شاركي في النقاش

سجلي الدخول لإضافة تعليق.

التعليقات

166
  1. @26_1

    لحظه ولدك يعسل؟....

    وانا اتفق مع الاخوات الله يحميهم عقل وكلام موزون ومبني عن درايه بالمجتمعات الاخرى :)اسمعي منهم:
  2. اللي هذا اوله ينعاف تاليه
    مدام اهلها يدافعون عنها ما اعتقد تتادب ولو
    خاست عندهم شهر
    الله يعوض وليدك خير منها
  3. خلني اكلمك بصراحه
    مسئوليه الزوج مو بالهدايا واعياد ميلاد وهالخرابيط
    ولدك ببساطه يبغى زوجته تمشي على مزاجه وان ما مشت على مزاجه زعل
    فيه شي اسمه اقناع كلام حلو صبر
    بسهوله يقدر يملكهاااا لكن رفع الصوت والتهديد بالطلاق وهالامور ما تنفع
    ومع مين مع بنت توها بالعشرين صغيره ومراهقه وتحب العناد

    شغله ثانيه
    انتي لما خطبتي البنت ماسالتي عن مجتمعها
    هل اهلها يعسلون ؟
    وهنا غلط اكثر الناس الي تدور البنت الجميله الصغيره ومايسالون عن بيئتهم
    ومجتمعهم وعاداتهم
    وبعدها يجي الولد بيغير عادات بنت تربت عند اهلها عشرين سنه بكم شهر
    ويبغاها تطيعه وتسمع كلامه من غير اقتناع ونقاش


    انا اقولك هالكلام من تجربه
    انا تزوجت وانا اكبر من زوجه ولدك
    وارتكبت اغلاط كثيره فبدايه زواجي لاني فعلا ما كنت اعرف شي عن الحياه الزوجيه
    وعاندت وتمسكت برائي بكثير امور
    ومو بس انا كثير بنات اعرفهم لما نتكلم عن اول سنه او سنتين نقول ياصبر رجالنا علينا
    وبعد فتره عرفنا رجالنا وفهمنا اطباعهم وهم فهموا اطباعنا
    وصار عندنا نضج وصرنا نعرف نحل مشاكلنا ونمشي كثير من الامور الي اول كنا نضخمها ونصلح منها مشاكل


    واذا فيه عندهم مشكله ماديه
    وش المشكله اذا اعطاها مصروف شهري مناسب
    تشتري الي تحب ومو كل مابغت شي جت تاخذ منه
    بصراحه انا اشوف هالطريقه تريح الزوج والزوجه من مشاكل كثيره
    لان فيه بعض الازواج اذا زعل من زوجته يعاندها ولا يعطيها فلوس
    وهي تحس بالقهر ومرات اذا رفض يعطيها يحتدم النقاش بينهم وتصير مشاكل
    وهالشي يسبب فجوه بينهم
    خلاص كل شهر ينزل بحسابها مبلغ حسب ميزانيته
    وهي تتصرف بالمبلغ
    ولا تنسين انها بغربه يعني ماعندها احد لو امها قريبه خذت منها لو خواتها حولها تسلفت منهم

    واخيرا
    ترا طبيعه الرجل غير المرأه
    احنا طبعنا نسولف ونفضفض لاهلنا وصديقاتنا ونتكلم عن تفاصيل حياتنا اليوميه التافه
    هو طبع فينا
    بس الرجال ما يتكلم وان تكلم اعطاك الشي المختصر
    يعني مو شرط انه طول هالفتره متحمل لاااا واسمحي لي باين ان ولدك فيه حقه بعد

    الله يسخرهم لبعض

تابعي تجارب أخرى من هذا القسم.