شاركي في النقاش

سجلي الدخول لإضافة تعليق.

التعليقات

1,528
  1. @ashtkt_alyk

    شيمو...
    انا مش هاطول كتير فى الكلام لان نوفى قالتلك المفيد...
    بس الاول بالنسبة للكلوميد...كان الدكتور قالى قبل كده اننا بنبتدي نحسب من اول نقطة دم أحمر نشوفها.....يعنى سواء أخدتى النهاردة الصبح او بكره على اعتبار انها جت بالليل فمش هتفرق كتير يا قلبى.....وان شاء الله ربنا يطرح لبركة فى علاجك..

    ثانيا...
    انا كمان ملاحظة كمية اليأس و اإحباط اللى أنتى فيهم....بجد مينفعش يا شيمو....ولو الواقع قاسى نقدر نجمله شوية و بشوية صبر كمان ممكن نغيره....
    انا ليا كلمة واحدة مضايقانى أوي و مقدرش أمنعها.....لو جوزك بيعمل كده معاكى فده بسببك انتى و مش بسبب حد تانى...لان سيادتك مستزوقة زيادة و شايلة حملك من عليه و محسساه انك وزيرة المالية ...فى حين ان فيه غيرك مش محتاج و بيحسسه انه فى احتياج لمساعدته....والرجاله معظمهم زي الأطفال و ممكن ميدوروش ورا المغزي الحقيقيى ورا كلام اللى قدامه خصوصا لو كان بيحبهم...هو الوضع قدامه زوجة مكتفية و أم محتاجة...يبقى هيدي مين....

    سيادتك المفروض تصلحى الوضع ده و ده مش هيحتاج منك الا 3 حاجات..
    1- شوية صبر صغيرين
    2- شوية تناحة كتييييييييييييير...ولو لزم الأمر و اتكلم هو رد واحد ممكن يسكته (الرجال قوامون على النساء) يعنى حتى لو مش كنتى بتعالجى علشان تجيبيله الابن اللى بيحلم بيه....فهو برده ملزم بعلاجك

    ابدأي من دلوقتى يا شيمو اطلبى كل طلباتك منه.....ومتتكسفيش ..ولو اتكلم عرفيه انك ملزمة منه...و لو مش عايزة تستفزيه اوي قوليله ان فلوسك خلصت....و حسسيه باحتياجاتك و مطالبك علشان يحطك فى خططته.....وعرفيه انكم أسرة ليكم طموحات و مش متغربين علشان ترجعوا إيد ورا و إيد قدام...و ناقشيه بالعقل ان لو حد عنده محتاج متتأخروش عنه...لكن اللى مش محتاج....يبقى أنتم أولى بالفلوس ديه....محدش عارف بكره فيه إيه...فكريه ان اللى بيدي و ميعملش حساب لبكره....لو لاقدر الله احتاج ممكن يلاقى ان اللى كان بيصرف عليه دم لبه هو اول واحد بيتنكر ليه.....

    وأخيرا أوعى تفتكري ان الامور صعب تغييرها....لا و حتى الرجالة اللى بنحس انهم فى قمة العند..بالهدوء و الصبر بيتغيروا.....بس أهم حاجة منيأسش....تعرفى ليه ....حاجة كان دايما جوزي يقولهالى....قطرات المياة اللى بتنزل باستمرار و انتظام قادرة على قطع أشد الصخور صلابة و اللى فى بعض الأحيان تعجز أعنف الأدوات عن قطعها.....وربنا يهديلك جوزك و يسخرهولك....و يقر عينك بالذرية الصالحة
  2. صاحبة الموضوع
    اشتقت اليك
    صباح الفل عليكم يا بنات... معقول اطول فى النوم النهاردة شوية آجى الاقى الدنيا اتقلبت كده.... توتى... منورة يا قمر ....بس يا ريت يا قلبى تلتزمى لاحسن ابعتلك طمطم تفرغ فيكى شحنة الشر اللى جواها النهاردة....وانتى عارفة بقى ...ربنا يطمنا عل…
    شوشو ربنا يباركلك يارب ... هو فعلا طيب جدا .... وبيعرف معادن الناس ... خبير يعنى
    بقولك انا على الياهوو مش شيفانى برده
  3. @ashtkt_alyk

    أوشى..
    ربنا يطمنا عليكى يا حبيبتى....ومتقلقيش اوي.. ان شاء الله الكتاكيت زي الفل...و لو مش هتقدري تصبري يبقى روحى لاي حد تانى يعمل سونار و يطمنك....
    وهاقولك على حاجة تعمليها علشان تطمنى علىا لبيبيهات لحد ما تروحى للدكتورة...وديه قريتها فى موقع موثوق فيه و لطبيبه باحترم رأيها جدا....وهى إنك تشربى عصير مسكر او تاكلى شيكولاته.....وتسترخى على ظهرك و بعدها بنص ساعة هتلاقى بأمر الله البيبهات بتتحرك.....جربى كده و هتلاقى ان قلة الحركة ديه كانت بس مجرد كسل منهم و لا يمكن مأيلين شوية....
  4. @ashtkt_alyk

    ربنا يبارك فيكى يا أوكستى......
    خلاص الدنيا اتظبطت و بقت تمام....تلاقى بس نورك كان زيادة شوية

تابعي تجارب أخرى من هذا القسم.