دورة الباترونات المترجمة .. فلنطبق معا !!

القبعة اليوم اللي بنشتغله سهلة جدا لان تتكون من غرز منزلقة و حشو و عمود و فيها ( غرزة الصدفة ) و سريعة


و تناسب المبتدئات

أولا نبتدي في مشاهدة بعض الصور للقبعة








المطلوب للقبعة

خيوط قطن او صوف على حسب اللي تفضلينه
على حسب خبرتي في القبعات هههه نحتاج الى 100 غرام تقريبا او على حسب الخيط

ابرة مقاس 6.5 ملم طبعا على حسب اللي عندش

في الموقع كانوا اللي لابسينها تناسب الكبار

و بحجم 4 ملم تناسب بسن 3 او 4 سنين




اذكر لما سويت اللي تشبهها كانت حجم الابرة 3.5 لان ما عندي الا هي فصارت تناسب لحجم سنة
مع ان حسيت انها صغيرة


و نبتدي في الباترون

بسم الله

أولا الدائرة



في البداية نشتغل 5 سلاسل ... و بعدين منزلقة في اول سلسلة حتى نكون حلقة

السطر الاول/
نشتغل سلسلتين (نعتبرهم كاول عمود ) ,, و نشتغل 11 عمود في الحلقة ,,
و بعدين نشتغل منزلقة في السلسلة لثانية حتى نغلق الدائرة

( صار عندنا 12 عمود ) >> حتى تتاكدون من شغلكم اذا صح لازم يطلع ليكم 11 عمود في الدائرة و مع السلسلتين اللي نحسبهم كعمود فالجميع 12


السطر الثاني/

نشتغل 3 سلاسل ( نعتبرهم كاول عمود و بعدين نشتغل سلسلة زيادة )

* في الغرزة اللي بعدها نشغل عمود و سلسلة *

و نكرر اللي بين النجوم ** حتى نخلص السطر

و نقفل بغرزة منزلقة بعد في السلسلة الثانية ,, ( بصير عندنا 24 غرزة )



راح تلاحظون انه ما بين كل عمود في سلسلة فراغ


السطر الثالث/
سلسلتين .. و نشتغل عمودين في فراغ السلسلة ,,
* عمود في الغرزة اللي بعدها ( العمود من السطر السابق) + عمودين في الفراغ *
و نكرر و في اخر السطر منزلقة في السلسلة الثانية حتى نقفل الدائرة ( 36 غرزة )


السطر الرابع/
سلسلتين ( اول عمود ) ,, عمود في الغرزتين التاليتين ,, و نشتغل سلسلة
* عمود في الغرز الثلاث التالية ,, و سلسلة *
نكرر لاخر السطر و نقفل بمنزلقة في السلسلة الثانية ,,, ( 48 غرزة )

السطر الخامس/
سلسلتين ( اول عمود ) ,, عمود في كل من الغرزتين التاليتين ,,
و نشتغل عمودين في الفراغ ( فراغ السلسلة )
* عمود في كل غرزة من الغرز الثلاث التالية ( يعني 3 اعمدة كل عمود في غرزة ) .. و عمودين في فراغ السلسلة *
و نكرر للاخير ,, و نقفل في ثاني سلسلة ,, ( 60 غرزة )


السطر السادس/ نسيته*
اللي يبي القبعة تناسب الاطفال او صغار السن يوقف هني ,, اما اللي يبي لحجم اكبر يكمل السطر السادس ,,

سلسلتين ,, بعدين نشتغل عمود في الثلاث غرزة التالية ,,
* نشتغل عمودين في العمود التالي ,, و عمود في الغرز الاربع التالية *
نكرر لاخر السطر ,, و نشتغل عمودين في اخر غرزة عمود من السطر ,,
و غرزة منزلقة في ثاني سلسلة حتى نقفل الدائرة ( 72 غرزة )



الا هني بنوقف و اتمنى اشوف تطبيقاتكم :27:

حتى نكمل الشرح و اذا مو فاهمين لا يرد الا الكيبورد ,,

تصبحون على خير ههههه :27:

وأنت من أهله يآ قلبي ،،

من كتبتي الموضوع وأنآ أنتظر التكمله ،،

ويسعدني أني أكون أول مشتركه ،،

وأول من حطت الشعآآر في توقيعهآآ ،،

والقبعه مرآآ حلووه بس أنهآ صيفيه ،،

مشكووره أستآذه ع ـآلشرح الوآضح،،


:26:

حبيبتي بحرآنيهـ

ألف شكر لج فديتج

وربي يعطيج على قد نيتج

..

اللي احب اقوولهـ آني مااقدر التزم بكل الورش

خآصه ان عندي جامعه فوقتي اكيد بيكون قصير ..

آتمنى اني احط هالشعار .. بس شالفايده مابكون وياكم في كل ورشه :(

رآح آكوون متآبعه لج .. ومطبقه بااي وقت .. لأني مااقدر التزم ..

عسآج ع القوهـ

أستآذتي الغآليه :

لآزم نطبق كل الدرووس عشآن نكون مسجلين :26: ،،

لأني أحسهآ صعبه مو كل شي ممكن أحتآجه :( ،،

لكن رح تكون مرجع لنآآ عند الحآجه :27: ،،

وفيه أشيآء رآح نطبقهآ بآذن الله :39: ،،

فهل لآزم نطبق ع ـكل البترونآت ؟!

:26: ,,

العفو ههه زين والله صرت استاذة يا حلو هالكلمة على قولة التيجر قولوا مس >> miss تدلع علينا:35:
هلا بيش خيو و يسعدني تكونين اول طالباتي






هلا زهوور الله يعافيش ,, لا خيو مو ملزومة تطبقين كل باترون لان في اشياء يمكن انتي ما تحبين تسوينها بس غيرش بطبق ,, فتوكلي على الله و حطي الشعار و اشتركي ويانا و اللي تبينه طبقيه :27:






لا مو لازم ,, اللي تبينه طبقيه .. حتى اني بشارك وياكم و اللي يعجبني بطبقه
اللي احس اني بستفيد منه اطبقه ,, لان الدورة شاملة و راح تحتوي على فساتين اطفال و اشياء ثانية مو شرط الكل له رغبة يطبق هالاشياء
و اني بحط لكم صور و الي اكثر شي تصوتون عليه بنسويه ,,

و بحاول احط لكم مواقع تختارون اللي تبون و بجذي نطبق ويه بعض ,,