شاركي في النقاش

سجلي الدخول لإضافة تعليق.

التعليقات

1,528
  1. معليش ياجماعة كان معايا ضيوف
    وانتو عارفين النت مش متوفر ليا لوحدي
    بس انا فاكراكم وبدعي ربنا يفرحنا الايام دي بتوتا وعزيزة (ربنا يرزقكم من حيث لا تحتسبوا )
    وطمطم انا كنت خايفة انك تسافري العمرة من غير ما اكلمك ربنا يتقبل منك مقدما ويرزقك حتى ترضي
  2. معليش اللي فاتني كتيييييييير اوي بس حاحاول ارد ع الطاير
    سمية...ربنا ييسر لك الخير في كل خطوة ماتخافيش من الورم الليفي دة عادي جدا والحمدلله انه خارج الرحم يعني مش بياثر على الجنين ولابياخد من مساحة الرحم
    الظاهر ان حجمه صغير وكدة ممكن يتشال بعدين مش طارئ يعني
    انت بس واظبي على الدايت والاستغفار وقيام الليل والصدقة وربنا حيكرمك ان شاء الله

    شيمو...ربنايكرمك ويوفقك
    مش عارفة رايك اية بس اعتقد ان لو تريح جسمك اخر شهر قبل ماتنزلي مصر خصوصا انك غالبا حتعملي محاولة صح ولا انا غلطانة؟
    على العموم راسلي دكتور عادل وصلي استخارة وربنا يوفقك لما فية مصلحتك
  3. @shymolata

    جزاكم الله خيرا على كل ردودكم اللى قلتوهالى وكتبتوهالى
    الدورة جت امبارح بالليل والمفروض انى اخد كلوميد من تانى يوم الدورة ابدأ فيه الصبح ولا بالليل بردو؟ انتو رأيكم ايه اخد الكلوميد من دلوقت بس كده الدورة هتبقى بدأت من عشر ساعات ولا ابدأ فيه من بالليل عادى؟
    والحقن ان شاء الله هتبقى خامس يوم الدورة يعنى اعد امبارح اول يوم ولا انهارده ؟ معلش اسئلتى بقت ساذجة بس بجد حاسه انى اتلغبطت كده فجأة
  4. جاتلي البريود و النفسيه في الأرض


    حبوب منع الحمل تحضيريه للحقن المجهري
    لا يوجد احد
    الي بيأخدوا اللوكرين او ليبرون او ديبيتكال حقن تحضيريه لاطفال الانابيب
    لايوجد احد
    التنشيط بالكلوميد
    ماما
    زينب ابراهيم
    الي بياخدوا الحقن المنشطه
    لا احد
    الي عمل تلقيح صناعي
    لا يوجد
    الي عملوا سحب او ترجيع للأجنه
    توتا
    الي في اسبوعين الانتظار
    وداع تنشيط بس
    توتا حقن مجهري النتيجه يوم 3 -4 ربنا معاكي يا حبيبة قلبي
    الي حملوا او حوامل ما شاء الله عليهم
    مميزات جابت ولد أحمد
    رمال جابت ولد أنس
    مسلمة جابت بنت : جنة
    كوكر جابت ولد: كريم
    بطه نور
    اشتقت
    مشتاقه لمكه
    ميكوا حامل ببنوته
    ساره حامل ببنوته
    اوشي توئم ولد وبنوته
    رورو
    هدي و نور


    الموقنات برحمه الله
    شيموا
    بوبا
    سميه
    نيفو
    متمنيه الجنه
    دانه حلم عمري
    nadanodo = نادية
    ام انس
    ام اياد
    اوكسيoxygenatom
    توفى
    عزيزة المنال
  5. @neevooo

    شيمولاتا
    جزاكم الله خيرا على كل ردودكم اللى قلتوهالى وكتبتوهالى الدورة جت امبارح بالليل والمفروض انى اخد كلوميد من تانى يوم الدورة ابدأ فيه الصبح ولا بالليل بردو؟ انتو رأيكم ايه اخد الكلوميد من دلوقت بس كده الدورة هتبقى بدأت من عشر ساعات ولا ابدأ ف…
    في ايه يا شيمو ......... مالك ايه اللي ملخبطك كدة ؟
    انت مش طبيعية خااااااااااااالص
    بصي بأة لو ركزتي هتلاقيني مش برد على كلامك من فترة كبيرة ...... لانه بصراحة مش عاجبني
    و كل شوية اقول استني و هي هتهدى و ترجع انفسها تاني
    بس اللي شايفاه انك رابطة نفسك في قالب طوب مسلح من اليأس و الاستستلام بيشدك لتحت و انت حتى مش بتحاولي تفكيكي منه
    بقولك ايه بأة انا هرد و يارب مش تزعلي مني
    اولا ....... ايه الكلام الخايب اللي قلت لجوزي لو مش حملت كل واحد يروح لحاله و انت ذنبك ايه ؟
    اييييييييييييييييه هو انتوا جوز ارانب متجوزين عشان تتكاثروا و لو محصلش نجيبله ارنوبة تانية ؟
    هو الجواز سراء بس ؟ نضحك و نفرح و ناكل و نشرب بس ؟
    هقولك بؤين صغيرين ياريت تفهميهم اوي ...... انت بتخربي بيتك بايدك انت فيكي ايه يعني عشان تقولي الكلام دة
    هي كل واحدة ربنا يختبرها تقول الكلام دة و تفكر كدة ..... لو جوزك هو اللي لا قدّر الله كان عنده حاجة تمنع كان هيقولك روحي حققي حلمك مع راجل تاني ؟
    انا اعرف واحدة قالت لجوزها الكلام دة مرة واحدة بس و مش كانت تعرف ان العيب من عنده هو و كانت النتيجة انه رماها و سافرو سابها لا متجوزة و لا مطلقة و قضت 5 سنين من عمرها بتحاول تاخد حريتها و ليه دة كله ؟
    عشان اتسحبت من لسانها و قالت الكلام العبيط دة
    ثانيا ....... الست حماتك دي كمان اللي محسساني انها امنا الغولة
    انا بقولك اهو حطي صوابعك العشرة في عينيها ابرميهم كدة و غزيها في عينيها
    اللي بيخليها تزيد فيها ضعف حضرتك اللي سامحلها تعيش حياتها في قلة الادب دي
    لكن لو لقيت واحدة مؤمنة و ايمانها برحمة الله قوي كانت اتكتمت و انسد بؤها عنك
    و اما تيجي تتهبب تكلمك تاني و لا ترمي عليكي كلام قوليلها ان كنتي تعرفي تجيبيلنا واسطة عند ربنا هاتيها
    ستغفرك ربي و اتوب اليك
    دة ايه القرف دة
    ثالثا ......... بتشتغلي و طالعان عينك في الشغل عشان تجيبي فلوس علاجك
    لاو الله امّال جوزك دوره ايه ان شاء الله ..... دة ربنا امره يصرف على كل شيء يخصك
    و بالذات علاجها .... هو ان شاء الله لو انتوا شركاء في شركة كنتوا هتخلوا الارباح لواحد و الخساير لواحد ؟
    و حضرتك بأة عاوزة تريحيه من مصاريف علاجك ......... طيب ما بالمرة تريحيه و تجيبي البيبي لوحدك
    هو يا بنتي مش هيبقى ابنه هو كمان و لا هتقوليله انا اللي دفعت عشان ربنا يكرمني بيه ؟
    دة ايه وجع القلب دة ؟
    هرجعلك تاني لنفس البنت اللي قلتلك عليها من سطرين ......... كانت برضو في الغربة و بتشتغل و كمان كان دخلها اعلى منه
    و كانت بتصرف ع الدكاترة و النتيجة ايه هي اصلا سليمة و العيب عنده هو و كمان ايه الاستاذ اتعود انها تشتغل و تصرف فقرر انه كدة كفاية عليه و قعد في البيت و هي اللي كانت بتصرف عليه و على البيت و على علاجها المزيف
    و في الاخر النتيجة اما رماها اخد كل حااااااااااااااااااااااجة حتى حسابها في البنك
    يا فرحتي
    يا حبيبتي الجواز ميثاااااااااااق غلييييييييييييييييظ شركة شايلينها اتنين بحلوها و مرها و بكل تفاصيلها
    و دلوقتي حضرتك جاية تسألي اخد الكلوميد اللي اخدتيه مليون مرة قبل كدة امتى ؟
    خديه دلوقتي و اول نقطة دم دي اول يوم عاوزة ايه تاني بأة ؟
    ايييييييييييييييه فوووووووووووووووقي و لو مش فوّقك كلامي هاجيلك افوّقك بنفسي
    ارحمي نفسك من اللي بتعمليه فيها دة انت عمّالة ترزعي نفسك في الحيط لحد ما هتجيبيلها ارتجاج و غيبوبة و اهي الغيبوبة اعراضها ابتدت اهيه
    انا اسفة يا شيمو كلامي رخم و زي الدبش
    عاوزة تزعلي ازعلي مش مهم المهم تفوقي
    عاوزة تخاصميني و تقاطعيني و تكرهيني ....... موافقة بس اشوفك سعيدة و مبسوطة
    يا شيماء انا بحبك اوي و مش عاجبني اللي عاملاه في نفسك و مش عاوزاكي تتألمي و لا تضري نفسك
    انا شايفاكي بتقتلي نفسك و هتجنن عليكي و مش مالكة غير الكلام لاني مش طايلاكي
    سامحيني يا شيمو انا اسفة على كلامي
    بس مش اسفة ابدا ابدا ابدا
    على حبي ليكي و خوفي عليكي

تابعي تجارب أخرى من هذا القسم.