تجمع الموقنات برحمة الله ( خبرات متبادلة حول مراكز تأخر الحمل في مصر ) ج 12
متابعة النقاش، صفحة 39
شاركي في النقاش
سجلي الدخول لإضافة تعليق.
التعليقات
1,528- حبيبتى يابوبا انا عارفه والله ان كلامكم صح بس لو قلتله كده هو فعلا بيكون مش معاه فلوس للادوية لانى زى ماقلتلكم مامته بتاخد منه والحمد لله على كده
- شيموا بصي يا حبيبتي ده تجربه انا شفتها قدامي لست صبرت على جوزها 20 سنه في الغربه بتخدم جوزها وعيالها ست مثاليه عيبها الوحيد انها كانت بتخجل تطلب من جوزها اي حاجه تخجل تقولوا جيبلي هدوم اعزمني بره نفسي في كده كانت ما بتطلبش خالص شويه شويه الموضوع استفحل جوزها بقى حتى الاكل والشرب بيحاول يقلله عليها ودلوقتي هو متزوج من وحده تانيه طماعه مفيش حاجه ما جبهاش ليها لحد الدهب يعني الرجال ما كنش العيب منه العيب كان من مراتوا الي عودته على قله طلباتها لحد ما حوش وجبلها ضره
- وبعدين انا قدامك اهو بطلب من جوزي تكاليف العلاج كلها وانا بعمل حقن مجهري مش كلوميد وحقن ولا بحط مليم لا وكمان باخد منه مصروف شخصي اول كل شهر وبطلب منه يفسحني ويعشيني بره كل كام يوم ودخل جوزي متوسط جدا ومش كثير ولولا اننا عندنا بيت في مصر ما كنتش قدرت اعمل العمليه هنا بس هو جوزي واخدني من بيت اهلي عشان يصرف عليا مش يبهدلني ويخليني اشتغل عشان اصرف على علاجي لا لازم تجمدي قلبك كده ووتشجعي على جوزك وامه
- انا الحمد لله يابنات في سبيل اعمل البرتكول الي قلتلكم عليه الحمد لله شبه لقيت دكتور وافق يعملهولي بس لسه ما استقريتش عليه لسه الامور غير واضحه تمام بس بكره كل شئ حيبان ادعولي بكره اديكم التفاصيل كامله بعد ما اظبط كل اموري
- اوشي ساره استغربت قوي لما عرفت انك ما اخديش الحقنه الى الان على فكره ده خطء فادح من الدكتور ياريت تكوني اخدتيها لانها بتحتاج وقت ليظهر مفعولها والمفروض تاخديها من الاسبوع ال26 ده اولا
ثانيا لو الدكتور ما نبهكيش للراحه على السرير ده الغلط الثاني لان اي وحده حامل بتوئم المفروض ترتاح على السرير الاسابيع الاخيره دكاتره بيقولوا من الاسبوع ال20 وناس من 22 وناس بيقولوا من26 تبدء الوحده ترتاح على السرير على جنبها وفي دكاتره على الاسبوع ال32 بيمنعوها تقوم خالص الا للحمام وكمان تستحمي وانتي قاعده
مواضيع مشابهة
تابعي تجارب أخرى من هذا القسم.