حملة "رتبي حياتك المادية" ومشروع رائع للجميع

هلا فيك اختي كلامك اكثر من رائع وخصوصا كلمة شيخنا ابراهيم بوبشيت من جد في الصميم..

واعتقد هي اختصار لسبب الأزمة المادية اللي نعيشها ..اغلب العالم صارت تعيش بالمظاهر..وانقلبت الموازين يعني الضروريات صارت كماليات والكماليات صارت ضروريات بمعنى ..

ناس كثير ساكنين بشقق آيجار وتلقينهم يسافرون تقريبا كل سنة واقلها راحوا لك البحرين ولا دبي على قولتهم حذفة حصى ..>>>>وكل هذي يبيلها ميزانية ..هذا غير اكل المطاعم والروحه والجية والشاليهات ..والحين طايحين لنا بالبلاك بيري..ولو قلتي لهم ورى ماتحوشون للبيت يقولون من وين ياحسرة..؟ يعني كل هالصرفيات اللي قلتها من قبل ماكانت مهمة ابد ..وكلن يدور على البيت الحلال..بس هالحين غير ..




الله يوفقك يارب ويفتحها عليك ..




ماشاءالله ..عجبني حماسك واصرارك على مواصلة العمل ايش ماكان..الله يبارك لك ويوفقك يارب

وبالنسبة للجنيهات كثير يمدحونها بس المشكلة الذهب جدا مرتفع ..يعني تهقين راح يرتفع اكثر من كذا ؟؟اتمتى البنات يفيدونك بهالمجال



ماشاءالله مبروك عليكم التاكسي والله يرزقكم من اوسع ابوابه ..



ماشاءالله عليك الله يوفقك بتجارتك ..وبالنسبة للناس اللي يلطشونك كلام او حتى نظرات ..صدقيني لو الموضوع حاصل لهم كنتي تشوفينهم يزاحمونك على البيع بس ماعليك منهم..توكلي على الله وربي يسهلها..وسبحان الله فيه ناس بس حسد فيهم يعني تخيلي ..انا مسويه لي (ميني ماركت)خخخخ طبعا هي بسطة صغيرة بس انها مكشختها ومسميتها ميني ماركت ..المهم يوم الأربعاء نجتمع في بيت جدي ويصير البيت مليان ماشاءالله وعاد ولد اختي هو اللي يدير البسطة ويوديها هناك..والله لو تشفين بعض الناس وشلون في عيونهم الحسد لك ..وليتهم بس على النظرات ..لا وتقول بالفم المليان الأسبوع الجاي بجيب معي بسطتي واحرق عليكم شغلكم..:35: ليه مدري ..؟



نيراز فكرتك رائعة وفعلا من سنتين طبقتها بالنعناع والكزبرة وكانوا جاراتي يجون مخصوص عندي يشربون شاي بالنعناع..مع اني ساكنة بشقة ولكن عندي مساحة مع كل شباك والله ابوي الله يجزاه خير اعطاني من الشتلات اللي هو زارعها في حوشهم واعطاني احواض وفعلا مافي اسهل من كذا ..ويارب يرزقني في بيت ملك واسوي حوش وازرع فيه على كيفي..

واذكر جارت اهلي الله يرحمها سورية وعاد انتي تخبرين السوارية ماشاءالله عليهم يموتون عالزرع كان عندها نافورة اللي تنحط في وسط البيت الشامي الشعبي كنك عرفتيها ..وحوالينها كانت حاطه اصيص وزارعة فيه فراولة وكان شكلها خيااااااال من جد ..وكنت وقتها اول مرة اشوف نبتة الفراولة..وكانت برضوا زارعة ترنج(الأترنج) وكان رائع ..

عاد لو اقولكم ابوي وش زارع ماراح تصدقون..تخيلي زرع مانجا والكل صار يضحك عليه ويقولون له المنجا ماتزرع عندنا ..ولكن سبحان الله بعد 10 سنوات من الأهتمام ..وابوي طبعا مايأس صارت تثمر ماشاءالله وطبعا المنجا هندي ..وصار ماشاءالله كل صيفية يوزع على العيله كلها ..ياحبي له كريم ..ووالله وفر علي صندوق المنجا اللي في بداية الصيف يطق 50 او 45 ....وطبعا موضوع الزرع ماراح ينتهي لو بنحكي>>>>والله انك طلعتي المواهب الدفينة :27:



الله يبارك في راتبك وزين ماسويتي..


الله يفرج همك يارب ويوسع رزقك ويبارك لك فيه ..

السلام علييييكم يابنات
انا متابعه من فتره للحمله ... وكنت متعمده انى ندخل لهالمواضيع الى زى هاذى .. لانى محتاجه لتغيير فى حياتى

لى فتره نفكر فى مشروع صغيرون .. ومااستقريت على راى محدد ... والسبب انى عندى 3 عيال ولدين وبنت
وهاجسى الكبييييييييير تأمين مستقبلهم ماديا .. انا الحمدالله حاليا .. حالتى مستوره ..لكن نخااااف المستقبل
يمكن لانى عشت يتيمه وعاننينا فى اسرتى من صعوبات الحياه .. فخايفه من تعرض ابنائى لاى صعوبات الله لايفدر


وحاليااااااا انا نفكر فى بيع الكيك والكب كيك فى بعض المحلات .. والمبلغ الى نكسبه بأذن الله ..حنستثمره فى مشروع لعيالى
للان مااستقريت ..
للعلم انا من دوله عربيه ومش سعوديه ..لاحضت اغلب عضوات الحمله من السعوديه
وبصراحه انا لاحضت انه الاخوات فى السعوديه ..ماشاء الله عليهم .. تفكيرهم طموووووووح

بصراااحه انامعك احس اني موظفه من اجل اسدد ديون اخر الشهر وهكذا بدوووون فااااائده