شاركي في النقاش

سجلي الدخول لإضافة تعليق.

التعليقات

40
  1. @rhab_alhk

    صاحبة الموضوع
    رحاب الحق
    مشكوووورة يالغالية على نصايحك الحلوة مثلك :) تصدقين حبيبتي البارحة رحت شريت حلاوة وشلت الشعر في ايدي اليسار بس ما قدرت أكمل لأن أيدي تحولت الى بنفسجي وأحمر وازرق شي عجيب تقولين عضة كلب اسم الله عليك غير أن الألم مو طبيعي وقمت بعدين شلت…
    عطر المحبة

    شفتي حبيبتي شلووون أنا بعد مثلك قبل الزواج والله اني كنت استخدم حتى الموس احيانا بس كان الشعر اللي فيني خفيف وناعم ولمن أشيل بالحلاوة أظل طول ماني موجودة على السرير أحك سيقاني ببعضهم من زود النعومة بس الحين أنظف ولما ألمس أحس بخشونة الشعرة تحت الجلد

    الله يكون بعوني وعونك وعون الجميع


    جمال اروح إذا فعلا هذا المنتج ماله آثار جانبية توكلي على الله واستخدميه

    Ne3Na3a

    حبيبتي ممكن تقولين لنا ليش ما استمريتي عليه ؟؟
    وهل لقيتي معاه نتيجة حلوة أو لأ؟؟
    هل له آثار جانبية وفين أقدر ألقاه من الصيدلية ؟؟
    أتمنى تفيدينا يالغالية
    وشكرا على مروركم حبيباتي :)
  2. @gmal_alroh

    جاتني أمس حالة احباط من ريولي :44:
    حسيت انه خلاص ،، ما منها أمل


    أمس رفعت السروال ((((اختكم مستورة )))) عشان أشوف طول شعر ريولي :35:
    آخر مرة شلت الشعر كانت على آخر شهر 6 أو أول شهر 7 وأنا مثل ماقلت كل ما أتسبح أفرك ريولي وحسيت انه الشعر اللي تحت الجلد خف وبدا يطلع للسطح
    ولاحظت انه الشعر خف في أماكن ،، وفي أماكن الشعر الحين توه بيطلع وقصير
    الشعر الطويل يتركز في أعلى وأسفل القدم ((( الركبة وفي بداية منابت الشعر من تحت ))) ما أدري شو تسمون هالمنطقة ،،، المنطقة اللي تكون فوق العظمة اللي على جانبي القدم


    بس مشكلة الشعر الطويل انه سهل الكسر :angry: (( استوى مواعين ))
    الشعر اللي في ريولي يوم أمسكه بسرعة الشعرة تتكسر وألقى نصها في ايدي
    وبعض الشعر يكون مقصف وفيه تموجات (( ما افتكينا من شعر الراس طلع لنا شعر الريول ))

    يمكن لأني كل ما أحف الشعر أستعمل زيت زيتون !!

    المهم :
    يوم أمي واختي شافوا ريولي قالوا لي : شو هالريول ؟؟ ليش مشوهة ؟؟
    أنا ريولي فيها آثار بقع لأني زمان كنت أستعمل الدبوس عشان أطلّع الشعرة اللي تنمو تحت الجلد
    والله حسسوني بالإحباط
    مع اني حسيت انه ريولي تحسنت عن زمان

    قلت حق أمي : شو رايج أروح المستشفى يمكن يعطوني كريم ولا شي ؟؟ قالت لي : لا ،،، حالتج مالها علاج ،،،،،،، وبعدين من بيشوفج ؟؟(( الظاهر انه امي دكتورة وأنا ما أدري )) :icon33:
  3. @rymy_9

    جمال الروح
    بنات وايد يسوون سواتك وحلو زيت الزيتون يجفف الشعر مع الاستمرار
    عاد انا احط زيت لوز وجلسرين ومعاهم ملح الليمون وتعالي شوفي الرقص بعد ماحف اموت بس اتحمل وش السواة
    عموما هاي المشاكل من كثافة الشعر بس تخف كثافته راح تختفي مشكلة الشعر الي تحت الجلد
  4. @rhab_alhk

    صاحبة الموضوع
    جمال الروح
    جاتني أمس حالة احباط من ريولي :44: حسيت انه خلاص ،، ما منها أمل أمس رفعت السروال ((((اختكم مستورة )))) عشان أشوف طول شعر ريولي :35: آخر مرة شلت الشعر كانت على آخر شهر 6 أو أول شهر 7 وأنا مثل ماقلت كل ما أتسبح أفرك ريولي وحسيت انه ال…
    هههههههههههههههههههههههههه يحليلك يا عسل
    ويش هالتحبيط لازم عاد تقولك مالك علاج
    بيبني وبينك ولا تخبرين أحد الوضع مؤزم ومحبط ومعقد ومحرج ويفشل وكل شي سيء هئ هئ هئ
    أنا اللي مصيبتي أعظم أن يصير لي في الشنب يعني منطقة ماتتغطى وما شغلتي كل ما أشوف شعرتين أقوم أنتفهم بالملقط
    لدرجة أن زوجي يقول من كم يوم وبعدين معاك من كثر ما تنتفين في هالشنب صار أسود :(
    عاااد أنا زعلت زعلة عووووووووووودة يارب ويش الحل
    بس لو ترد ترد علينا نعنونة الحلوة وتقول لنا ليش تركت التونيك اللي شرته وهل استفادت عليه أو لا عشان الواحد يشتريه وهو مطمئن
    يارب انك تفرجها علي وعلى خواتي يا سميع يا مجيب
  5. @rhab_alhk

    صاحبة الموضوع
    *ريمي*
    جمال الروح بنات وايد يسوون سواتك وحلو زيت الزيتون يجفف الشعر مع الاستمرار عاد انا احط زيت لوز وجلسرين ومعاهم ملح الليمون وتعالي شوفي الرقص بعد ماحف اموت بس اتحمل وش السواة عموما هاي المشاكل من كثافة الشعر بس تخف كثافته راح تختفي مشكلة الشع…
    آي يعوووووووور شلون تستحملين كذا
    مرة أتذكر حفيت وجهي وحطيت عليه ليمون بغيت أنقز للسقف ولعت
    واستخدمت زيت الزيتون يمكن مرتين أو ثلاث بس ما شفت نتيجة وتركتها مشكلتي عيااارة

تابعي تجارب أخرى من هذا القسم.