يابنات ردو علي الموضوع مستعجل

السلام عليكم ورحمة الله وبركاته
مشكلتي متشعبه شوي بس بحاول اختصرها قد مااقدر:32:
زوجة اخو زوجي دايم حاطه عينها علي انا وزوجي بكل شي تراقبنا مراقب حتى زوجي عرف بها الشي
وانا علاقتي معها سطحيه واحاول دايم اتجنب الاصطدام معها واللي ساعدني اني بمنطقه وهي بمنطقهوهي معروفه الله يصلحها بعينها الحاره:16:
المهم عرفت اني حامل واتصلت تبارك ومن ضمن كلامها (بتجيبين ولد جديد وبتسكنين بيت جديد)انا هنا والله قرصني قلبي حنا قاعدين نعمر بيت وهو على وشك الانتهاء ان شاء الله
المهم من بكره الاولدي مسكين تعب تعب الله لايعيده لدرجه انه يطلع منه دم من تحت الحفاظ
سافر زوجي لااهله وانا جلست ولدي تعبان ارسلت له رساله وقلت يافلان هاتلي من غسال فلانه اي شي عشان خاطر عبودي قال لاامه وراحت يعطيها العافيه جابتلي منها المشكله بدت من هنا:
قال زوجي لزوجها ابغا اسوي الباب حق حمامي نفس اللي عندك فوق قال زوجها هات جوالك وعطاه زوجته وقال روحي صوري يقول زوجي فتحت لهل على وضع التصوير وقلت اضغطي هنا
طبعا الاخت صورت وجلست تفتش بجوال زوجي وطاحت على رسايلي:06:
ارسلت لي رساله وقالت انا عرفت انك خايفه من عيني على ايش ياحسره انا مرتاحه ومن هالكلام
انا رديت عليها وقلت انتي الله يهديك مديتي يدك على الجوال وصار اللي صار وانا قايلي الشيخ خدي من غسال اقارب عيالك وانا سمعت كلامه
وارجو انك تتفهمين موقفي هي ماردت علي ابدا
المشكله بكره فيه زواج وكلنا بنكون فيه وشلون اتصرف معها اطنشها والا اسلم اخاف اجي اسلم عليها تصدني وش اسوي والله مالي الا انتم استشيركم وها انا صح او خطا

13 تعليق 809 مشاهدة

شاركي في النقاش

سجلي الدخول لإضافة تعليق.

التعليقات

13
  1. @kmr_mksof

    والله اذا قابلتيها سلمي مو تروحينلها وتتعنينلها
    وخلي الوضع عادي يعني لاتحتكين فيها خلي علاقتكي سطحية معاها
  2. @hbhbh_hmraaa

    بكيفها انتي سلمي واذا طنشت اخصريها

    والله يكفيك شرها

    بس باين انها مراقبتكم والدليل فتشت جوال زوجك
  3. @alkhyzran_3

    أنا ماأحب حركة الرسايل لأني أحسها دايماً تجيب المشاكل يعني لو كلمتي زوجك مباشرةً كان أفضل لكن هي كمان الله يهديها غلطانة لمن فتشت جوال زوجك وأخرتها شافت الشي اللي مايسرها
    بكره سلمي عليها عادي وإن شاء الله ماراح تصدك
  4. @namy_alshok

    حبيبتي الفشيله عليها مو عليك

    خير تفتش جوال اخو زوجها ,,

    هذي قلة حيا ووقاحه

    ماعليك منها اذا صادفتك سلمي عليها عادي ولا تعطينها وجه ولا تبررين رسالتك

تابعي تجارب أخرى من هذا القسم.