مشكلة غريبة كأن روحها راحت وصارت جسد بدون روح ادعوالها والحل من عندكم

بنات جارتي تحكي لي وتقول بسوي عملية قيصرية عشان عملية ربط الرحم لان عندي 6عيال ماابغى اجيب اكثر عمري 37سنة وجاني مرض غريب خوف من عيالي وكره ووحشة تعبان منها جدا اتمنى اموت وارتاح من هذا الحال لاني عشت فترة صعبة كانوا عيالي يصحون علي في النهار ويفزعون في بالليل لمدة سنتين ويضربوني وينهشوني وهم اعمارهم سنة وواحد 3سنوات وكنت مااخرج من البيت اطلاقا اخواتي يقلون لاتجينا نحن مانحب الازعاج والعيال الصغار وكا اقاربي كذا الان انا في عذاب من المولود الجديد ومن الخوف من العملية القيصرية ومن عملية الربط ومن صياح المولود الذي لااطيق اسمعهه اطلاقا من المرض وزوجي مايبغى يجيب شغالة اطلاقا بالفيزا بياخذ من شغالة بدون فيزا العمالة الغير نظامية وانا ابغى شغالة لو بالايجار تمسك المولوداحس بخوف وكره منه بغيت اطلع من البيت واجلس سنة عنداهلي قالوا لاتجينا:44: فكروا في عيالي ونسيوني احس نهاية عقلي قربت واحيانا ودي اطلع من البيت اشرد اوانتحر محد يساعدني اطلاقا ادعي على نفسي بالموت كل يوم واني مارجع بعد العملية وعيالي وهم مواليد صياحهم طول الليل والنهار عذاب مابغى منك الاالدعاء وكنت اخذ ادوية نفسة منهم وكنت حامل واخاف اجيب ولد معوق :icon33:يمكن الادوية اثرت علي انا ولاكثرت الظغط لانهم عيالي الكبار دايم يقلون لي شيلي النونو يبكي وبصراحة كنت دايم متعلقتة في صدري مثل القردة اوالكولا اوالكنر لين مرضت :icon33:بنات ادعولهلمن من قلب بالعافية وعيالها وش علاجها من الخوف وعلاج الوحشة وكيف تسيطر على عدم الالتفات لصياح الدايم لمولودها اذا جاء وكيف تسلي نفسها لين يكبر ماتبغى نت ولا تلفزيون وش الحل اذاتعرفون رقم مكاتب تاجر الشغالات هي من الطائف اوحتى مكة اوجدة اوالرياض والله والله لها دعوة من القلب :39:

60 تعليق 5,029 مشاهدة

شاركي في النقاش

سجلي الدخول لإضافة تعليق.

التعليقات

60
  1. @phzozo

    تراجع طبيب نفسي
    تلتزم بالرقيه الشرعيه والاذكار
    الدعاء وقيام الليل
    تحاول تكون اجتماعيه تروح لجيرانها وصديقاتها
  2. @asmaao_nsyhty

    الله يشفيها ويعافيها قوليلها ترقي نفسها وتشغل القران عندها بالليل وتنتبه من الشغالات الغير نظاميات والله يشفيها ويعافيها ويفرج كربتها وكل مسلم
  3. @trof

    خليها تقرا ايات السكينه 7 مرات كل يوم وبيعافيها الله
    ايات السكينه سوي عليها بحث في قوقل وعطيها اياه وخليها تستمع للرقية السدحان الله يشفيها ويعافيها ويخليها لعيالها

تابعي تجارب أخرى من هذا القسم.