تجمع الموقنات برحمة الله ( خبرات متبادلة حول مراكز تأخر الحمل في مصر ) ج 12

صباح الخير يا اوشى ... انا حاليا معنديش اخبار

صباح الورد عليكو جميعا

ريمو

ياحبيبة قلبى انتى وحشانى اكتر والله انا لسة كنت قلقانة عليكى وبفكر اوصلك ازاى عشان اطمن عليكى لقيت ردك على البنات فرحت قوى
والله انا دخلة انهاردة مخصوص ياريمو عشان اطمن عليكى وعلى انوس
الف سلامة عليكى ياقمر وخلى بالكو من نفسكو انتى وانوس ربنا يحفظهولك ياريمو من كل شر ويجعله سليم معافى دايما يارب

اما بقى عن اخبارى ياستى فالحمد لله على كل حال اختنا العزيزة شرفت وانهاردة اخر يوم ليها ومستنية اشوف ميعادى امتى عند الدكتور واروح له وجوزى الحمد لله بقى احسن دلوقتى بس برضه مش راضى يروح يقيس الضغط تانى مش عارفة بقى كسل ولا خوف وانا مش قادرة عليه اقنعه شكلى كده هروح اجيب انا جهاز لقياس الضغط فى البيت واحطه قدام الامر الواقع


اوشى
الحمد لله ياقمر انك اتطمنتى على بيبيهاتك ويارب يفرحك برؤيتهم وهم فى اتم صحة وعافية

ميكو
يلا ياقمر شدى حيلك وان شاء الله تكون ساعة ميسرة وسهلة انتى بس داومى على ورد تسهيل الولادة كل يوم وكمان كترى من التمر فى الايام دى واوعى ياميكو اوعى تنسينا بالدعاء وانتى بتولدى انا عارفة انه صعب تفتكرى حد فى اللحظة دى بس خدى معاكى ورقة فيها اسامينا كلنا او افتحى بقى لينك على الموبايل مع اى حد فينا يكون ماسك ورقة وبيمليكى اسامينا عشان تدعيلنا لانك هتبقى فى ساعة استجابة ان شاء الله

ام اياد
طمنينى عليكى ايه الاخبار بعد المنظار انتى اخدى ديكاببتيل او زولادكس مش كده ؟
خلصتى الفترة بتاعتهم وبداتى تنشيط ولا لسة طمنينى عليكى

ماما
وحشانى جدا ويارب ياماما نسمع عنك كل خير قريب جدا ان شاء الله


توتا
استغفرى ... استغفرى ... استغفرى
وياريت لو تقرأى اى ايات من القرآن ويستحب لو البقرة او ياسين لما لهم من فضل عظيم على زجاجة ماء وتشربى منها على طول ياتوتا


زوزة
قدر الله وماشاء فعل والحمد لله فعلا انها نزلت على مراحل عشان ماتاخديش الصدمة مرة واحدة
مع ان المفروض مش نعتبرها صدمة بالعكس محدش عارف الخير فين وربنا له حكمة اكيدة فى ده بس احنا اللى لسة مش عارفينها

ريموووو ... بقالك فترة غطسانة ودى مش عوايدك ابدا معانا ... لو مش فاضية ... مش مطلوب منك تقرى اللى فات ولا حاجة ... احنا عاوزين مشاركة واحدة بس تطمنينا بيها عليكى

بوبا: انا فعلا كتبت اساميكم علي ورقة و كل شوية بدخل ابص لو لقيت حد دخل كتب حاجة علشان اشوف ان كان فيه حد ناقص.
ماما: الدكتور كان طلب مني التحليل ده لان الهيموجلوبين عندي كان 9.9 بالرغم من اني باخد حديد من الشهر التالت و كان الاول 10.4 فاداني حديد اسمه فروز و في الشهر السابع حللت لقيته 9.6 و بعدها غيروهولي ب ferro sanol duodenal و قعدت 5 اسابيع اخده و حللت طلع 9.9 فالدكتور اداني 4 حقن حديد علي 2 محلول ( كل 2 في يوم و كان معلقهوملي في canula) و قعدت حوالي 20 يوم بعد كده اخد الحديد و طلب مني صورة دم كاملة و تحاليل ferritin in serrum و tibc و امبارح استلمت النتيجة الحمد لله النسبة بقت 10.4.