شاركي في النقاش

سجلي الدخول لإضافة تعليق.

التعليقات

1,384
  1. @ghyth_5

    السلام عليكم
    أنا بشرتي دهنية كنت اعاني من حبوب من نوع متوسط ( حبوب كبيرة وحمراء في الوجه والجسم )
    وراجعت عند الدكتور : عباس الشيخ عمر مستشفى بخش الشرفية في جدة والدكتور هذا أخلاق جدا وأمين جدا كان يرفض يكتب أي شيء تجاري ودايما يقولي أنا وراي حساب في قبري مرا أحب اتعامل معاه
    المهم كتب لي حبوب رواكتان وكريم بيبنثن الازرق للترطيب للوجه و صابونه ايسن ايد وكريم كارمول للجسم
    مده برنامج العلاج : 3 شهور
    الشهر الاول : حبتين في اليوم بعد الغداء والعشاء طبعا مرتين استحمام بالصابونة واحط الكريميين
    الشهر الثاني : حبة في اليوم بعد العشاء وكمان مرتين استحمام بالصابونة واحط الكريميين
    الشهر الثالث : يوم اخذ الحبة ويوم لا ومرتين استحمام بالصابونة واحط الكريميين
    مع العلم أني وزني 50 واعتبر نحيفة مع طولي ونزل وزني تقريبا 3 كيلو مع استعمال دي الحبوب وكنت كل شهر اراجعه ويقيس لي وزني قبل ما يكتب الحبوب
    بالنسبة للجفاف كنت مبسوطة انو شعري ما يدهن بس كنت احط زيت في الشعر مو الفروة قبل الاستحمام بساعتين
    ووجهي الكريم كان يرطبه فما كنت اسوي حاجة وقالي الدكتور اعتمدي دا الكريم اللي هو بيبنثن كانه كريم ليل
    وشفايفي دايما احطه لابيليو
    وبس
    النتيجة : اللحين صار لي من رمضان توقفت ووجهي صار نظيف وجسمي كمان
    بس للامانه انا اصلن طبيعتي انو وجهي مو صافي مرا يعني اصلن من النوع اللي يطلع حبوب صغنونة فأكون واقعية معاكم ما في شيء يخلي بشرتك مرا توب وغيريها 180% بس اول كنت ما احب اطل في المرايه واللحين احس اني مرا احسن ولله الحمد
    ان شاء الله اكون أفدتكم
    ونصيحة : الحبوب دي لازم وصفة طبية

  2. @ghyth_5

    بالنسبة للاكل نسيت اقولكم قالي الدكتور كلي خضروات وفواكه واشربي مويا كويس
    وانا سألته عادي اكل شوكلاته وبطاطس خخ
    قالي: عادي الحبوب بتسوي دورها وزيادة
    يمكن عشاني نحيفة ذيك الايام

تابعي تجارب أخرى من هذا القسم.