خذو بيدى حتى اعيد ثقة بنفسي

ليش مضيقه صدرك رزقك بيجيك والله كريم بس خلي ثقتك بالله وماعليك من الناس لاتلتفتين لهم خليك قويه واثقه من نفسك وصابره

اكثري من الدعاء والاستغفار والصدقه والله يوفقك

ويرزقك بالزوج الصالح الي يسعدك

الله يفرج همك

اي شي يأثر عليج سلبيا لا تفكرين فيه و حاولي انج تبتعدين عنها، ما اقصد تقطعين رحمج لكن لا تعطينها فرصة تقط عليج كلام

والفتي انتباهج لكن شي إيجابي في حياتج مثلا انتي عندج شهادة او حفظتي القرآن او اي إنجاز ناجح سويتيه في حياتج حتى لو كان بسيط اكتبيه في ورقة و علقيه في مكان تشوفينه وذكري نفسج دائماً في ايجابياتج حتى صفاتج قولي انا طاهرة و عفيفة أني وصلت هذا العمر وانا خايفه ربي
شوفي شي في شكلج حلو مثلا عيونج واسعة او جسمج حلو دائماً ذكري نفسج فيهم باستمرار ولا تنسين بالنهاية تشكرين الله على هذي النعم

حاولي انج تشغلين وقتج بشي يفيدج مثل القراءة او اشتركي بدورات او نشاطات

ذكرت لج بعض الاشياء باختصار واذا حابه تقوين ثقتج بنفسج اكثر في طرق كثيرة و متعددة
ولا تنسين اهم شي الدعاء

وعسى الله يوفقج