السلام عليكم ورحمة الله وبركاته
صراحة اللي فيني مدري هو مرض أو شي عادي بس ماادري إيش.. الله يحفظكم ويخليكم للي تحبون طمنوني..
بالبداية عمري 25 هذا التغير صار معي تقريبا من أربع سنوات واللي أحس فيه هو أني أحياناً بدون مقدمات أحس بهزه ورجفه بجسمي كله لدرجة أن كاس الماء اللي بيدي يطيح على الأرض مرة كنت أسوي القهوة وفجأة طاحت مني وانكبت على رجولي,يعني الرجفه هذي لثواني بس،وإذا كنت قاعدة أسولف مع أحد وجتني هالحالة أنسى مدري وش كنت أقول قبل اتذكر للحظات وبعدين اذكر وش كنت أسوي،،وأحياناً قبل ماتجيني بثواني أحس عيوني تقلب وأغمض عشان ماتجيني وتروح،،وأكثر ماأحس فيه إذ قمت من النوم سواء الصبح أو العصر,,وقبل الدورة بأسبوع وبعدها أحس فيه بكثرة,,وقبل سنة رحت لمستشفيات عدة(ماكنت ناوية أروح بس أمي شافتني مرة وخافت وودتني )والمستشفى سوو لي تحليل شامل وتخطيط للمخ والقلب ورنين مغناطيسي يقولون كل شي سليم ..
وكلموا أهلي شيخ وعطاهم أدوية وخلطات لي ملح وسدر وشب أغتسل فيه،وعسل أصلي،والرقية الشرعية قال تستمرين عليه21يوم مع قراءة البقرة,,وللأسف ماتغيرت حالتي..
توقعون وشو صرع أو شي عادي تكفون طمنوني وقولولي وش فيني لأني والله محتااارة وبس أفكر,,
جزاها الله الفردوس الأعلى من الجنة اللي تفيدني ويسعدها بالدارين..
شاركي في النقاش
سجلي الدخول لإضافة تعليق.
التعليقات
15- أقترح تروحين لإستشاري أعصاب
إن لقيت بمستشفى حكومي أفضل - الله ىيشفيك اختي بس روحي لمستشفى ثاني غير الي رحتيله ترى مو كل المستشفيات تعرف تشخص صح ورحي لكتور معروف واستشاري
- الله يشفيك
- الله يشفيك
- لاتهملين نفسك عليك بالقران وصلاة الضحى والوتر والنوافل وحافظي على الصلاة على وقتها وقيام الليل يطرد الداء من الجسد وبعدين شوفي هل تتغيرين او لا
مواضيع مشابهة
تابعي تجارب أخرى من هذا القسم.