ساعدوني تعبني ولدي انقلب وحش كاسر من يوم ما ولدت

السلام عليكم ورحمة الله

ولدي عمره سنتين ونص واخته اربعة ونص ودوبي والدة لي شهر

وولدي ابو سنتين مرة صار عدواني بشكل مو طبيعي ونفسيته تعبانة صار مشاكس ويخرب كل شي وما كان كذا اول

انا ما اهملته واحاول اطنش النونو مرة بس هو نفسيته تعبانة ورجع يشرب رضاعه زي النونو وهو تاركها له سنة وينام في هزازة النونو بمجرد اني اشيله ويقلد حركاته وبكائه والله مقطع قلبي حاولت اتقرب منه واحتويه وما في فايدة

مشكلتي الكبيرة في اخته اكبر منه عمرها اربع ونص وذبحها والله اليوم بس دم من رقبتها خربشها وعظها في بطنها لين نزل الدم وعظها في جنبها جسمها كله احمر ووجها منفخ من كثر البكا وعظها في شفايفها لين ورمت ما ادري كيف لقطها احسه عدواني بشكل مو طبيعي بالذات على اخته


ما ادري اش اسوي او كيف التصرف الصحيح اللي عندها خبرة تفيدني


بالنسبة لابوه متعلق جدآ في الطفل الجديد وعلطول يلاعبه وانا ما ادري اش اسوي طفش مني من كثر ما اقوله طنش الطفل وطالع للثاني

15 تعليق 1,489 مشاهدة

شاركي في النقاش

سجلي الدخول لإضافة تعليق.

التعليقات

15
  1. @sgo_5

    حاولي ياختي انك تهتمين فيه وتقولين له هذا اخوك بوسه تراه يحبك ومن هالحركات وان شاء الله تفيد
  2. عندنا وعندك خير

    هذا شئ طبيعي جدا بس حاولوا تحتونه اكثر انتي وابوه

    لانه هو الحين يحط حرته باخته الله يعينك ويعيني
    بس ان شاء الله فتره وتعدي
  3. @khmayl_ordyh

    طبيعي فتره ويهدى هدي كلها غيره ويبي يلفت نظركم له الحل الوحيد ان ابوه ياخذه معاه لخرجاته خلوه ينسى الضيف الجديد ودوه عند اقاربكم ناس تثقين فيهم وبتربيتهم منها يتسلى وينسى اخوه اشغلوه بافلام كرتون جديده اشتروها له
  4. @tsoahm_1

    خصصي له وقت اقراي معاه كتاب مثلا او العبي معاه
    عطيه اهتمام عشان لما يسوي شئ غلط وتزعلين عليه وماتكلمينه بيحاول يصحح سلوكه لانه مايبي يفقد اهتمامك هذا فيه....
    حاولي تنبهين ابووه لنقطه الغيره, يختي النونو مايفهم بس الاكبر منه هو اللي يفهم ويعرف فحاولو تراعونه
  5. @mgrd_asm_2

    صاحبة الموضوع
    الله يسعدكم ما قصرتو

    بس المشكلة ابوه ما يرضى يشيله معاه ولا يحب يتناقش بخصوص اي اسلوب انصحه فيه مايهتم بذي الامور وانا عصبية وانقهر منه موووووووت لانها يشوفها امور تافهة

تابعي تجارب أخرى من هذا القسم.