الموضوع مغلق

اخت زوجي النشبه وش الحل معاها..؟

السـلام عليكم كيفك .؟


انا ودي اقولكم عن مشكله مسببت لي ازمه بحياتي ماني قادره احذ قرار يريحني ..


هي انه انا متزوجه وماعندي عيال ومالي متزوجه سنه وام زوجي متوفيه وابو زوجي متزوج وحده ثانيه المهم انه اخت زوجي مهي مرتاحه مع زوجت ابوها وجت تسكن عندي لها الحين 8 شهور:mad: وانا لي 4 شهور متزوجه جت ما اخذ راحتي ببيتي لا لبس ولا شيء حتى نوم وهو النوم ما اقدر انام ع كيفي تخيلوا انا زوجي دوامه شفتات اذا كان هو طالع انام تكون هي صاحيه ذاك الوقت وترفع صوت التلفزيون ولا اقدر ارتاح ولاشيء واذا لبست اي شيء لدرجه اذا لبست بنطلون تقول لي حرام وشوله تلبسينه ومدري كيف طيب انا لابسته قدام زوجي هي وش دخلها ملقوفه بكل صغيره وكبيره تدخل لدرجه حتى الاكل الي اسويه له تدخل فيه بثره ياناس تقول اخوي مايحب كذا ويحب كذا طيب هي ادرى بزوجي يعني:mad: طبعا هي ماتزوجت لسع ياناس انا مليت منها معليش بس افهموني تعرفون وش معنى مليت ولاتتنازل تشيل شيء من الارض انا كل شيء اسويه الى درجه ملابسها انا الي اغسل لها :44: تحطها بشبك الغسيل حقي الي بالحمام مع ملابسي انا وزوجي يعني انا مجبوره اغسل لها وقلت لزوجي اني مليت خلاص قالي وش اسوي يعني تبيني اطرد اختي من البيت صعبه وهي مالها الا الله ثم انا تعرفين زوجت ابوي مو زينه معاها طيب انا وش دخلتي بزوجت ابوها:44: واخوانها الباقين ماتروح لهم لان حريمهم قويات مره وانا الضعيفه جايه عندي :icon33: ع شاني اصكت ولا اقولها شيء


لا وازيدكم من الشعر بيت انها تعزم صديقاتها ولاتقولي قليلت ادب

انا ودي اسوي شيء يطلعها من البيت خلاص اوف
وابوها مستانس انها عندنا ع شان ياخذ راحته مع زوجته (حبيت القلب ):mad:

انا ودي اقول لها تروح بيت ابوها او ع الاقل تشيل شغل البيت عني وانا راح احاول اتحملها ومدري كيف اقول لها شور علي تكفون محتاجتكم
صدق بعض اخوات الزوج يغثون وقليلات حيا
علموني لو انتم مكان وش تسوون

200 تعليق 44,519 مشاهدة

شاركي في النقاش

سجلي الدخول لإضافة تعليق.

التعليقات

192
  1. @trf_28

    الله يعينك
    بس معليش تحملي
    هو الله يهيدها زودتها يوم تحط الملابس معك في السله
    بس اصبري
    وحاولي تقولين لها بهدوء
    ان هذا غلط وماينفع
  2. @alnash_2_1

    شوفي اختي مالومك لو تذمرتي لكن مشكلتك اظهرت جوانب حسنة لزوجك وهي رحمته لاخته وهذا دليل ان معدنه طيب واصيل وانه غير اناني فيا اختي اكسبيه ولاتخسرينه لانه بين نارين

    انا اقول تعاملي معها كأخت يعني عادي جيبيها بمزح ان الشغل يوم علي ويوم عليك
    من ناحية الغسيل اخري غسيلها شوي عشان تحس وتبدأ تغسل ليس حسدا والله ولكن المفروض تقوم بشغلها
    اذا انتقدت لاتردين عليها وبتتعب وحطي ابالك انها ماتزوجت يمكن ماتدري عن شي
    اذا فيه ازعاج قولي لها مباشره وانصحك لاتخلين زوجك يدخل بينكم ويروح ويقولها لان كذا تنشأ الحزازيات واولا واخيرا هي ورقه رابحه لك مع زوجك ان احسنتي لها بتكسبين زوجك .......... قريبه لي جتها اخت زوجها مطلقه ومعها اطفال وماشاء الله تحملت تقول اخاف ربي يحطني مكانها يعني خافت الله فيها تخيلي العمة تزوجت وعيالها كبروا وحده من بناتها اجلست عند قريبتي تقول والله ربي سخرلي البنت وكأنها بنتي قامت معي ابيتي وعيالي وصرت اطلع مع زوجي واخليهم عند بنت اخته والله عطاها على نيتها
  3. @raaay_fzaah

    اممممم الله يكون بعونك

    مالك الا تفتحين معها الموضوع وانك تعبانه من شغل البيت وودك انها تساعدك

    واذا ع اللبس و الأكل مالها دخل فيك .. عادي قولي لها هذا زوجي وانا ادرى باللي يحب :D

    طبعن بمزح علشان ماتزعل وبنفس الوقت تحس بـ لقافتها :P

تابعي تجارب أخرى من هذا القسم.