شاركي في النقاش

سجلي الدخول لإضافة تعليق.

التعليقات

2,131
  1. بنات طمطومة مختفية بقالها يومين وميعاد سفرها يوم 23 الشهر ده ... انا قلقانة عليها ... يارب يكون السبب لخمتها مع اختها وتجهيز السفر ليس الا
  2. @mikomiko

    الف الف مبروك يا رورو.
    اوكسي: بصي هوا ممكن اللي خلي الدكتور يطلبهم مني اني كنت عملت تحاليل في الشهر التالت و طلعت عندي انيميا 10.4 و اداني حديد وبعد كده في اخر الشهر السابع طلب مني تحاليل و طلعت 9.6 و بعد كده غيرلي الحديد و حللت و طلعت 9.9 فطلب مني الاسبوع الي قبل اللي فات اني اروحله المستشفي يومين و علقلي محاليل و اداني حقن حديد فيها و فضلت مستمرة علي الحديد و لما رحتله يوم الاتنين طلب مني التحاليل ديه بس المرة اللي قبلها كان علق علي ان فيه نسبة ضعيفة و علي حسب مافهمت ان ده تكون حاجة ليها علاقة بالنخاع الشوكي او حاجة شوكي.
  3. @hya_nnshr_alkhyr

    عارفين يا حبيباتى ...
    كان دائما فى حوار بيدور بينى وبين نفسى ..



    عايزين تعرفوه ؟





    حاضر حاضر بس لو مكنتوش تتحايلوا عليا




    خلاص بقى إوحوا يا جماحه ... هحكيلكو



    الحوار ..
    أنا : معقوله يارورو ممكن ربنا يكون كتب عليكى إنك مش تجيبى غير سيف
    نفسى : آه ممكن وليه لأ .. طب ماناس كتير جدااا كده .. بيجيبوا طفل واحد وبيحاولوا يجيبوا تانى لكن مش بيقدروا و العمر بيعدى و الموضوع بيتقفل على كده .. ما يمكن أنتى منهم
    أنا : يعنى إيه !! ... ممكن أظبط كل حاجه وبرضه مش يحصل حمل لأن ده قدرى
    نفسى : طبعا ممكن .. وساعتها سيف هيفضل كده لوحده طول عمره زى الزعزوعه
    أنا : بس لأ .. حتى لو ده فعلا مكتوب عليا فى حل برضه
    نفسى : حل !! .. حل إيه ده ؟
    أنا : السلاح الذى لا يخطئ ( الدعاااااااااااااااااااااااء ) ...
    لا يرفع القدر الا الدعاء
    نفسى : طب مانتى دعيتى قبل كده
    أنا : بس مش بإستماته ..
    لكن ساعتها هدعى بكل جوارحى هنقطع روحيا وبدنيا للدعاء هصحى أدعى و أنام و أنا بدعى .. هدعى بين الأذان و الأقامة ... هدعى طوال النهار كل جمعه ..
    ... هصحى كل يوم بالليل فى الثلث الأخير ... هدعى ورا كل صلاه
    هدعى بعد ما أصوم .. هتحين كل ساعات الأجابه
    هدعى و أدعى و أدعى ............................. حتى أقابل ساعة الأجابة
    والحوار ده كان دائما بيدينى الأمل و الثقة إنى أكيد بإذن الله هحمل





    شئ تانى عمره ماغاب عنى يا بنات
    الصدقة ...

    عارفين ..إحنا المفروض نحمد ربنا إنه فى شئ أصلا إسمه الصدقة فى دينا , الصدقة ده بتخلى الأنسان يطلع لأعلى المراتب النفسية و الروحيه ..

    وكنت دائما بتفكر و اتامل فى الصدقة و أقول ....
    ياااااه .......
    ربنا الكريم الغنى الملك الذى بيده مقاليد الأمور
    يوم ما الأنسان يبذل الصدقات من اجل وجهه سبحانه وتعالى ..
    يا ترى ربنا هيجازيه بإيه !!!!!!!!!!!!!!!!

    ده إحنا كبشر .. لما حد بيعمل معروف فى حد او بيجامله مجامله
    الإنسان بيبقى مش عارف يعمل إيه ولا إيه للقدامه ... و إسمنا بشر
    ولله المثل الأعلى
    أمال ربنا لما نبذل من أجله الصدقات .... متخيلين هنحصل على إيه ؟
    هنحصل على السعادة دنيا و أخرة ..


    عارفين مره و انا بعمل سونار .. الطبيبة لقيت لحمية فلى الرحم و قالتلى لو منزلتش مع الدورة يبقى لازم نعمل كحت .. معملتش أى حاجة غير إنى تصدقت و انا كلى يقين إن ربنا هيشفينى ... وشربت قرفه كتير لما الدورة جت
    ورحت أعمل السونار
    ولقيت الدكتوره بتقولى : الرحم بقى زى الفل إنتى عملتى حاجة ؟؟؟؟؟؟
    قلتلها لأ ... و انا جوايا فرحانه بسرى الصغير



    و الشهر ده .. بصيت لمبلغ العلاج بتاعة الشهر اللى جاى
    وقلت
    يااااه أنا نفسى أتصدق بالمبلغ كله
    هو أنا معقوله هترك فلوس علاجى علشان ربنا وربنا مش هيكرمنى ... أنا متأكده إن ربنا هيكرمنى ..
    بس زوجى ممكن يقولى لازم ناخد بالأسباب و طبعا معاه حق
    فتراحعت من أجل الأخذ بالأسباب .. بس ربنا يعلم إن نيتى كانت صادقة
    و إن كان نفسى أعمل كده فعلا
    ويشااااااااااااء ربنا إن المبلغ ده فعلا يروح للصدقة ... عارفين ليه لأن ربنا كرمنى فى نفس الشهر :time:


    أنا مش كنت أحب أتكلم فى الموضوع ده ..
    ولكن انا بقوله من باب التحدث بنعمة ربنا عليا ومن باب إنى أثبتلكم و أأكد لكم إن اللى يكون مع الله ثم ياخد بالأسباب مممممممممممش ممكن ربنا يرده أبدا
    و إننا مننساش نداوى نفسنا بالصدقة زى مابنداوى نفسنا بالعلاج


    و تسمحلى شوشو حبيبتى أقتبس من كلامها جمله رائعة ...

    الحلم ممكن نفتكره بعييييييييييييد ... و هو فى الحقيقة أقرب لنا من طرفة عين
  4. حد عنده اخبار عن توتا ... انا اتصلت بيها كذا مرة وموبايلها مقفول .... طمنونى لو سمحتو
  5. MIKOMIKO
    الف الف مبروك يا رورو. اوكسي: بصي هوا ممكن اللي خلي الدكتور يطلبهم مني اني كنت عملت تحاليل في الشهر التالت و طلعت عندي انيميا 10.4 و اداني حديد وبعد كده في اخر الشهر السابع طلب مني تحاليل و طلعت 9.6 و بعد كده غيرلي الحديد و حللت و طلعت 9.9…
    ايوة يا ميكو ما تحليل تركيز الحديد بيوضح تركيزه فى المخزون بتاعة كمان ... متقلقيش ان شاء الله كل خير

تابعي تجارب أخرى من هذا القسم.