ابوي تعباااان أبي دعوااات الصالحين والجميع + قصة تعبه

22 مارس 2010

أخواااتي وعزيزاتي منسوبات منتديات عالم حواء والزائرات وكل من يمر هنا

السلام عليكم ورحمة الله وبركاته

أخواااتي الغاليات كأخت لكم وكعضوة هنا وكإنسانة مسلمة قبل كل ذلك أطلب منكم دعوة بظهر الغيب لأبووووي الغالي يتعذب على سرير المستشفى وأنا أتعذب هنا

يقال أن عنده مشكلة بالكلى تأثرت من الإلتهاب الكبدي الذي كان معه لكن إستغربوا الأطباء بأن الكلى سليمة وليس فيها خلل لكن لاتقوم بوظيقتها لمااذا ؟؟

بس حبيت أقولكم إنو كنا مرتاحين وبعيدين عن المشاكل بعد مانقلنا من زمااان عن قرية مشئومة بها الكثير من الحسد والعين وكل واحد يطالع بلقمة عيش غيره ويحسده على الريال وهم للأسف أقاااااااااااااربنا المقربين جداً

لكن بعد ماتزوجت أنا وسافرت راحت حجر العثرة الذي كان واقفاً أمام الوالدة ذات القلب الأبيض التي لن تصدق بأن أهلها بيحسدونها ويحسدوا زوجها وأولادها ويناظرونهم بعين الجشع والأنانية بكل وقااحة

رجعوا أهلي لهالقرية بشهر 8 العام الماضي ورجعت لأختي حالت الكتمة وضيق النفس التي كانت تعاني منها أيام ماكنا بهالقرية لما طفلة صغيرة بالإبتدائي قبل ماننقل بعيد عن هالقرية ( يعني طول وقت إقامتنا بعيد عنها مارجعت لها هالحالة لما كبرت والحين هي بآخر سنة بالكلية ) وكانت أول دلائل المشاكل هناك وطبعا وصلت لدرجة أخووووي يسووق السيارة للمستشفى وهو يبكي لما يسمع امي تشهدها وتبكي البنت مافيه نفس أبداااااااااااا بس ترفع أصباعها تتشهد :icon33:

وأبوي كان متقاعد وكعادة كبار السن يحبون يقضون أوقاتهم بهالعمر بين إبلهم وغنمهم بعيد عن ضوضاء ومشاكل العائلات وكان يطلع كل يوم من العصر لما 10 بالليل عزبته عند غنمه وإبله

عااد الرجال الكبار بالحارة مثل أبوي كلن بعزبته وغنمه وإبله لكن ماأدري ليش من ضيق عيووونهم مستكثرين عليه هالإبل والغنم ( والله مررة جانا أبوي يقول لنا خالك فلان نغزني بكلمة وربي صدري عورني وقلبي نغزني أول مانطقها قال : إنت ياأبو فلان شلون تصرف على هالقطيع اللي مغطي المراعي والدنيا صحراء مافيه لاشجر ولا عشب ؟؟ وإلا هالإبل من يقدر يلمها من هالبراري عاملك بيقعد أيام مالحق عليها ؟؟ )
والله الذي لاإله إلا هو رحت عزبته أنا لما كان مسوي عشاء جمعنا بعزبته خالي هذا وشفت ماشااااااء الله إبل وغنم اللهم لاحسد يملأ العين وزيادة فليييييييييش ضيقة العين على أبوووووووووووووووووي ليش هذا وهو خااالي أخو أمي ؟؟؟؟؟؟؟؟؟

وكمان بالحارة أغلب شباب الحارة مادرس جامعة أو درس وماكمل لأنو وجهه مو وجه دراسة الله يصلحهم غير التدخين والإدمان الله يهديهم ويحمينا يااارب وأرجع أقول لكم تراهم من جماعتنا يعني كل الحارة تخرج منها فقط 5 جامعيين بوظائف محترمة وواحد لسى يدرس و4 موظفين بشهادة الثانوية والباقين عسى الله يسصلح أحوالهم منتهيييييييييين :44:

والله يابنات إنهم حاسدين أمي وأبوي علي أنا وإخواني كلنا خريجين جامعات أخوي الكبير وظيفته ماشاء الله مهمة بالمنطقة والثاني مهندس ماشاء الله متوظف له سنة ( لكن تعذذذذذب تعذيب بدراسته ودفع ضريبة كونه واحد من هالحارة ضيقة العين ويدخل هندسة كيف تجي هالمعادلة ؟؟ أصلا أولا ماسجل هندسة كلهم قالو أووووووووب يالبطرااان حشا عقل مصررري مو سعودي وإلا ماجب هالمعدل المرتفع بالثانوي ؟؟ والذي نفسي بيده 8 سنوات جلسها بالجامعة وذااااق الأمرين وصكت الدنيا بوجهه وكان بيترك التخصص ويحول بعد مرور 4 سنوات وهو ماعدا لسى كم ساعة بس تعقققققققققدت حياته وتأزمت اموره لكن يدعمنا وتشجيعنا له الحمدلله وااصل وإستمر ) والثالث هو اللي لسى يدرس بالجامعة ومطووع ماشاء الله عسى الله يثبته وباااااار بأمي بر شديد اللهم لاحسد وتوفيق رب العالمين له من بره للوالدة
ونحنا 3 بنات تخرجت منا 2 أنا والكبيرة وتزوجنا والصغيرة اللي أقول لكم إنها تعبت بأخر سنة بالكلية
وإثنين واحد بالمتوسط وواحد بالإبتدائي والسبب اللي خلاني أعاارض أمي على رجعتنا للقرية خووفي على هالصغار من مصايب هالزمن خصوصا غن هالقرية مرتع خصب للمصايب هذي وفيها أطفال بثاني إبتدائي والله يدخنوووووووووووون من ورى أهلهم ولما يوصل أول ثانوي تصير مصيبته أكبر من إنها تتدارك لو إنتبهوا لها الاهل
والأهالي مشغولين بمتابعة الناس ومايملكون ومن وين مصادر دخلهم عن تربية عيالهم ومراقبتهم

والله سمعت واحدة بنفسها قالت لي بعد مازرت أهلي لما رجعت من السفر قالت لي : إيه من حقك ماتحسين باللي نحس فيه كلكم عايشين بسبات ونبات وإخوانك رجال يتكل عليهم وكلن على مكتبه ويشرف أبوه بالمحافل ونحنا عيالنا سرابيت ويمشطون شوارع ونلعن فيهم ليل نهار
عاد أنا ما سكتت لها قلت لها هذي نتيجة تربيتك هذا لو تعبتي في تربيته .. الوالدة كانت صح تزوركم وتطلع وتجي لكن تجلس معنا كأم وصديقة علمتنا شلون نفتح لها قلوبنا وزرعت فينا مراقبة الله والخوف منه مو منها ومن أبوي هالشيء اللي عجزتي تطبقينه بنفسك شلون تعلمينه لعيالك ( مع العلم إنه زوجة أحد من الجماعة وأكبر مني بأكثر من 10 سنوات لكن كلمة الحق لازم أقولها ماأتركها تنظل فينا وأشوف أخواني يموتون قدام عيني بسبب عينها الحارة )

ومن يوومها يابنات وأبوي مايجي يوم إلا ويقول غنمي مات منها كذا رأس بدون سبب ألاقيها بالزريبة ميتة .. وإلا ناقتي الفلانية طلعت ولدها ميت وماتت بعده بكم يوم وإلا وإلا وربي مصايب تتحذف علينا من كل صوووب :44:

أبوي وواحد من إخواني بخلاف داااااااااائم في وجهات النظر من لما جو هالقرية وأبوي عصبي مرررررررة وعنده الضغط مع مرضه وأخوي عنيد متمسك برأيه ماينثني ولايعتذر وربي ماكان كذا كان احن إخواااني ويده بلسم عالكل :icon33:

وبدأت تتدهور صحة الوالد لغاية ماجاء اليوم اللي تنوم فيه وماقالوا لي اهلي لأني بغربة مايبون يفزعوني وأنا بعيدة بالصدفة دقيت على اختي وأسمعها تمشي بالشارع قلت لها وينك فيه قالت خارجة من السوبر ماركت رايحة المستشفى
قلت لييييييييييييييييييييش من فيه هناك ؟؟؟؟؟؟؟؟؟؟؟
قالت ماتدرين ؟؟
وربي وقفت قلبيييييييييييي
قلت شنووووووووووووووووووووو فيييييييييييييييييييييييكم ؟؟؟؟؟

قالت لاتحاتين أبوي متنوم والحمدلله مافيه إلا العافية وبيطلع بكرا عاااد إنفجررررررررت أبكي ومن متى وليش ماقلتوا لي وليش لما ادق عليه وأسمع صوته تعبان يكذب علي يقول كنت نايم ولا بعد بالمستشفى مايخبرني << الله لايعيشكم هالإحساس

بعد شوي دقيت عليها قدها دخلت عنده الغرفة وأكلم أبووووووووووووووووي وأبكيييييييييي وش فيك يالغلااا فيني ولا فيك ياعزوتي وسندي هو كمان بغى يبكي لما سمع صوتي فيه غصة وقاعدة أبكي قال يالغالية مافيني شيء تعبي اللي خبرك بالكبد وأثر علي شوي وبكرا طالع عاد ماحبيت أكثر معه بالكلام واتعبه وجلست اكلم أخوي وأخذ التفاصيل منه

وطمني الحمدلله لكن البعيد يضل بقلبه غصة وكأنه مقروووص لغاية مايشووفه ويتطمن بنفسه عسى الله يكتب لي وأنزل وييسر أمورنا ويرزقنا من فضله

وبعدها طلع أبوي وفيه بالقرية هذي عسى اللي يحررررررقها باللي فيها عاادة غبية مرررة
مايرحموووووووووووون المريض 24 ساعة عنده ناس واحد طالع والثاني داااخل وهو لازم يظل منسدح ويرتاح من الكلام عشان مايتعب كل حررركة تتعبه حتى لما ينقلب آآآخ ياقلبي عليه ليته فيني هالوجع ولا فيه الغالي :icon33:

المهم ماكمل شهر ونص وهو بالبيت بس رايح جاي عاى مستشفى الحرس مع أخوي الكبير عسى الله يحفظه ويرزقه الذرية الصالحة يااااااااااااااارب ( له قرابة 6 سنوات متزوج ماجاله أطفال وهو أصلا لما خطب من برا القرية كلهم زعلوا ومنهم اللي جاء وعصب عليه يقاله يعاتب بناتنا فيه وتأخذ من برا القبيلة واللي قهرهم إنها جمالها ماشااااااااااء الله عسى الله يحفظها مسسسكت ويغطي على كل القرية واللي فيها ربي يحفظها ياارب من العين )
ومن إسبوعين بس دخل المستشفى متنوووم وقالوا عنده مشكلة بالكلى ماتقوم بوظيفتها وقالوا بنجرب نعمل لها غسيل أول مرة عشان تنظف ونقدر نشوووف من وين الخلل ونعالجه .. والمشكلة مالقيوا خلل ابدا وطبيعية لكن ماتأدي وظيفتها ليييييييييش عجزوا يفهموون ( الحسد وعمايله عسى الله يردها بأحب أحبااااب اللي حسده << والله مقهووووووووووووووووووووووووووووورة وخايفة على أبوووي لاتعتبون علي بهالكلمة من حرقة قلب تطلع :44: )

بنات والله ماأبي منكم غير دعوووووووووة صااااااااادقة بظهر الغيب وفي جوف الليل وبكل حين بأن تشفي أبوووي وتيسر أمورنا عشان أقدر أنزل أشووفه واتطمن بعيني عليه وأرقيه بنفسي

اللهم رب الناس مذهب البأس اذهب عنه مايجد وسحاذر
اللهم إشفه أنت الشافي لاشفاء إلا شفاؤك شفاءاً لايغادر سقماً
اللهم أكلله بعينك التي لاتنام وأبعد عنه الآلام والأسقام والأوجااع ياااااااااااااارب العالمين يامن أمرك بين الكاف والنوون
رب أرني عجائب قدرتك في ذلك المرض وابعده عنه بحولك وقووتك ياقدير ياقاادر
اللهم ياواحد ياأحد يافرد ياصمد يامن لم يلد ولم يولد ولم يكن له كفواً أحد أسألك بكل إسم هو لك سميت به نفسك أو أنزلته في كتابك أو علمته أحداً من خلقك أن تجير والدي من هذا العذاب ومن كيد الحاسدين وحسدهم وأن تشفيه ببركتك وقوتك عاجلاً غير آجل ياارب العالمين

ابوي تعباااان أبي دعوااات الصالحين والجميع + قصة تعبه

التعليقات

أقوى وسيلة لتنظيم جهازك العصبي والنفسي..!!

ابكي بكاء المضطر ..

من أقوى الأسباب

قال أبو الدرداء رضى الله عنه لأحد إخوانه

ماذا أقوى ما يهيج الفاحشة؟