تعالى يا حبيبتى طمنينا على أنوس و قوليلى عامل ايه دلوقتى... بوبا..…
    ماشى يا شوشو من عنية الاثنين ....
    علشان نعرف القصة من البداية حنشرح ازاى الدهون بيتم هضمها ونقلها فى الدم لحين وصولها الى اماكن التخزين فى الخلايا الدهنية او فى خلايا الكبد ... الدهون تتحول الى مستحلب دهنى فى المعدة وفى الاثنى عشر يتم صب العصارة الصفراوية عليها ليتم هضمها الى احماض دهنية ودهون ثلاثية وكوليستيرول ويتم نقلها الى الامعاء ... ولكن هذه المواد لايتم نقلها بهذه الصورة الى الدم بل تتحد مع البروتين لتكون الليبوبروتين ... ونوضح الصورة اكثر ... البروتين هنا اشبه بناقلة بترول والدم هو البحر اللى ماشية فيه والدهون الثلاثية والكوليستيرول والاحماض الدهنية هو البترول الذى تحمله ناقلة البترول ... وعلشان الحمولة دى توصل بسلام لهدفها من غير ما يقع منها شوية فى البحر ... سورى فى الدم ويلوثة يبقى لازم يحصل ايه ... لازم يكون من الاكل اللى احنا اكلناه مواد مضادة للأكسدة زى فيتامين C و E
    لماذا لأن هناك شوارد حرة free radicals ناتجة من عمليات الاكسدة التى تتم فى خلايا الجسم والتى اشبة بطلقات المدافع اللى حتصيب ناقلة البترول اللى ماشية فى البحر ( الليبوبروتين الماشى فى الدم ) وتحدث فيها فتحات يتسرب منه الكلوستيرول والدهون الثلاثية التى تترسب على جدران الشرايين اللى ماشى فيها الدم ... نتيجة لهذه الترسبات يضيق الشريان ويعانى القلب فى ضخ الدم فى هذا الشريان ويبزل جهد اكبر لدفع الدم وبالتالى يحدث ارتفاع فى ضغط الدم .....
  3. oxygenatom
    ماشى يا شوشو من عنية الاثنين .... علشان نعرف القصة من البداية حنشرح ازاى الدهون بيتم هضمها ونقلها فى الدم لحين وصولها الى اماكن التخزين فى الخلايا الدهنية او فى خلايا الكبد ... الدهون تتحول الى مستحلب دهنى فى المعدة وفى الاثنى عشر يتم صب …
    آلية حدوث الذبحة الصدرية

    طبعا الحكاية مش بتنتهى عند اخونا ده بإرتفاع ضغط الدم وخلاص لكن بيحصل ان القلب المسكين اللى بيحاول يضاعف مجهوده علشان يضخ الدم فى الشرايين الضيقة يتعب ويمرض ... والمسكين مش كفاية عليه كده لأ بالمرة يحصل ضيق ثم انسداد فى الشرايين التاجية اللى بتغذى القلب ... تخيلوا القلب العبء ذاد عليه وفى نفس الوقت قل الغذاء اللى رايح ليه .. مما يترتب عليه الذبحة الصدرية

  4. آلية حدوث الجلطة

    سبحان الله عند حدوث جرح فى اى مكان فى الجسم يترتب على ذلك خشونة مكان القطع فى المكان المصاب فتندفع الصفائح الدموية وتكون شبكة وهنا تبدأ تكون الجلطة لمنع هذا النزيف
    يعنى بداية الجلطة حدوث خشونة وسطح غير املس وهو مايحدث بالضبط داخل الشرايين المترسب عليها الكلوستيرول والدهون مما يجذب الصفائح الدموية فى هذا المكان لتبدأ تكون الجلطة
    يعنى المصاب بتصلب الشرايين مهدد فى اى لحظة ان يكون جسمه جلطات

تابعي تجارب أخرى من هذا القسم.