شاركي في النقاش

سجلي الدخول لإضافة تعليق.

التعليقات

1,528

  1. @rmal_8

    عزيزة المنال
    انا الدم بدأ يزيد شويه وسألت الدكتور قاللي غالبا الدوره بس اعملي التحليل فأنا بكره ان شاء الله حنزل اعمله لو الدوره منزلتش عدل اما لو نزلت خلاص يبقه قدر الله و ماشاء فعل
    حبيبتى عزيزة لو حامل يبقى ربنا يتممه على خير ولو مش حامل يبقى قدر الله ماشاء فعل ... انتى اعملى اللى عليكى وربنا يكرمك قريبا يارب بالحمل ويقر عينك بالذرية الصالحة اللهم آمين

  2. @rmal_8

    oshy2005
    ان شاء الله ي ياماما اسالها تانى النهاردة هى بتقول طالما محصلش حاجة الحمد لله بيكون مالهاش لازمة ربنا يستر وربنا يكرمك على النصيحة ياحبيبتى
    السلام عليكم ورحمه الله وبركاتة
    ازيكم يابنات وحشتونى جدا .. عاملين ايه اسفه انى بقالى فتره مش منتظمة معاكم لكن ربنا أعلم بجد بإنى ظروفى اخر لخبطة انا كنت تعبانه جدا كان عندى دور برد كان مخلى صوتى رايح خالص بس الحمدلله انا بقيت كويسه بس للأسف انس جاله دور وحش جدا هو التانى بسبب تغيير الجو وبقاله اسبوعين بيرجع كل اللى بياكله لحد ما اخيرا البرد ظهر عليه وبدأ ياخد علاج ومضاد حيوى اهه ودى الظروف اللى خلتنى اختفى الفترة دى كلها ..
    ربنا ييسر واعرف ارجع انتظم تانى الفترة الجايه دى ...
    بوبا ...
    ياحبيبتى انتى وحشتيييييييييييينى اوى بقالى كتير ما اتكلمتش معاكى واحشانى بجد جدا .. عاملة ايه دلوقتى طمنينى عليكى وعلى اخبارك وعامله ايه وزوجك صحته عامله ايه دلوقتى .. ربنا يكرمك يارب يابوبو
    ام اياد ..
    ربنا يخليكى ياحبيبتى على سؤالك عنى معلش ياحبيبتى انا فعلا كنت غايبه الفترة دى ومش ليا اى مشاركات فى الجزء الجديد ده بس ان شاء الله هحاول اكون موجوده كل يوم معاكم .. قولى لى بتعملى ايه دلوقتى ياحبيبتى المفروض انك بتنشطى خلاص صح ولا ايه قولى لى اخبارك علشان هيبقى صعب علياا وى انى اراجع كل القديم ونفسى اعرف الاخبار ايه ..
    روووووو رووووووووو ...
    ازيك يارورو .. وحشانى ياحبيبتى اوى عاملة ايه ... طمنينى على اخبارك ياجميل انا لسه بقرأ فى المشاركات واتكعبلت كده فى كلمة رورو حامل وبقت ام ورور .. ياترى بجد ولا ايه قولى لى علشان افرح وازغرت طول الليل
    الهدى النور ..
    عاملة ايه ياجميل واخبار حملك ايه والنونو عامل ايه يارب يكون كويس وانتى كويسه وشكرا ياحبيبتى على سؤالك عنى ربنا يكرمك يارب ويتمم حملك على خير ..
    ميكو ميكو ..
    ماشاء ياحبيبتى انتى خلاص فى التاسع ربنا يهون عليكى يارب .. قررتى تولدى قيصرى ولا طبيعى طمنينى عليكى
    توتا ...
    ازيك ياتووووووت .. عاملة ايه .. ربنا يكرمك بالحمل السليم المعافى يارب وتفرحى بنتيجة العملية المرة دى ونفرح كلنا .. ان شاء الله خير انا متفائلة ان ربنا هيكرمك لانك صبرتى كتير وبتسعى اكتر
    بس خلى ثقتك فى الله كبيرة وطنك فيه خيرا ياحبيبتى
    ماما ..
    الحمدلله ياحبيبتى انك هتعرفى تعملى البروتوكول الجديد ده
    ان شاء الله تستقرى على الدكتور المناسب وربنا يكتب لك الحمل على ايده يارب
    اوكســــــى ..
    عاملة ايه استقريتى على ايه .. قولى لى اخبارك على طول
    وداع ..
    ازيك ياحبيبتى عاملة ايه وايه اخبارك
    شيمولاتا ..
    ازيك ياقمرة .. مش هعلق على موضوع جوزو لانك عارفه رأيى فيه كويس .. ربنا يكرمك بالحمل السليم المعافى يارب
    طمطم ..
    طمطومة .. الف سلامه على اختك بعد الشر عليها يارب
    هتسافرى العمرة خلاص اهه يالا جهزى نفسك وجهزى ورقه الدعوات ياحبيبتى واوعى تنسينى فى الدعاء
    ربنا يرجعك بالسلامه يارب
    أوشى ..
    الف سلامة عليكى يا ام التوينز خلى بالك من نفسك الفترة دى كويس وربنا يقومك بالسلامه يارب
    متفائلة ..
    ازيك عاملة ايه ياجمييييل
    سمـــــــــــــــية ...
    ازيك يا سومه عاملة ايه يا قمر .. الحمدلله ان ربنا طمنك ورد دكتور عادل ريح قلبك اهه يالا متشيليش هم بقه انتى كويسه وزى الفل وان شاء الله العمليه اللى هتعمليها هتنجح من اول مرة لان درجه التكيس اللى عندك مش عويصه ولا هتسبب مشكله كبيرة
    نادية ...
    ناااادو ازيك يانونه عامله ايه وحشانى ياقمر اخبارك ايه انا مش اعرف عنك اى اخبار ولو انى عماله اجيب الصفحات وادور عليكى مش لاقياكى عموما انا قولت اسلم لحد ما اقرأ شويه من الملف يمكن اعتر فيكى
    شوشو ..
    شوشو حبيبة قلبى ازيك عاملة ايه وازاى روقان افندى عامل ايه .. ها اخباره ايه وصحته عامله ايه وعامل ايه فى المدرسة الايام دى
    مبسوط ولا مزرجن .. واخبار النونو التانى ايه عامل ايه

  3. @am_ayad_2009

    رمـــــال
    السلام عليكم ورحمه الله وبركاتة ازيكم يابنات وحشتونى جدا .. عاملين ايه اسفه انى بقالى فتره مش منتظمة معاكم لكن ربنا أعلم بجد بإنى ظروفى اخر لخبطة انا كنت تعبانه جدا كان عندى دور برد كان مخلى صوتى رايح خالص بس الحمدلله انا بقيت كويسه بس لل…
    ريمو حمد لله على السلامة يا قمر
    الف سلامة عليكي وعلى انس
    خدي بالك منه عشان الجو ملخبط ليومين دول
    وبالنسبة لاخباري ان يا ستي نشطت بس متبعتش عند اي دكتور لان نفسيتى مش متظبطة اوي
    انا بس خدت التنشيط كدة وخلاص
    واللى في الخير يقدمه ربنا

تابعي تجارب أخرى من هذا القسم.