تجمع الموقنات برحمة الله ( خبرات متبادلة حول مراكز تأخر الحمل في مصر ) ج 12
متابعة النقاش، صفحة 80
شاركي في النقاش
سجلي الدخول لإضافة تعليق.
التعليقات
1,528- صباح الخير يا احلي بنوتات.
- اوكسي ...صباح الفل يا ست الكل والله العظيم وحشتيني بجد
بقالي كتير مش بدخل ومش بقابلك ..سبيحان الله لسة كنت بقول لنفسي اوكسي اتاخرت النهاردة مش عوايدها لانك ماشاء الله غالبا اول واحدة بتدخل بحكم شغلك
انا الحمدلله كويسة بس مفتقداكم اوي مافيش حد افضفض معاه
انت عاملة اية الظاهر انك لسة في مرحلة البحث عن دكتور ومركز كويسين ربنا يوفقك ويارب تكوني وصلت لحدكويس عندك في اسكندرية
بالمناسبة يا اوكسي لنت بجد ماعندكيشاجازة سنوية زي بقية خلق الله غلى طول شغل شغل ...اناعارفة ان البنات اقترحو عليك مركز جنين بس انت قلت ظروف الشغل يابنتي حتى الوزراء من حقهم اجازة اشمعنى انت او لوظروفك تسمح تاخدي شهر او اتنين من غير مرتب تنزلي بيهم مصر رمـــــال ربنا يكرمك يا اوكستى ياحبيبتى ويبارك فيكى ويجازيكى خير على دعائك الجميل ده .. يارب يارب تستقرى على الطريق السليم واستخيرى كويس جدا ياحبيبتى قبل مده الانتظار دى لانى حاسة انها طويلة شويه وافضل فى الامور دى انك ما تأخريش اكتر من اللازم وربنا…
ريمو حبيبتى ... حكاية الشهرين الانتظار دول مش اختراع منى ده بناء على كلام دكتور عادل لما شبهلى المبيض بعربية
سافرت لحد السويس انها ماتنفعش ترجع نفس الطريق من غير ما تريح ... تعرفى هو بيوصف 6 شهور للناس اللى قدامهم وقت لكن انا بالنسبة لى قالى اريح مابين محاولة والتانية شهرين
الحاجة الاخيرة انا جه فى بالى حاجة بخصوص الاستخارة امبارح ... قررت انى استخير بدون تحديد طبيب
وقلت فى دعاء الاستخارة ... اللهم ان كنت تعلم اى الاطباء خير لى فى دينى ومعاشى وعاقبة امرى فيسرنى له ويسره لى وان كنت تعلم ايهم شر لى فى دينى ومعاشى وعاقبة امرى فصرفه عنى واصرفنى عنه ثم اقدر لى الخير حيث كان ثم ارضنى به
امبارح بقى لقيت حاجة غريبة خالص ... رجعت افكر فى دكتور شريف الدكتور الاولانى اللى عملت معاه الحقن اول مرة وبصيت بنظره موضوعية عن عيوبه ومزاياه ... بس قررت اتروى قليلا قبل اتخاذ قرار
وبليل حلمت انى رحت عند دكتور شريف وانى بتناقش معاه ولقيت العيادة فى الحلم زحمة على غير العادة فى الواقع
وسألت هناء ... البنت السكرتيرة عن سبب الزحام فقالتلى حاجة غريبة قوى ( دكتور شريف شاطر فى السونار والدكاترة كلهم بيبعتوا الحالات عنده علشان يعملهم سونار فمتقلقيش دى مش حالاته ... فقلتلها غريبة ماعندهم مراكز الاشعة اشمعنى دكتور شريف ... قالتلى بيعملها ارخص )
بس وانتهى الحلم وفكرت ان ممكن الحلم ده بسبب تفكيرى امبارح فى الموضوع
عارفة فترة الشهرين دول يعتبروا فرصة علشان متسرعش واسلك سكة غلط تانى- ماما..صباحك معطر بالورد ازيك ياجميل
انا من امبارح فاكرة اني اتصل بيكي مساء اليوم ان شاء الله بس تعالي انت عاوزة قرصة كبيرة في ودانك انت مش بتزاكري ؟
ولا دة بريك مبكر شوية لالسة يا شاطرة خليه لوقت صلاة الظهر
ميكو..صباح النور يا ام نور(بجد اسم رائع)ربنايجيبها بالسلامة
ماشاء الله تبارك الله انت في التاسع خلاص هانت ربنا يرزقك ولادة سهلة وميسرة صحيح انت حتولدي طبيعي ولاقيصري
والشغل بتروحي كم مرة في الاسبوع ؟
ميكو معليش حاغلس عليكي بس ياريت تبعتيلي ع الخاص قايمة بحاجة البيبي لاني متلخبطة خااااالص وحاسة ان لسة في حاجات ناقصة بس مش عارفة اكملها - انا اصلا ناويه افتح واحكي كل الي في قلبي بس اسمحيلي يا اوكسي انا عاوزه :icon36::icon36::icon36::icon36::icon36::icon36::icon36:
تعبت تعبت تعبت تعبت تعبت تعبت تعبت من الدكاتره نفسيتي خلاص بجد تعبت شديد
ابدء لك من الاول رحت لمستشفى تبع التامين بتاع جوزي قابلت دكتوره عسل وكلمتها عن البرتكول قالت لي اوكي انا موافقه لكن طبعا انا بس بجهزك للدكتور الي حيعملك السحب والعمليه ايه يعني حضرتك مش حتعمليلي كل الخطوات قالت لي لا المهم ضربت للدكتور وهو دكتور في السعوديه وبيجي يعمل العمليات لمجموعه ويرجع تاني قالها لا خليها تاخد فستمون حقنتين في اليوم :( ايه الدكتور الي بيتخذ القرات عن بعد ده طبعا لو جه ولقى اني اخدت كلوميد بس وما عملتش الي قالوهولي حيرفض غالبا المهم جارتي الجديده طلعت دكتوره متخصصه في معامل الاجنه قالت لي المعمل بتاع المستشفى الي اخترتها سئ جدا وعلطول مقفول وبيتفتح بس وقت ما يحتاجوا يعملوا العمليات احنا المعمل بتاعنا مفتوح على طول واحسن لك اقتنعت بكلامها ونصحتني بدكتور من اوائل الدكاتره الي بيعملوا الانابيب في السودان المهم توكلت امبارح ورحت له اول ما سمع قصة البرتكول مسك الورق وقالي ده كلام فاضي طيب اقراءه والله الكلام منطقي ودور الكلوميد ده حاجه جديده اكتشفوها وقالوا انها مفيده جدا للنساء الي عندهم نقص في مخزون البويضات لانه بيحسن من جوده البويضات المهم رفض وقالي تعالي نعمل سونار الحمد لله الحمد لله لقينا 3 بويضات في مبيضي اليمين مقاستهم 10 و9 و9 وانا كنت اخدت الكلوميد 5 ايام والحمد لله البطانه كويسه بس المفاجاءه ان لقى عندي لحميه صغيره والتهابات المهم قالي تعالي يوم السبت نشوف البويضات اخبارها ايه ونحدد حنعمل ايه احتمال كبير يعملي تلقيح صناعي قلت له انا زوجي نسبه التشوهات عندوا كبيره والتلقيح ما ينفعش معاه قال لي حنعيد التحليل بتاعوا ونشوف
انا يا بنات ما قلت لكم ان الfsh ارتفع عندي الى 35 يعني الموضوع رايح للاسوء من السنه الي فاتت للسنه ده ارتفع من 29 لاالى 35 انا مش حمل التجارب وضياع الوقت دلوقتي الدكتور الجديد ده بيقولي انا بقدر اطلع من مبيضك ده 6او5 بويضات (طبعا ما قلش ان شاء الله )هو عاوزني اجلرب معاه عمليه انا يابنات قبل ما اعمل اي خطوه من الخطوات ده استخرت وخلاص انا بس حستخير واتوكل انا متاكده ان ربنا حيكون معايا بس انا حاسه بشويه لخبطه وتشويش بس محتاجه وقت الملم نفسي واقويها واتوكل صح ادعولي ربنا يشرح قلبي للصح يارب
مواضيع مشابهة
تابعي تجارب أخرى من هذا القسم.