قسمــــــــــــاً بالله تعبت نفسيــــــــــــا يابنات ..... الرياض والشرقية رجاءا خاص
السلام عليكم ورحمة الله وبركاته
قسمــــــــــــاً بالله تعبت نفسيــــــــــــا يابنات
مابقى على زواجي غير شهرين وللآن مافصلت فستان الزفاف والا الفسايتن المصاحبة له
كل شيء ملحوق عليه بس فستاااااااااااااااان الزفاف لا
والله اني تعبت نفسيا وامس جلست ابكي من القهر والتوتر
احس نفسي مرة تعبانة ومو عارفة وش اسوي وخصوصا اني لوحدي
شهاليل الله يجزاها بالخير تعبتها معي كثيرر
والله اني ماانساها من دعاويي دائما ربي يوفقها ويسعدهاا
بنات انا امس نزلت على العليا مول ادور اقمشة زفاف للأسف مالقيت شيء
رحت الرماح ورحت بازار ورحت العيسائي ومافي اي قماش فخم وحلوو
الخياطة احس انها بتتعبني كثيرر وغير كذا شكل الشك وحوسته كثير اتقع مرهقة لي وانا مابقى على دوامي غير اسبوعين تقريبا :(
وين اروح بنات ادور اقمشة زفاف فخمة وحلوة ؟؟
انا حجزت للشرقية يوم الاحد القادم ... قلت لو مالقيت بالرياض اقمشة فخمة يمكن القى بالشرقية بس ساعدوني .....
(( وين محلات اقمشة الزفاف الفخمة بالرياض والخبر ))
واذا مافيه يعني امري لله امر على المشاغل وقرفهم لاني مااعرف مشاغل كثير
شهاليل اعطتني مشغل امواج وكم مشغل وقالت لي هذولي قمة شوفيهم
وللآن مارحت لهم لان امواج بعيدة عن بيتنا ومالقيت احد يوديني لها
نصيحتكم وشوركم بنات ؟؟
ثاني شيء :
انا ودي بفستان ذهبي للزواج وصديقتي تقول لازم ابيض ولا بتندمين لو سويتي الذهبي في الفرح تقول عمرك ماراح تلبسين الابيض غير بهاليوم وبقية الايام تقدرين تلبسين الذهبي اللي تبينه وانا محتارة
الله يسعدكم ساعدوني بجد